Tíminn - 07.02.1987, Blaðsíða 5

Laugardagur 7. febrúar 1987
Tíminn 5
Yfir helmingur þrítugra nú „enn ógiftur":
Fer hjónabandið að
heyra sögunni til?
Ótrú ungs fólks á hjónabandinu -
eða ást á „frelsinu" - virðist hafa
aukist geysilega á aðeins einum ára-
tug. Árið 1975 var um helmingur
20-24 ára stúlkna þegar kominn í
hjónaband, en aðeins 20% af jafn-
öldrum þeirra tíu árum síðar. Af
þeim 25-29 ára voru aðeins 18% sem
ekki höfðu prófað hjónabandsham-
ingjuna árið 1975, en 41% enn látið
það eiga sig áratug síðar. Aðeins um
1 af hverjum 10 var enn ógift 30-34
ára fyrra árið en tvöfalt fleiri höfðu
enn ekki látið reyna á hjónaband á
þeim aldri árið 1985. Sömuleiðis
virðist endingu hjónabandanna hafa
stórhrakað og færri af þeim sem
„gáfust upp“ reynt alvarlega í annað
sinn. Af öllum konum 25-34 ára er
nú 16. hver fráskilin eða ekkja en
aðeins 23. hver fyrir áratug.
Meðal karlmannanna hefur þró-
unin verið svipuð, enda þarf tvo til.
Fyrir áratug voru um 3 af hverjum
10 þegar komnir í „hnapphelduna"
á aldrinum 20-24 ára, en aðeins 1 af
hverjum 10 áratug síðar. Aðeins
innan við þriðjungur karla var ógift-
ur á aldrinum 25-29 ára áður en 57%
árið 1985 og um 29% hefur enn látið
hjónabandið eiga sig á aldrinum
30-34 ára nú, á móti 19% fyrir
áratug.
Vegna þess að karlar á þessum
helsta giftingaraldri - 20-34 ára - eru
um 1.400 fleiri en konur á sama aldri
leiðir af sjálfu sér að hlutfall ógiftra
er hærra hjá þeim en konunum. Þess
skal þó getið að hlutfall karla og
kvenna á „besta aldri“ er áþekkt á
höfuðborgarsvæðinu, sem gerir sjál-
fgefið „kvenmannsleysi" lands-
byggðarkarlanna ennþá alvarlegra.
Þar er algengt að hlutföllin séu
112-113 karlar á móti 100 konum,
sem einhverjum af körlunum kynni
að þykja ekki hvað minnsta byggð-
avandamálið. Þær konur sem eftir
eru á landsbyggðinni reyna þó að
gera sitt til að halda fólksfjöldaþró-
uninni í jafnvægi - þó ekki dugi til -
þar sem börn undir 15 ára aldri eru
þar hlutfallslega allt að fjórðungi
fleiri en í Reykjavík, í hlutfalli við
mannfjölda, og er það hlutfall hæst
á Vestfjörðum.
Hér að framan er borin saman
hjúskaparstaða fólks sem var á
ákveðnum aldri fyrir áratug og fólks
sem er á sama aldri nú, samkvæmt
tölum frá Hagstofunni. En einnig
getur verið forvitnilegt að líta á
hvernig aðstæður sama hópsins
breyttust á þessum áratug og varð
fólk fætt 1946-1950 - sem líklega
lætur nærri að vera hin svokallaða
’68 kynslóð - fyrir valinu.
Á þessum aldri voru alveg um
9.000 karlar og 8.200 konur árið
1975. Af konunum voru rúmlega
78% giftar fyrir áratug og það hlut-
fall hækkaði nær ekkert. Helsta
breytingin er sú, að tala aldrei giftra
lækkaði um nær helming niður í um
10%. Fjöldi fráskilinna og ekkna
hækkaði úr 3,6% uppí 8,6% eða úr
300 uppí 687 sem svo var ástatt um
1985. Um 180 höfðu flutt af landi
brott umfram jafnöldrur þeirra sem
heim hafa komið og 43 hafa dáið á
áratugnum.
Hjá körlunum eru hlutföllin ekki
ósvipuð nema hvað fleiri þeirra, eða
rúmlega sjötti hver, hefur eðlilega
aldrei kvænst, þar sem þeir eru mun
fleiri. Tala fráskilinna 1985 var nær
þrefalt hærri en áratug áður, eða
Breytt hjúskaparstaða
’68 kynslóðarinnar:
Karlar
1975: 1985:
Alls: 8.997 8.724
Giftir: 5.983 6.604
Ógiftir: 2.789 1.500
Frásk/ekkl. 225 620
Brottfluttir 166
Látnir Konur 107-
Alls 8.204 7.984
Giftar 6.416 6.451
Ógiftar 1.488 846
Frásk/ekkj. 300 687
Brottfluttar 177
Látnar 43
Hin gífurlega breyting sem orðið
hefur í hjónabandsmálum ungs fólks
síðasta áratuginn sést glöggt á þess-
um myndum. Af konum komnum
vel á þrítugsaldurinn er nú nær
helmingurínn enn ógiftar eða „laus-
ar“ á ný, á móti innan við fjórðung
fyrir áratug, og langt yfir helmingur
karla á sama aldri enn laus og
liðugur núna. Þó eru breytingamar
ennþá meiri meðal fólks á aldrinum
20-24 ára. Þessi milda breyting á svo
stuttum tíma hlýtur að hafa mikil
áhríf á marga þætti þjóðlífsins. T.d.
mætti ætla að húsnæðisþörf ungs
fólks sé nú verulega breytt frá því
sem hún var fyrir áratug - þ.e. fleiri
sækist eftir litlum íbúðum.
620. Brottfluttir umfram aðflutta
voru um 176 og 107 úr þessum hópi
voru ekki lengur á lífi 1985, sem
þýðir að hátt í þrefalt fleiri karlar
hafa látist en konur úr sama ald-
urshópi.
-HEI
Mannfjöldi 25-29
ára eftir hjúskapar-
stétt 1975 og 1985
KARLAR
Giftfólk
Ógiftfólk
KONUR
Breytingar á hjúskaparstöðu fólks
sem fætt er árín 1946 til 1950 á
áratugnum 1975-1985. M.a. vekur
athygli hve margir af þessum hóp,
sem orðinn var 25-29 ára 1975 hefur
síðan flust af landi brott og hve
miklu fleiri karlar en konur hafa týnt
lífi sínu.
Áður gift
Arnarflug hf.:
Sala nýs hlutafjár
Á almennum hluthafafundi í Arnarflugi hf. 5.
febrúar sl. var stjórn félagsins heimilað að auka
hlutafé félagsins um allt að kr. 130.377.000, og
hefur stjórnin ákveðið að nýta þessa heimild og
bjóða hið nýja hlutafé til sölu.
Núverandi hluthafar hafa forgangsrétt til áskriftar
að hinu nýja hlutafé í hlutfalli við hlutafjáreign sína,
enda skrái þeir sig fyrir hlutum fyrir lok febrúar-
mánaðar. Eftir þann tíma er heimilt að selja öðrum
aðilum þá hluti, sem áskrift hefur ekki fengist að.
Hlutaféð verður selt á nafnverði og greiðist með
peningum, víxlum eða skuldabréfum með trygg-
ingum, sem fullnægjandi verða metnar, og reiknast
peningalegt andvirði víxla og skuldabréfa sem
framlagt hlutafé.
Núverandi hluthafar, sem óska að nota forgangs-
rétt sinn til kaupa á hinu nýja hlutafé skulu tilkynna
það til Þórðar Jónssonar, skrifstofustjóra á skrif-
stofu Arnarflugs hf., Lágmúla 7, Reykjavík, s.
29511, fyrir lok febrúarmánaðar.
Jafnframt eru aðrir aðilar, sem áhuga hafa á að
kaupa hlutafé í félaginu, beðnir að tilkynna um það
með sama hætti til Þórðar Jónssonar, sem tekur
við slíkum tilkynningum fyrir hönd stjórnarinnar.
Reykjavík, 6. febrúar 1987.
Stjórn Arnarflugs hf.
Útboð
Innkaupastofnun Reykjavíkurborgarfyrirhönd byggingadeildar óskar
eftirtilboðum í byggingu á efna og líftæknihúsi á Keldnaholti. Verktaki
tekur við lóð í núverandi ástandi, byggir húsið og skilar því tilbúnu
undir tréverk inni og fullfrágengnu að utan.
Útboðsgögn verða afhent á skrifstofu vorri Fríkirkjuvegi 3, Reykjavík
gegn kr. 10.000 skilatryggingu. Tilboðin verða opnuð á sama stað
miðvikudaginn 4. mars n.k. kl. 14.00.
INNKAUPASTOFNUN REYKJAVÍKURBORGAR
Fríkirkjuvagl 3 — Simi 25800
Laust embætti sem
forseti íslands veitir
Prófessorsembætti í almennri bókmenntafræði við heimspekideild
Háskóla íslands er laust til umsóknar.
Laun samkvæmt launakerfi starfsmanna ríkisins
Umsóknir ásamt rækilegri skýrslu um vísindastörf umsækjenda,
rannsóknir og ritsmíðar, svo og námsferil og störf skulu sendar
menntamálaráðuneytinu Hverfisgötu 6,160 Reykjavík, fyrir 6. mars nk.
Menntamálaráðuneytið
5. febrúar 1987
i í bflinn J -
' í bátinn .
* á vinnustaöiw
| á heimlllð ^
,F. í sumarbústíMWi
n ‘ ferðalagfð
og flí.
Mýtt pg ódýrt.
Ef þú hefur einu sinni
reynt Effco-þurrkuna viltu
ekkert annað. Effco-
þurrkan er bæði mjúk og
sterk. I henni sameinast
kc'Stir klúts og tvists, það
eykur notagildi Effco-
þurrkunnar. Effco-þurrk-
an sýgur í sig hvers konar
vætu á svipstundu. Effco-
þurrkan er ómissandi í
bílinn, bátinn, ferðalagið,
á vinnustaðinn og til
heimilisins.
Effco-þurrkan
fæst hjá okkur.