Tíminn - 07.02.1987, Blaðsíða 19

Tíminn 19
Laugardagur 7. febrúar 1987
llllllllllllllllllllllllll MINNING llllllllllllllllllllllllilllllllllllilllllllllllllllllllllllll
Margrét Þorkelsdóttir
Fædd 28. ágúst 1897
Dáin 30. janúar 1987
Pann 30. f. m. lést í hárri elli,
ekkjan, Margrét Þorkelsdóttir fyrr-
unt húsfreyja að Austurey í Laug-
ardal. Hún fæddist í Miðengi í
Grímsnesi 28. ágúst 1897, þar sem
(oreldrar hennar, Þorkell Gíslason
og Sigrún Gísladóttir, bjuggu um
hríð. Arið 1898 fluttu þau að Minna-
Mosfelli, en unt aldamótin flytja þau
svo að Þórisstöðum í sömu sveit og
þar ólst Margrét upp. Var hún yngst
6 systkina, sem nú eru öll látin.
Margrét giftist 16. sept. 1921
Kjartani Bjarnasyni (f. 4.11.1891)
frá Minnibæ í Grímsnesi. Hann var
sonur hjónanna Ragnhildar Jóns-
dóttur og Bjarna Jörgenssonar, sem
þar bjuggu allan sinn búskap. Fyrst
eftir giftinguna áttu þau heima á
Mosfelli, þar sem Kjartan var ráðs-
maður, fyrst hjá sr. Þorsteini Briem
og síðan sr. Ingimar Jónssyni til
ársins 1923. Á Mosfelli kynntist hún
fjölskyldu sr. Þorsteins. Talaði hún
oft um frú Valgerði og móður hennar
frú Kristínu Pétursdóttur Guð-
johnsen. Eins minntist hún dætra
prestshjónanna og hvað þær höfðu
verið henni góðar. Þessar minningar
voru henni mjög dýrmætar.
Árið 1923 hófu þau búskap í
vesturbænum á Kringlu. Þar bjuggu
þau í tvíbýli við Sigurjón Gíslason
og Jódísi Sigmundsdóttur til ársins
1926, en það ár festa þau kaup á
jörðinni Áusturey í Laugardal og
búa þar upp frá því. Kjartan, sem
var afburða duglegur maður, naut
sín vel við búskapinn í Austurey.
Þar var líka silungsveiði, sem hann
stundaði vel. Amma mín, Ragnhild-
ur, sem dvaldi hjá þeim meðan þau
bjuggu á Kringlu og 2 fyrstu árin
þeirra í Austurey, sagði að fyrstu
vorin í Austurey hafi hann lagt nótt
við dag um sauðburðinn við að sinna
lambám og veiði.
Mann sinn missti Margrét 11. maf
Austurey
1939 aðeins 47 ára að aldri. Hann
var jarðsettur á Mosfelli við höfða-
gafl móður sinnar.
Margrét og Kjartan eignuðust 7
börn, sem öll eru á lífi. Þau eru:
Þorkell, lengi bóndi í Austurey, nú
á Laugarvatni. Kristrún var hús-
freyja í Haga í Grímsnesi, býr nú á
Selfossi og starfar á Ási, dvalarheim-
ili aldraðra í Hveragerði. Lárus
bóndi í Austurey. Bjarnheiður
Ragna, húsfreyja í Kópavogi. Anna
Sigrún vinnur á hreppsskrifstofu
Hveragerðis. Þorbjörg húsfreyja í
Reykjavík og Kjartan trésmiður í
Hveragerði, er hann yngstur og var
skírður við kistu föður síns.
Missir Margrétar var mikill, þegar
Kjartan, maður hennar féll frá á
besta aldri og 2 elstu börnin rétt
rúmlega fermd. Þar að auki hafði
Þorkell, elsti sonurinn, átt við heilsu-
leysi að stríða og var tæpast orðinn
vinnufær aftur.
Búskapnum hélt Margrét áfram
með börnum sínum og einhverri
aðkeyptri hjálp til að byrjað með.
Árið 1950 taka 2 eldri synirnir við
búi og jörð, en hún dvelur þar að
mestu næstu árin. Síðan flytur hún
til barna sinna í Hveragerði, en
síðustu 10 árin var hún vistmaður á
Elliheimilinu Ási í Hveragerði.
Það var Margréti alltaf mikið
tilhlökkunarefni að komast upp í
Laugardal á sumrin og alla tíð átti
hún heimilisfang sitt þar. Síðustu
jólin sfn var hún hjá börnum sínum
í Hveragerði og voru þessi jól henni
sönn gleðihátíð.
Margrét var mjög fínleg kona og
sérlega snyrtileg í allri umgengni,
eins og verið hafði Sigrún móðir
hennar. Á fyrri árum gekk hún á
peysufötum spari, en nokkuð
snemma fór hún að klæðast kjólbún-
ingi við öll tækifæri. Mér er í minni,
þegar hún mætti í brúðkaupi sonar
míns fyrir unt það bil 15 árum, hvað
hún, þetta fullorðin kona, var glæsi-
leg í síðum rauðrósóttum kjól.
Enginn, sem ekki vissi, hefði trúað
því að hér færi kona á áttræðisaldri.
Síðast sá ég Margréti síðdegis 28.
f.m. á Sjúkrahúsi Suðurlands á Sel-
fossi, en þangað var hún flutt daginn
áður. Hún var mjög máttfarin og ég
var ekki viss um að hún þekkti mig,
svo ég sagði: „Þetta er Imba, dóttir
hennar Siggu á Hömrum." Þá svar-
aði hún: Já, mér fannst ég kannast
við þig, en við sjáumst svo sj aldan. “
Nú er hún komin yfir móðuna
miklu á fund ástvinarins kæra, sem
svo sárt var að kveðja fyrir hart nær
hálfri öld.
í dag verður hún kvödd í Selfoss-
kirkju og lögð til hinstu hvíldar í
sveitinni sinni.
Börnum hennar, tengdabörnum,
barnabörnum og öðrum ástvinum
sendi ég innilegar samúðarkveðjur.
Blessuð sé minning hennar.
Ingibjörg Tönsberg
Anna Sigurðardóttir,
Fyrrum húsfreyja aö Auðnum í Ólafsfirðii
Fædd 31. janúar 1904
Dáin 17. janúar 1987
Þann 24. janúar síðastliðinn, var
jarðsett hér í Ólafsfirði Anna Sig-
urðardóttir frá Auðnum.
Hún var fædd 31. janúar 1904,
Garði í Ólafsfirði. Anna ólst upp í
fæðingasveit sinni, og bjó þar allt sitt
líf. Ung giftist hún Steini Ásgríms-
syni frá Karlsstöðum í sömu sveit.
Bæði elskuðu þau sveitina sína, og
stunduðu búskap, lengst af, sín hjú-
skaparár.
Þó óblíðar aðstæður slitu þau frá
þeim störfum um tíma, vegna veik-
inda Steina, þráðu þau bæði að
komast aftur í sveitina. Þau keyptu
Auðnir, og hófu þar búskap að nýju,
og bjuggu þar til efri ára.
Þau Anna og Steini eignuðust átta
mannvænleg börn, sem öll komust
til fullorðins ára.
Anna var vel kynnt og vinamörg,
og þrátt fyrir sinn stóra barnahóp,
og mikið annríki heima fyrir, átti
hún ætíð tíma aflögu til að rétta
þeim hjálparhönd, sem þurftu þess
með, og þannig voru þau hjónin
bæði, og fékk ég, sem þessar línur
skrifa, og mitt heimili að njóta
þeirra góðu eiginleika þessara
hjóna.
Við fluttum í nágrenni við þau
1951, og þó vatnsflötur skildi í milli
bæja, voru drengirnir þeirra fúsir
að ferja okkur yfir á bátnum þeirra.
Oft þurftum við að leita til þeirra
hjóna á margvíslegan hátt, um
hjálparhönd, sem ætíð var fúslega
veitt, bæði af þeim og börnum
þeirra. Þakklæti fengu þau eitt að
launum, fyrir alla sína hjálp og
greiðasemi, um annað var aldrei
talað, það var þeim gleði að geta rétt
þeim hjálparhönd, sem þurftu þess
með. Þau áttu sjálf sína reynslu úr
skóla lífsins, og þekktu baráttu þá,
sem oft verður að heyja í þögn og
þolinmæði, við fátækt og strit. í
þeim skóla lærist að ávaxta sitt
pund, vera sparsamur nægjusamur
og nýtinn, og þessa ávexti átti Anna
í ríkum mæli. Anna var dásamleg
kona og móðir. Hún lét aldrei erfið-
leikana buga sig. Þó hópurinn henn-
ar væri stór og efnin lítil, voru
börnin ávallt vel klædd, og báru vitni
sínum móðurhöndum, sem saumaði
þeim falleg föt, úr gömlum og notuð-
um flíkum, sem vent var og sniðið
úr, og gerði sem nýtt væri.
Og tel ég, að börnin þeirra Önnu
og Steina hafi fengið dýrmætari arf í
veganesti út í lífið, en heimsins
auður getur veitt.
Elsku Anna mín, ég kveð þig með
þakklæti í hug og hjarta, fyrir alla
þína hjálp og vinsemd, sem ég fékk
að njóta í fátækt minni og sjúkleika.
Þú skildir mig öðrum betur, og varst
alltaf tilbúin að létta af mér, eins og
þú gast. Tókst yngsta barnið mitt
yfir til þín, þegar ég lá sjúk, og oft
komst þú færandi hendi, með glaðn-
ingu til mín og barnanna. Stundum
voru það föt, sem þú hafðir saumað
þeim.
Alla ævidaga þína stóðst þú sem
hetja í holskeflum lífsins, án þess að
kikna fyrir augum manna. Sárin
voru stór, þegar dóttursonur þinn
drukknaði við vatnsbakkann, og svo
þegar næst yngsti sonurinn fórst með
skipi sínu og allri áhöfn.
Pá harm þinn barst í hljóði
en herrann sá þín tár.
Hendur hans, þœr grceða
og mýkja öll vor sár.
Hann þekkir allra reynslu
í þraut og stríði hér,
á þinni lífsins göngu
hann jafnan fylgdi þér.
Ég á svo margt að þakka
þér elsku Anna mín,
og eru þetta fátœkleg
kveðjuorð til þín.
í hjarta mínu á ég
þá innilegu trú
að allt þér verði launað
í ríki Drottins nú.
ísól Karlsdóttir
Aðalgötu 50, Ólafsfirði
Loðdýrabændur -
Graskögglanotendur
Til sölu nokkur lítið gölluð fiskikör, meðal annars útlitsgölluð.
Henta fyrir loðdýrafóður, grasköggla, matvæli o.fl. Stæröir
660 og 1000 lítra. Seljast með góðum afslætti.
Borgarplast hf.
Vesturvör 27, Kópavogi
Sími: (91)46966
LAUSAR STÖÐUR HJÁ
REYKJAVIKURBORG
Félagsmálastofnun
Reykjavíkurborgar
auglýsir eftirtaldar stöður lausar til umsóknar
1. Þrjár nýjar stöður félagsráðgjafa við hverfaskrif-
stofur fjölskyldudeildar.
2. Staða deildarfulltrúa við fjölskyldudeild, hverfa-
skrifstofu, Asparfelli 12. Áskilin er félagsráð-
gjafamenntun og starfsreynsla á sviði
fjölskylduverndar og barnaverndar.
3. Afleysingarstaða í 12 mánuði á sviði fóstur- og
forræðismála. Áskilin er félagsráðgjafamennt-
un og starfsreynsla á sviði fjölskylduverndar.
4. Félagsráðgjafar og fólk með sambærilega
menntun eða starfsreynslu af vettvangi félags-
málaþjónustu og barnaverndar óskast til
sumarafleysinga.
Upplýsingar um ofangreind störf veitir yfirmaður
fjölskyldudeildar í síma 25500.
Umsóknarfrestur er til 27. febrúar 1967.
Umsóknum ber að skila til Starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.
rml IAUSAR STÖÐUR HJÁ
-MFj REYKJAVIKURBORG
Starfsmenn óskast til sumarafleysinga á Slökkvi-
stöðina í Reykjavík á sumri komandi.
Umsækjendur skulu vera á aldrinum 20-28 ára og
hafa meirapróf til aksturs. Iðnmenntun eða sam-
bærileg menntun æskileg.
Umsóknareyðublöð fást á skrifstofu Slökkvistöðv-
arinnar. Umsóknir skulu hafa borist fyrir 1. mars
n.k. Nánari upplýsingar veitir Tryggvi Ólafsson
skrif stof ustjóri.
Árnesingakórinn í
Reykjavík
heldur 20 ára afmælishátíð föstudaginn 27. febrú-
ar n.k. í Domus Medica.
Fyrrverandi kórfélagar og velunnarar kórsins eru
hvattir til að koma.
Vinsamlegast tilkynnið þátttöku fyrir 20. febrúar til
Bjarna, sími 611816, Önnu Maríu, sími 75680 eða
Ingibjargar sími 41048.
+
Þökkum öllum sem sendu okkur samúðarkveöjur og sýndu okkur
hlýhug og stuðning vegna fráfalls og útfarar
Stefáns Vilhjálmssonar
Eyvindará
Ingibjörg og Björk
Margrét Sveinsdóttir
Vilhjálmur Jónsson
systkini og aðrir vandamenn.
‘
+ Hjartans þakkir færum við öllum þeim sem sýndu okkur samúð og
vináttu við fráfall og útför
sr. Eiríks J. Eiríkssonar
Sigr. Kristín Jónsdóttir
Aðalsteinn Eiríksson Guðrún Larsen
Jón Eiríksson Sjöfn Kristjánsdóttir
Hildur Eiríksdottir Sævar Valdemarsson
Ágústa Eiríksdóttir Sorri Björn Sigurðsson
Jónína Eiríksdóttir Guðlaugur Óskarsson
MagnúsEiríksson Ástþóra Kristinsdóttir
Guðmundur Eiríksson Dagmar Hrönn Guðnadóttir
Ásmundur Eiríksson
Aldís Eiríksdóttir
Ingveldur Eiríksdóttir Páll Skaftason
og barnabörn