Tíminn - 27.05.1987, Blaðsíða 4

4 Tíminn
Miövikudagur 27. maí 1987
Stofnfundur Hvalavinafélagsins á Hótel Borg:
Beitir sér gegn
vísindaveiðunum
- Guörún Helgadóttir vill ekki láta bendla sig viö félagiö
í dag, miðvikudag, klukkan 20.00
verður Hvalavinafélag íslands
stofnað. Á dagskrá stofnfundar eru
stutt ávörp og erindi. Meðal annars
flytur Þór Jakobsson, veðurfræðing-
ur, stuttan fyrirlestur um lífið og
náttúruna í víðum skilningi, Rósa B.
Blöndal, rithöfundur, fjallar um
hvali við ísland og loks verða leiknar
upptökur af hvalasöng, sem hljóðrit-
aður var í undirdjúpum. Allir sem
hafa áhuga eru velkomnir á fundinn,
sem er haldinn á Hótel Borg.
Hvalavinafélagið er stofnað af um
50 mönnum, sem undanfarið hafa
hist og rætt stöðu hvalamálsins á
íslandi, sem þeir telja dapurlega. í
fréttatilkynningu segir: „íslendingar
sem á sínum tíma höfðu forgöngu
um að Hafréttarsáttmála Sameinuðu
þjóðanna var komið á, hafa nú
forgöngu meðal þjóða heims um að
sniðganga og brjóta vísvitandi sátt-
mála og skuldbindingar sínar við
Alþjóðhvalveiðiráðið." Hvalavina-
félagið mun beita afli sínu gegn
vísindaveiðum Islendinga og Hvals
hf. sem eru lögleysa að mati félags-
ins. Undirbúningsnefnd Hvalavina-
félagsins bendir á, sem eina afleið-
ingu hegðunar mannsins, að þremur
hvalastofnum hefur verið útrýmt hér
við land á þessari öld og enn fremur
að ekki verður lengur vart við
Grænlandshvalinn.
í tilkynningunni frá undirbúnings-
hópi félagsins segir frekar: „Við
höfum það eitt sameiginlegt að vera
andvíg hvalaveiðum íslendinga, sem
nú eiga senn að hefjast eitt misserið
enn illu heilli.“
Varðandi frétt DV um þetta mál,
þar sem tekið er fram að Guðrún
Helgadóttir, alþingismaður, sé félagi
í Hvalavinafélaginu og að mikill vilji
væri í félaginu fyrir að hún settist í
stjórn, vill Guðrún gera athuga-
semd. Hún vill ekki vera bendluð
við þennan félagsskap og segist ekki
hafa haft neitt með hann að gera.
Það sé því fráleitt að ætla að hún
setjist í stjórn. þj
Kópavogur:
Eldsvoði
í verslun
Eldur kom upp í versluninni
Matvali við Þinghólsbraut 21 í
Kópavogi aðfaranótt laugar-
dags. Það voru íbúar í næstu
húsum sem gerðu slökkviliði
viðvart. Töluverðan reyk lagði
frá versluninni, en lagerrými
hennar var alelda.
Reykkafarar, sem fóru inn f
húsið, réðu niðurlögum eldsins
og til þess þurfti að rífa niður
millivegg að birgðageymsl-
unni, sem farinn var að brenna.
Nokkrar skemmdir urðu einnig
af völdum reyks. íbúð á efri
hæð hússins er óskemmd.
Rannsóknarlögregla ríkisins
reyndi samkvæmt venju að
komast að eldsupptökum og
segir að ekkert bendi til þess,
að um íkveikju sé að ræða.
Þj
Ráðstefna viö lowa háskóla:
Mannfræði
íslands
Um þessar mundir stendur yfir
fjögurra daga ráðstefna um mann-
fræði íslands við háskólann í Iowa
fylki í Bandaríkjunum. Um tuttugu
þátttakendur eru á ráðstefnunni og
er helmingurinn íslendingar.
Fimm íslendingar fengu styrk frá
Fulbrightstofnuninni til að sækja
þessa ráðstefnu. Það eru Sigríður
Dúna Kristmundsdóttir mann-
fræðingur, Haraldur Ólafsson
mannfræðingur, Guðmundur Ólafs-
son Þjóðminjasafni íslands, Margrét
Hermannsdóttir, sem stundar dokt-
orsnám í Svíþjóð og Halldór Stef-
ánsson, sem kennir við Osaka há-
skóla í Japan.
Þá munu tveir aðrir íslendingar
halda erindi á ráðstefnunni. Það eru
þau Inga Dóra Björnsdóttir, sem
stundar doktorsnám við háskólann í
Arizona, og Finnur Magnússon sem
er í doktorsnámi í Svíþjóð.
Ráðstefna þessi, sem skipulögð er
af Gísla Pálssyni lektor við Háskóla
íslands og E. Paul Durrenberg próf-
essor við Iowa háskóla, fjallar um
ýmsa þætti mannfræði Islands í nútíð
og fortíð. Þetta er án efa mikilvæg-
asta ráðstefnan sem haldin hefur
verið um þetta efni.
Ætlunin er að gefa út tvær bækur
um niðurstöður ráðstefnunnar.
Verður önnur á ensku en hin á
íslensku. íslenska útgáfan verður
notuð sem grundvallarkennsluefni í
mannfræði við Háskólann, en ekki
er til svo yfirgripsmikið rit um mann-
fræði íslands á íslensku í dag. ÞÆÓ
Að bera
ríkulegan
ávöxt
Meðan vísindamenn og ýmsir
fræðingar sitja yfir rykföllnum
skræðum í myrkum kjöllurum og
reyna að finna leið til að láta sólina
auka framlegð létu þessar stúlkur til
skarar skríða. Gullnir geislar sólar-
innar verða umsvifalaust arðsamir,
ef farið er að ráði þeirra. Til þess er
gengið út á hlýjum sumardegi og
ávöxtur bókstaflega borinn um háls
og smátt og smátt þyngist pyngjan
þeim mun lengra sem gengið er.
Þessar sölustúlkur báru ríkulegan
ávöxt í sumarblíðunni í Reykjavík í
gær. þj
Hvalveiðar:
Islendingar aðalskot-
mark grænfriðunga
- í kjölfar þess að Sovétmenn hætta veiðum í ábataskyni
íslendingar verða aðalskotmark
grænfriðunga á næstunni, en græn-
friðungar ætla sér að einbeita sér í
því að koma í veg fyrir vísindahval-
veiðar íslendinga í kjölfar þess að
Sovétmenn hafa ákveðið að hætta
hvalveiðum í ábataskyni. Þetta
kom fram í máli talsmanns Green-
peace samtakanna eftir að sovéska
ríkisútvarpið hafði tilkynnt á-
kvörðun Sovétmanna þessa efnis
síðastliðinn laugardag.
Talsmaðurinn sagðist telja að
ákvörðun Sovétmanna um að
hætta hvalveiðum í ábataskyni
verði til að auka þrýsting á þær
þjóðir sem stunda veiðar í vísinda-
skyni að láta af veiðum.
Hann sagði að á fundi Alþjóða
hvalveiðiráðsins í Bournemouth á
Englandi í júní muni Greenpeace
samtökin einbeita sér á að koma í
veg fyrir áframhaldandi vísinda-
veiðar íslendinga, Norðmanna,
Japana og Suður Kóreumanna.
Á síðasta ári var heildarhval-
veiði í heiminum um 7000 hvalir,
en var 40-50.000 hvalir á ári um
miðjan 8. áratuginn. Þar sem Sov-
étmenn hafa nú hætt veiðum mun
þessi tala lækka verulega. Ætlunin
er að íslendingar veiði 120 hvali í
vísindaskyni á þessu ári.
-HM
Stuðmenn meö nýjung:
Leitað að
látúnsbarka
Táningahljómsveitin Stuðmenn
mun innan skamms senda frá sér
flunkunýja breiðskífu, sem nefnist
„Á gæsaveiðum" og inniheldur 10
lög. Til að fylgja plötunni og sölu
hennar eftir verður haldið í tónleika-
ferð um kjördæmin.
Samfara tónleikaferðinni mun
hljómsveitin standa fyrir nýjung í
íslensku skemmtanalífi, sem slær
jafnvel leðjuglímuna út, hvað frum-
íeik varðar.
Þetta er umfangsmikil og metnað-
arfull söngstjörnuleit undir yfir-
skriftinni „Leitin að látúnsbarkan-
úm“. Á hverjum viðkomustað í ferð
Stuðdrengjanna verður fimm kepp-
endum gefinn kostur á að skrá sig og
flytja eitt lag hver með hljómsveit-
inni eða við eigin undirleik, á hljóð-
færi eða af segulbandi. Keppendur
geta ráðið sjálfir hvaða lag þeir velja
til flutnings i forkeppninni, svo fremi
það sé annaðhvort úr söngvasafni
Stuðmanna, eða til á nótum eða
snældu og þá sent skrifstofu keppn-
innar (Templarasundi 3, sími 24144)
a.m.k. þrem dögum fyrir keppni.
Lokakeppnin verður síðan haldin
í sjónvarpssal í beinni útsendingu
sunnudagskvöldið 5. júlí
Verðlaun í keppninni eru mjög
glæsileg, m.a. Lundúnaferð,
tónleikahald, plötusamningur og
glæsilegur verðlaunagripur, sem er
látúnsbarki á stalli.
í leikreglum segir m.a. að kepp-
endur skuli allsgáðir vera, einungis
skal einn keppandi flytja hvert lag
ogaðhugurskalfylgjamáli. -SÓL
(Tímamynd: Pjeíur)