Tíminn - 27.05.1987, Blaðsíða 13

Miövikudagur 27. maí 1987
Tíminn 13

llillll
llllllillllllll
MINNING

Stefánsson
Helgi
Fæddur 17. janúar 1912
Dáinn 17. maí 1987
Lát mig starfa, lát mig vaka,
lifa. meðan dagur er.
Létt sem fuglinn lát mig kvaka,
lofsöng, Drottinn, flytja þér,
meðan ævin endist mér.
Lát mig iðja, lát mig biðja,
lífsins faðir, Drottinn hár.
Lát mig þreytta, þjáða styðja,
þerra tár og græða sár,
gleðja og fórna öll mín ár.
M.J.
Þessar ljóðlínur komu upp í hug-
ann er við fréttum að kvöldi 17. maí
s.l. að Helgi Stefánsson, móður-
bróðir okkar væri látinn eftir
skamma sjúkdómslegu.
„Gleðja og fórna öll mín ár.“ Pað
á svo sannarlega við um líf og starf
Helga.
Fyrstu minningar tengdar Helga
frænda er tilhlökkunin hjá okkur
krökkunum hjá afa og ömmu í
Haganesi er von var á honum og
fjölskyldu frá Reykjavík, en þau
komu norður í Mývatnssveit á
hverju sumri.
Dagurinn ætlaði aldrei að líða,
amma var svo létt í spori og við
horfðum í suðurátt og loks sást bíll
beygja í áttina að Haganesi. í endur-
minningunni eru næstu vikur eintóm
gleði og sólskin.
Helgi Stefánsson fæddist 17.
janúar 1912 næst elstur barna Ás-
laugar Sigurðardóttur og Stefáns
Helgasonar í Haganesi, en þau eru
Sigurður, Hlfn, Hjördís og fvar, auk
Helga.
Þau Áslaug og Stefán bjuggu í
Haganesi frá árinu 1907-1968. Að
Helga stóðu þingeyskar ættir og er
hann afkomandi Helga Ásmunds-
sonar á Skútustöðum.
Helgi ólst upp á mannmörgu
heimili og snemma fór hann að
vinna og draga björg í bú. Ungur að
árum var hann orðinn slyngur veiði-
maður, gekk til rjúpna á vetrum,
stundaði gæsaveiðar á haustin og
veiddi silung í Mývatni og Laxá.
Áhugi hans á veiðiskap hélst alla
tíð þó árin færðust yfir. Hann unni
útivist og bar virðingu fyrir öllu lífi,
jafnt á láði sem legi og gekk um af
stakri alúð og snyrtimennsku, en
þannig eru allir sannir veiðimenn.
Helgi var við nám í samvinnu-
skólanum veturinn 1934-’35. Hann
kvæntist Sylvíu Jónsdóttur f. 16. júlí
1911 árið 1936 og eignuðust þau
þrjár dætur.
Ásta f. 18. ágúst 1938 d. 28. mars
1939, Bryndís f. 31. maí 1940, Hildur
f. 17. febrúar 1946.
Fyrstu búskaparárin bjuggu þau
að Meðalholti 2, en árið 1950 flutti
fjölskyldan að Háteigsvegi 11.
Sylvia andaðist í nóvember 1958
aðeins 47 ára gömul. Helgi vann
fyrst hjá Lýsissamlaginu, síðan hjá
Kristjáni Skagfjörð og hjá Osta- og
smjörsölunni þar til hann hætti störf-
um fyrir aldurs sakir.
Þau árin hinstu lifa í endurminning
sinni
um unnið, tapað stríð,
og enduræfa stöku
á ævikvöldsins vöku,
sem barst á milli bæja
á bernsku þeirra tíð.
Þó glatt var oft ú hjalla og glóði vín
á skálum
í góðra vina hóp,
hvert auga ástum þrungið,
margt íslenskt kvæði sungið,
sem brjóstsins þela þýddi
og þrá til lífsins skóp.
En lífið kallar alla, sem lifa vor á
meðal,
frá leikjamóti burt,
og hörðum höndum tekur
og harm og trega vekur.
Um eðli manns og óskir
er ekki framar spurt.
K.f.D.
Við systurnar viljum þakka fyrir
þá aðstöðu sem við höfum notið á
heimili Helga frá fyrstu tíð í nærfellt
30 ár. Það var sama hvort komið var
að norðan eða erlendis frá, Helgi
frændi var boðinn og búinn að sækja
mann og keyra hvert sem var.
Svo sjálfsagður hlutur var að búa
á Háteigsveginum að um það var
sjaldnast spurt. Helgi var mikið
snyrtimenni, umgengni hans á
heimilinu var einstök, allt í röð og
reglu. Vinir okkar og skólasystkin
voru fljót að rata á Háteigsveginn og
voru einnig velkominn.
Eftir að við vorum komnar með
maka og börn styrktust böndin við
Helga enn meira. Hann varð vinur
og félagi eiginmanna okkar. Helgi
undi sér vel í góðra vina hópi og var
ómissandi á öllum tyllidögum í fjöl-
skyldunni, þá sat gleðin í fyrirrúmi.
Hann hafði yndi af söng og sagði
snilldarlega frá. Helgi bar hag dætra
sinna og barnabarna mjög fyrir
brjósti og sendum við þeim öllum
okkar innilegustu samúðarkveðjur.
Það er vor í lofti, hugurinn reikar í
Mývatnssveitina, nú er fagurt niður
með á og upp um eyjar.
„Sunnanvindur sumar hlýr, sól og
vor um allan dalinn" eins og svo oft
var þar sungið.
Far þú í friði
friður Guðs þig blessi
hafðu þökk fyrir allt og allt
Margrét og Úlfhildur Rögnvalds-
dætur
Helgi Stefánsson var fæddur 17.
janúar 1912 að Haganesi í Mývatns-
sveit. Hann flutti þaðan til Reykja-
víkur 1938. Helgi varallatíð tengdur
sínum átthögum og á hverju sumri
fór hann norður í Haganes. Þar tók
hann þátt í heyskapnum og stundaði
veiðar.
Lífsbarátta fólksins í Mývatns-
sveit byggði á því að menn þurftu að
hafa allar klær úti til þess að tryggja
lífsviðurværi. Veiðar í Mývatni og
Laxá ásamt eggjatöku og fuglaveiði
voru hluti af þessari baráttu. Þannig
var líf fólksins tengt náttúrunni og
þau tengsl efldu virðingu og urri-
hyggju þess við hana.
Líf Helga mótaðist mjög af upp-
vextinum, þó hann flyttist til borgar-
innar, þá undi hann sér best úti í
náttúrunni. Það voru ófáar helgarnar
sem hann hélt til veiða og fengsæll
var hann svo af bar.
Ég var fimm ára gamall þegar
hann tók mig fyrst með norður í
Mývatnssveit. Síðan fór ég með
honum norður á hverju ári til 14 ára
aldurs. Það var í þessum ferðum sem
ég kynntist honum í sínu rétta um-
hverfi.
Þegar ég hugsa aftur til þess tíma,
þá koma upp margir atburðir í huga
mér. Þessi tími er mér dýrmætur og
stend ég í þakkarskuld við afa minn
fyrir að hafa sýnt mér þá þolinmæði
að taka mig með sér í þessar ferðir.
Það er freistandi að segja frá
einum atburði sem lýsir glögglega
þeirri þekkingu sem afi hafði á
náttúrunni.
Vestur af Vindbelg í Mývatnssveit
er vatn sem heitir Sandvatn. Sand-
vatn er frekar grunnt og mikill
gróður í því og nær hann sumstaðar
upp á vatnsborðið. 1 vatninu er
þokkaleg veiði og hægt að fá væna
silunga. Erfitt er að veiða á stöng
þarna vegna gróðursins og því var
einkurn veitt í net. Bakkar vatnsins
eru kjarri vaxnir og því mjög fallegt
þar.
Suður úr vatninu rennur smá læk-
ur og geyrndi afi bát niður með
honum. Vandi er að sigla að læknum
vegna gróðursins sem cr þéttur og
getur hann farið í skrúfuna. Er smá
renna í miðjum læknum sem hægt er
að sigla eftir. Ekki er akvegur að
vatninu og þarf því að labba dálítinn
spotta frá bílnum og þar til komiö er
að læknum.
Afi lagði net í Sandvatn og var
vitjað um daglega. Eitt sinn var spáð
því að fara myndi að hvessa og var
ákveðið að taka upp netin svo þau
fylltust ekki af slýi. Fórum við tveir
að sækja netin. Gekk allt að óskum
og hófum við að taka úr netunum og
setja þau síðan um borð. Aldrei
hafði aflinn verið meiri og var þegar
farinn að setjast gróður í þau svo
netin voru þung. Gekk verkið því
seinlega og fór að hvessa þannig að
erfiðlega gekk að halda bátnum í
horfinu. Þegar við áttum eftir að
taka upp eitt netið skall á dimm
þoka. Við vorum búnir að taka
stefnuna á netið og fundum það.
Þegar netið var komið um borð var
ég orðinn gjörsamlega áttavilltur og
leist ekki á blikuna. Afi settist við
mótorinn ogsetti í gang. Hann rýndi
út í þokuna sneri bátnum og sigldi af
stað. Þannigsigldum viðgóða stund,
við og við sáum við kjarrivaxna
bakkana. Kjarrið virifist nú sem hár
skógur og hólar urðu að fjöllum.
Skyndilega birtist rennan í læknum
fyrir framan bátinn, afi hafði tekið
hárrétta stefnu á hana, án þess að
hafa nokkur sýnileg kennileiti til
þess að fara eftir. Það voru þreyttir
en ánægðir veiðimenn sem komu
heim í Haganes þetta kvöld.
í þessum ferðum norður í land, þá
veitti hann mér ómetanlega reynslu
scm ég bý að. Sögur þær sem hann
sagði eru ógleymanlegar og aldrei
var hann í vandræðum með að koma
orðum að hlutunum. Það var mikið
lán að eignast slíkan afa, minning
hans lifir með okkur.
Helgi Kristjánsson
Ég var ekki ýkja há í loftinu þegar
ég kynntist Helga Stefánssyni, þeim
öðlings manni í fyrsta sinn.
Það var fyrir ca. 17 árum síðan, að
ég fór í fyrsta sinn að kaupa ost fyrir
foreldra mína í Osta og smjörsölunni
við Snorrabraut, en þar starfaði
Helgi sem sölumaður um árabil. Hin
hlýlega framkoma hans og meðfædd-
ur innileiki verkaði svo sterkt á mig
barnið að ég átti til að spyrja
mömmu hvort osturinn væri ekki að
verða búinn, og lagði þá tindilfætt
upp í næsta leiðangur inn á Snorra-
braut.
Á þessum árum hefði mig síst
grunað að Helgi Stefánsson ætti eftir
að verða langafi barnanna minna.
Sjálf hef ég alltaf kallað hann afa, en
til skýringar þeim sem hafa hváð, jú
afi hans Helga. Hann var okkar
heimili ómetanlegur vinur. Alltaf
boðinn og búinn að hlaupa undir
bagga ef eitthvað var. „Hvert ertu
að fara? get ég skutlað þér? eða á ég
að koma niður í Miðstræti og vera
hjá krökkunum ef þú þarft eitthvað
að fara?“
Já hann er búinn að vera okkur
öllunt ómetanlegur og það skarð
verður vandfyllt.
Selma Ósk Kristiansen
Með þessunt örfáu orðum langar
okkur systkinin til að kveðja okkar
elskulega langafa, sem nú er dáinn.
Daglega kom hann til okkar, kátur
og hress, til þess að leika við okkur
og veita okkur alla þá hlýju og
umönnun, sem honum einum var
lagið. Já um hádegisbil alla daga
fórum við að búast við honum heim
í Miðstræti 10 á Cremlin bílnum
sínum.
Við vorum svo lánsöm að fá að
njóta nærveru hans svo ríkulega
okkar fyrstu ævi ár. Það verður
okkur gott veganesti á lífsleiðinni.
Fyrir allt þetta færum við langafa
bestu þakkir.
Baldur og Bryndís
FRlMERKI
Merki afmælissýningarinnar.
Frímerkjasýningin sem markar
þrjátíu ára afmæli Félags frímerkja-
safnara, verður haldin á Hótel Loft-
leiðum dagana 30. maí til 1. júní
næstkomandi. Þarna verða sýnd frí-
merki í um 140 römmum. Er þetta
landssýning undir vernd Landssam-
bands íslenskra frfmerkjasafnara.
Merkasta sýningarefnið verður
efni frá Þjóðskjalasafninu sem ekki
hefir áður verið sýnt hér á landi.
Efni þetta var sýnt í Osló á síðast-
liðnu hausti og vakti þar geysimikla
athygli. Eru þetta 5 rammar í heið-
ursdeild.
Þá verður svokallaður nálarflokk-
ur í fyrsta sinn á frímerkjasýningu
hér, en þessi flokkur er fyrir algera
byrjendur og reglur því ekki eins
strangar og á venjulegum sýningum.
Verða 6-8 sýnendur í þessum flokki.
Einnig verður kynningardeild á sýn-
ingunni, en þar getur meðal annars
að líta heilt safn íslenskra frímerkja
á forprentuðum blöðum. Þar verður
einnig hluti af heintabyggðarsafni
„Úr Strandasýslu", auk jólamerkja
og tegundasafna.
Meðal safna í samkeppnideild
verður safn Folke Löfström frá Sví-
þjóð og tvö íslensk flugsöfn. Annað
flugsafnið spannar aðeins íslensk
flug og er það í sex römmum. Hitt
safnið spannar einnig millilandaflug
og er það í 12 römmum. Þá verða
mörg fleiri söfn í þessari deild.
Bókmenntadeild verður einnig á
sýningunni og verða þar a.m.k. þrjár
íslenskar bækur. Stimplahandbók
Þórs Þorsteins, en Strandasýslusafn-
ið er sett upp samkvæmt henni.
„íslensk frímerki" Sigurðar H. Þor-
steinssonar og kennslubók hans, sem
kom út fyrir jólin „Um frímerkja-
söfnun".
Sérstakt pósthús með sérstimplum
verður á sýningunni þessa þrjá daga.
Um leið og Félagi frímerkjasafn-
ara er óskað til hamingju með þrí-
tugsafmælið, eru frímerkjasafnarar
hvattir til að skoða sýninguna.
Silfurverðlaun eða meira á þessari
sýningu veita eiganda safnsins rétt til
að sýna á alþjóðlegum frímerkjasýn-
ingum.
100 ára afmæli
Árbæjarsafn þeirra Norðmanna
verður 100 ára í ár og af þessu tilefni
gefur norska póststjórnin út tvö
frímerki, þann 10. júní. Stórbærinn
Björnstad frá Vágá sem er meira en
100 ára gömul bygging, er myndefni
frímerkis að upphæð 2,70 nkr.
„Hestur og riddari" er svo myndefni
hins frímerkisins, sem er að upphæð
3,50 nkr. Er þetta skurðmynd frá 18.
öld eftir Christen Erlandsen Listad.
Merkin eru útfærð og grafin af
Sverre Morken, en prentuð í seðla-
prentsmiðju Noregsbanka.
Sigurður H. Þorsteinsson.