Réttur - 01.04.1983, Blaðsíða 55

Og það er ekki í fyrsta sinn að hann hleypur frá konunni
nei það er það ekki hann hefur gert það fyrr
og hann hefur gert ýmislegt annað fyrr
hann hefur ekki bara einu sinni hætt að reykja
nei hann hefur gert það mörgum sinnum
og það er ekki í fyrsta sinn að hann er seint fyrir
með skattskýrsluna
nei það hefur komið fyrir áður
og það er heldur ekki í fyrsta sinn
að hann hefur lokað sig inni í vinnuherbergi sínu
og neitar að láta undan
nei ekki í fyrsta sinn
og þótt sólin gægist inn um gluggann
læst hann ekki um það
nei hann gefur skít í sólina
hann gefur skít í allt
en bíður þess þó að einhver hringi
já hann bíður þess reyndar
en sjálfur nei sjálfur hringir hann sko ekki
nei segir hann við sjálfan sig
ég hringi ekki
sá vægir sem vitið hefur meira
(Sjá um höfundinn í síðasta hefti Réttar, bls. 14-15. Þýðandinn er Erlingur Sigurðsson.)
119