Fréttablaðið - 04.03.2009, Blaðsíða 2

2 4. mars 2009 MIÐVIKUDAGUR
EFNAHAGSMÁL Skattrannsóknar-
stjóri er með nokkur mál til
rannsóknar sem tengjast dóttur-
félögum sem gömlu bankarnir
stofnuðu í Lúxemborg á sínum
tíma. Þau mál gætu farið sem
skattsvikamál til lögreglu. Henni
væri þá mögulegt að reyna að fá
upplýsingar um þessi félög frá
saksóknara í Lúxemborg á þeim
forsendum. Þetta segir Bryndís
Kristjánsdóttir skattrannsóknar-
stjóri.
Íslensk skattyfirvöld hafi enn
ekki getað nálgast upplýsingar
um viðskipti eða önnur málefni
dótturfélaga gömlu bankanna þar
ytra. Ekki einu sinni um hvaða
einstaklingar eða önnur félög
standi að baki þeim. Erfitt sé að
kasta tölu á félögin sem um ræðir,
en embættið hafi rekist á ýmis
nöfn, sem það vilji skoða betur.
„Við fáum ekki upplýsingar um
þetta gegnum gömlu bankana.
Og í Lúxemborg ríkir banka-
leynd. Skilanefndir gömlu bank-
anna beita þeim rökum að þetta
séu dótturfélög, skráð og staðsett
þar og íslensk löggjöf nái því ekki
til þeirra,“ segir Bryndís.
Spurð um aðstoð stjórnvalda í
þessari leit, segist Bryndís ekki
hafa orðið vör við annað en fullan
vilja þeirra til að opna fyrir flæði
slíkra upplýsinga.
Þetta lýsi sér meðal annars í
væntanlegu þingfrumvarpi fjár-
málaráðherra sem fjallar um
breytingar á skattalögum. Þar
séu lagðar auknar kröfur á móð-
urfélög til að afla upplýsinga um
viðskipti dótturfélaga sinna. Þá
sé sett upplýsingaskylda á endur-
skoðendur og lögmenn innan-
lands, þannig að skatturinn geti
nálgast upplýsingar sem nú leyn-
ist hjá þeim.
Öll ákvæði um þagnarskyldu
víki fyrir skattalöggjöf. Verði
frumvarpið að lögum væri það til
mikilla bóta fyrir skattyfirvöld,
segir Bryndís, en tekur fram að
það veiti ekki aðgengi að gögnum
í Lúxemborg. - kóþ
Skila-
nefndir
gömlu bank-
anna beita
þeim rökum að
þetta séu dótt-
urfélög, skráð
og staðsett
þar og íslensk
löggjöf nái því ekki til þeirra.
BRYNDÍS KRISTJÁNSDÓTTIR
SKATTRANNSÓKNARSTJÓRI
www.bjarniben.is
Bjarni Benediktsson
á opnum fundi
í Mosfellsbæ
Bjarni Benediktsson verður gestur
á fundi Sjálfstæðisfélags Mosfellsbæjar
í kvöld kl. 20.00, í Háholti 23.
Bjarni Benediktsson í 1. sæti
Maðurinn sem lést í bílslysi
á Akrafjallsvegi sunnudag-
inn 1. mars
síðastliðinn
hét Ragn-
ar Ólafsson.
Hann fædd-
ist í Vest-
mannaeyj-
um hinn 26.
nóvember
1963.
Ragnar
var búsettur í Reykjavík en
starfaði við Grundartanga.
Hann var barnlaus en lætur
eftir sig unnustu.
Lést í bílslysi
Skattrannsóknarstjóri rannsakar mál dótturfélaga gömlu bankanna ytra:
Gætu farið til saksóknara í Lúx
Jóhann, leita margir til þín í
afréttara?
„Nei, ég er ekki rétti maðurinn til
þess.“
Réttingaverkstæði Jóa, Jóhanns Arnar
Jóhannssonar, stækkaði nýverið við sig.
Jóhann segir meira að gera í kreppunni
en áður.
Skipaður saksóknari
Ragna Árnadóttir dómsmálaráðherra
skipaði í gær Björn Þorvaldsson í
embætti saksóknara við ríkissak-
sóknaraembættið til fimm ára frá
1. apríl næstkomandi. Björn hefur
gegnt stöðu aðstoðarsaksóknara og
staðgengils saksóknara efnahagsbrota
hjá Ríkislögreglustjóra.
DÓMSMÁL
LÖGREGLUMÁL „Þetta er sigur fyrir
mótapókerinn,“ segir Sveinn Andri
Sveinsson, hæstaréttarlögmaður og
talsmaður Pókersambands Íslands,
um þá niðurstöðu ríkissaksóknara
að ákæra ekki vegna pókermóts sem
lögreglan stöðvaði 16. júní 2007.
Í bréfi sem Sindri Lúðvíksson,
sem stóð fyrir mótinu, fékk frá
ríkis saksóknara kemur fram að
málið hafi verið látið niður falla
þar sem ekki þyki líklegt að sak-
felling náist.
„Ég get ekki verið annað en sátt-
ur,“ segir Sindri. „Það er samt ekki
hægt að segja annað en að lögreglan
hafi hlaupið á sig með því að stöðva
mótið.“
Sveinn Andri segir að það sé skýr
niðurstaða ákæruvaldsins í landinu
að mótapóker sé löglegur.
Um 150 pókerspilarar tóku þátt í
mótinu og lögðu 4.000 krónur í pott
hver. Verðlaunaféð, um 600 þúsund
krónur, átti að deilast niður á efstu
spilarana. Lögregla stöðvaði mótið
áður en niðurstaða fékkst og lagði
hald á verðlaunafé, spil og spila-
peninga.
Sindri segir að hann fái nú varn-
ing og peninga til baka. Nú þurfi að
ákveða hvort mótinu verði haldið
áfram eða hvort verðlaunafé verði
deilt niður á spilara eftir stöðu
mótsins þegar það var stöðvað.
Þó nokkur pókermót hafa verið
haldin frá því að mótið í júní 2007
var stöðvað, og segist Sindri ekki
eiga von á öðru en að áfram verði
haldið eftir þessa niðurstöðu. - bj
Telja ekki ástæðu til ákæru vegna pókermóts sem lögreglan stöðvaði árið 2007:
Segir lögregluna hafa hlaupið á sig
STÖÐVAÐ Fjöldi lögreglumanna stöðvaði
pókermót í júní 2007. Til greina kemur
að halda áfram með mótið þar sem frá
var horfið. FRÉTTABLAÐIÐ/VALLI
ALÞINGI Vinnumálastofnun fær
auknar heimildir til að leita eftir
upplýsingum um hagi umsækj-
enda atvinnuleysisbóta, sam-
kvæmt frumvarpi um breytingar
á lögum um atvinnuleysisbæt-
ur, sem Ásta R. Jóhannesdótt-
ir, félags- og tryggingamálaráð-
herra, hefur lagt fram. Þetta er
gert til að sporna við misnotkun á
atvinnuleysisbótum.
Samkvæmt frumvarpinu fær
stofnunin sérstaka heimild til
að óska upplýsinga og gagna frá
vinnuveitanda ef talin er þörf
fyrir nánari rökstuðning um sam-
drátt í rekstri miðað við starfs-
hlutfall. - kóp
Félagsmálaráðherra:
Spornað við
bótasvindli
HEILBRIGÐISMÁL Allir ráðherrar í
ríkisstjórninni fengu þrílit bindi
og slaufur í gærmorgun í tilefni
af átakinu Karlmenn og krabba-
mein, sem Krabbameinsfélag
Íslands stendur fyrir.
Það var Guðrún Agnarsdótt-
ir, forstjóri Krabbameinsfélags-
ins, sem afhenti ráðherrunum
hálstauið. Jóhanna Sigurðardóttir
forsætisráðherra tók við gjöfinni
og hrósaði Krabbameinsfélaginu
fyrir átakið, sem hófst á sunnu-
dag.
Átakinu er ætlað að fá karl-
menn til að huga að heilsu sinni
og læra að bera kennsl á fyrstu
einkenni krabbameins. - bj
Átakið Karlar og krabbamein:
Allir ráðherrar
fengu bindi
HÁLSTAU Steingrímur J. Sigfússon tók að
sér að hnýta bindishnút fyrir Jóhönnu
Sigurðardóttur. FRÉTTABLAÐIÐ/STEFÁN
VEÐUR „Þetta er langmesti snjór
sem komið hefur í mörg ár í einu
skoti,“ segir Halldór Sveinbjörns-
son, ljósmyndari á Bæjarins besta
á Ísafirði. Nokkrir bæir í dreifbýli
voru rýmdir vegna hættu á snjó-
flóðum og þá var atvinnuhúsnæði
á Ísafirði rýmt og íþróttamann-
virkjum var lokað. Ekki var talið
óhætt að leyfa fólki að flytja aftur
í hús sín í gærkvöldi.
Geir Sigurðsson, hjá Vegagerð-
inni á Vestfjörðum, segir að Óshlíð
og Súðavíkurhlíð hafi verið lokað
strax á mánudag eftir að flóð féllu
á vegina. Þá féllu einnig flóð á
Eyrarvík, frá Ísafirði út í Hnífs-
dal, og var veginum lokað í gær og
Flateyrarvegi einnig, þótt engin
flóð hefðu fallið þar. Lögreglan og
björgunarsveitir stýrðu umferð
undir Grænagarðshlíð og atvinnu-
húsnæði þar undir var rýmt.
Umferð um Skutulsfjarðarbraut
var hleypt í hollum. Geir segir
að leiðir verði opnaðar snemma í
fyrramálið.
Líkt og Fréttablaðið greindi frá
í gær voru fjögur hús á Bolungar-
vík rýmd á mánudagskvöld. Í gær
var fólki gert að fara af nokkr-
um bæjum á norðanverðum Vest-
fjörðum; Fremstu-húsum í Dýra-
firði, Geirastöðum í Syðridal við
Bolungarvík, Höfða og Kirkjubæ
í Skutulsfirði, Tankinum innan
Flateyrar, Hrauni í Hnífsdal og
Fremri-Breiðdal. Alls hafa 34
þurft að yfirgefa heimili sín vegna
snjóflóðahættu.
Leifur Örn Svavarsson, hjá
snjóflóðavakt Veðurstofu Íslands,
segir að mikið hafi safnast upp af
lausasnjó síðustu daga og það, auk
ofankomunnar, hafi orðið til þess
að mikill snjór þyrlaðist um svo
ekki sást á milli húsa. Hann átti
von á að veðrið gengi niður með
morgninum.
Engin óhöpp höfðu orðið á fólki
samkvæmt upplýsingum frá lög-
reglunni. Ökumaður bíls á Ísafirði
missti stjórn á honum svo hann
rann á hús við íþróttavöllinn, en
ekki hlutust meiðsl af.
Sigurður Kjartan Hálfdánar-
son var enn með fjölskyldu sína
hjá móður sinni, en þau þurftu
að rýma hús sitt í Bolungarvík
á mánudag, líkt og Fréttablaðið
greindi frá. Hann sagði ágætt að
koma sér af hættusvæðinu, en alla
væri farið að lengja eftir að kom-
ast heim.
kolbeinn@frettabladid.is
Snjóflóðahætta í
nótt á Vestfjörðum
Á fjórða tug þurfti að dvelja fjarri húsum sínum í nótt á Ísafirði og í Bolungar-
vík vegna hættu á snjóflóðum. Flestar samgönguæðar á milli þéttbýlisstaða
eru lokaðar. Veðrið lægði í gærkvöldi en búist var við vindhviðum fram á nótt.
FANNFERGI Á ÍSAFIRÐI Ekkert ferðaveður var fyrir vestan í gær eins og þeir sem
hættu sér út fengu að kenna á. Björgunarsveit lokaði umferð þar sem hætta var á
snjóflóðum en gangandi vegfarendur börðust við skaflana. MYND/HALLDÓR SVEINBJÖRNSSON

Í FARARBRODDI Bernódus, átta ára,
leiðir fjölskylduna af heimilinu í Bolung-
arvík. MYND/HAFÞÓR GUNNARSSON
SLYS Nokkur fjöldi skíðafólks
hafði rennt sér framhjá fjórtán
ára stúlku sem hafði dottið og
misst meðvitund í Bláfjöllum um
klukkan átta í fyrrakvöld. „Fjöldi
þeirra voru reyndar krakkar en
þarna var líka mikið um fullorðið
fólk,“ segir Ragnheiður Sigurðar-
dóttir sem kom að þeirri slös-
uðu. Þá var vinkona að huga að
stúlkunni en henni féllust hendur
þegar hún sá að vinkona sín var
ekki með meðvitund.
„Ég tók af mér skíðin og fór
að athuga málið og hringdi síðan
strax í 112 þegar ég sá að hún
var ekki með meðvitund. Það er
kannski skiljanlegt að fólk átti sig
ekki á því að svona nokkuð hafi
gerst en það kostar heldur ekkert
að stoppa og athuga það því þetta
getur skipt verulega miklu máli.“
Hún segir að sjúkrahjálpin hafi
verið fljót að berast. Á leiðinni á
spítala komst stúlkan svo til með-
vitundar og er, samkvæmt heim-
ildum Fréttablaðsins, ekki alvar-
lega slösuð. - jse
Skíðaiðkendur í Bláfjöllum:
Skíðuðu hjá
meðvitundar-
lausri stúlku
Bílvelta við Hallormsstað
Ökumaður missti stjórn á bíl sínum í
hálku og fór út af Upphéraðsvegi, rétt
við Hallormsstað, í gær. Ökumaður
var einn á ferð og slapp ómeiddur.
Bíllinn var færður með kranabíl til
Egilsstaða og er talinn ónýtur.
LÖGREGLUFRÉTTIR
SPURNING DAGSINS