Morgunblaðið - 17.08.2006, Blaðsíða 49
MORGUNBLAÐIÐ FIMMTUDAGUR 17. ÁGÚST 2006 49
MENNING
GERÐUR Guðmundsdóttir lista-
kona átti heiðurinn af vali lista-
kvenna á sýninguna Ort í textíl
sem nýlokið er í Ráðhúsi Reykja-
víkur. Erlendu listakonurnar voru
þrjár en þær íslensku níu.
Við fyrstu sýn lét sýning þeirra
ekki mikið yfir sér en opnaðist
upp í átt að nokkrum fjölbreyti-
leika þegar nánar var skoðað. Um
verk flestra má segja að text-
íllistin í dag leitist augljóslega við
að endurnýja sig stöðugt og ein-
kennist af fjölbreyttum efn-
istökum jafnt sem nútímalegu við-
fangsefni.
Hlutur erlendu listakvennanna
þriggja var stærstur, þeirra Pas-
cal Goldenberg, Moniku Shciwy-
Jensen og Elsbeth Nusser-Lampe.
Goldenberg notar gjarnan gamalt
hráefni í verk sín, notuð svunta
fær nýtt hlutverk og gamlar fjalir
eru burðarstangir, jafnvel gamalt
og blettótt efni fær hlutverk. Hér
komu saman á fallegan hátt leit
nútímans að samhengi og skrá-
setning fortíðar, þar sem nútíminn
og hið liðna skapa eina heild, líkt
og sjá má í verkum þýska rithöf-
undarins W. G. Sebald þar sem
minningar einstaklinga koma sam-
an og skapa einstakan tíðaranda.
Íslenska listakonan Ingibjörg
Jónsdóttir sem sýndi í Listasasfni
ASÍ ekki fyrir löngu var á svip-
uðum nótum í verkum sínum þó
þau líkist ekki list Goldenberg á yf-
irborðinu. Monika Schiwy-Jensen
sýndi bútasaum með áþrykktum
texta úr fjármálatíðindum, jarð-
bundnar upplýsingar kallast á við
hefðbundinn bútasauminn. Vegg-
teppi hennar eru unnin líkt og mál-
verk þar sem spila saman ljós og
skuggar á fínlegan máta.
Elsbeth Nusser-Lampe vinnur
út frá náttúrumótífum, eitt verka
hennar birti texta um biðukollu
sem virtist vera barnagæla. Það
var nostalgískur blær yfir verkum
hennar sem þó eru unnin á nútíma-
legan hátt og minna einnig á mál-
verk. Það var gaman að sjá á verk-
um þessara listakvenna hvað
textíllistin býður upp á fína mögu-
leika, hvort sem er í handverki eða
meiningu og innihaldi, þó þetta
verði varla aðskilið.
Íslensku listakonurnar níu sýndu
eitt verk hver sem of langt væri
upp að telja, en hér nefni ég helst
frumlegan skúlptúr Ólafar Ein-
arsdóttur, hangandi „þúfu“, sem þó
hefði etv. getað notið sín betur í
rýminu. Einnig vaxfylltar slöngur
Hrafnhildar Sigurðardóttur og ekki
má gleyma fallegri og einfaldri
mynd Rósu Júlíusdóttur, Sól-
argeisli á köldu vatni, þar sem ein-
föld efnismeðferð, litir og áferð
sköpuðu eftirminnilega og kyrrláta
mynd.
Í heild birti sýningin Ort í textíl
ágætlega þá fjölbreytni og þann
metnað sem ríkir í listgeiranum
kenndum við textíl, eins og einnig
sást á afmælissýningu Textílfélags-
ins á Kjarvalsstöðum fyrir ekki svo
löngu.
Fjármálafréttir
og fornar hefðir
MYNDLIST
Ráðhús Reykjavíkur
Alþjóðleg samsýning.
Ort í textíl
Morgunblaðið/Árni Sæberg
Verkið Sólargeisli á köldu vatni eft-
ir Rósu Júlíusdóttur er eitt af verk-
unum sem sjá mátti á sýningunni í
Ráðhúsi Reykjavíkurborgar. Ragna Sigurðardóttir
STYKKISHÓLMUR ómar af söng
í kvöld, en kl. 20.30 hefjast söng-
tónleikar með Sesselju Kristjáns-
dóttur óperusöngkonu og Guðríði
St. Sigurðardóttur píanóleikara í
Stykkishólmskirkju. Íslensk söng-
lög heyrast þar í bland við er-
lend, en meðal tónskáldanna, sem
eiga lög á efnisskránni, eru Karl
O. Runólfsson, Sigfús Hall-
dórsson, leikhússkáldið Kurt
Weill og Friedrich Hollaender,
sem frægur varð fyrir tónlist sína
í stríðsárakvikmyndinni Bláa
englinum.
Sesselja og Guðríður er vel
þekktar úr íslensku tónlistarlífi
og hafa getið sér gott orð fyrir
frábæran flutning og túlkun.
Sesselja var fastráðin hjá Ís-
lensku óperunni frá ágúst 2002
til 2004 og hefur komið fram sem
einsöngvari á fjölda tónleika, hér
heima og erlendis. Guðríður hef-
ur víða komið fram innanlands og
utan, ýmist sem einleikari eða
með öðrum tónlistarmönnum,
m.a. sem einleikari með Sinfón-
íuhljómsveit Íslands.
Sungið á
sumarkvöldi
Morgunblaðið/ Jim Smart
Guðríður St. Sigurðardóttir og
Sesselja Kristjánsdóttir verða í
Stykkishólmskirkju í kvöld.
Fréttir á SMS