Náttúrufræðingurinn - 1931, Blaðsíða 5

NÁTTÚRUFR.
147
merki Ökumannsins; er hun að stærð talin jafningi 4 þúsund
sólna. — Yið fætur Orions rennur Hérinn. Orion er í vígahug
og hefir kylfuna á lofti; þó gefur hann héranum engar gætur.
Hann er búinn við árás úr norðvesturátt, og beinir allri sinni
athygli þangað. Þar glóir augað á Nautinu (Aldebaran). Naut-
ið hefir sett undir sig höfuðið, og otar hornunum yfir höfði
hans. Hefir Orion brugðið upp Ijónsfeldinum, til að bera af
sér lögin, og er viðbúinn að löðrunga nautið með kylfunni“.
Um miðnæturskeið jólanæturinnar, er þessi fríða stjörnu-
fylking í hásuðri. En hún nær fyr og fyr á kvöldin hásuðri á
himninum, eftir því, sem lengra líður á vetur. Munar það hér
um bil 2 klst. á hverjum mánuði, sem líður frá jólum.
Órion er heldur lágt á lofti, og sézt því líka af suðurhveli
jarðar. En þar snýr hann höfði niður. Stjörnur þær, sem hæst
eru settar í himninum, ganga aldrei undir. Þær væru sýnilegar
allan sólarhringinn, ef ekki hamlaði dagsbirtan. Svo er eigi um
Orion. Hann kemur upp í austri, færist yfir himininn, og gengur
undir í vestri, eins og bæði sólin og tunglið.
Hér læt eg staðar numið að sinni. Vænti eg, að nóg sé sagt,
til þess að unglingarnir, sem þessi grein er ætluð, geti fundið
Órion, og orðið kunningjar hans. Þá hafa þeir þó aflað sér nokk-
urrar þekkingar á himni. En fari svo, sem eg vona, að þeir vilji
forvitnast þar um meira og heimsækja fleiri himinbúa, hafa
þeir eignast góðan leiðsögumann, þar sem Orion er. Hann er
kunnugur þar efra, og getur vísað þeim rétta leið til margra
annara stjarna og stjörnumerkja. Og ungum manni er mikið
traust að fylgd svo frækins veiðimanns, sem er vel búinn að
vopnum. Ekki sízt, þegar hann má búast við, að bæði Ijón og
birnir verði á vegi hans þar efra.
G. G. B.
Málmur í skeíjum.
Sumarið 1930, dvaldi eg 3. vikna tíma á Eyrarbakka. Og
af því eg hafði ekkert fyrir stafni, datt mér í hug, að athuga,
hvort ekki finndust hreinir (metaliskir) málmar í sandinum við
sjóinn. í lið með mér fekk eg hr. Odd Oddsson gullsmið og síma-
stjóra,, sem er mjög hneigður fyrir rannsóknir á því sviði og
10:,: