Vikan - 06.07.1978, Blaðsíða 44

/ Adamsklæðum
Hugsið ykkur ástandið hér, ef allir karlmenn gengju
um í adamsklæðunum einum! Það væri náttúrlega
alveg dæmalaus frekja að ætlast til þess af þeim hér í
þessu íshafsloftslagi úti á hjara veraldar. Þetta er víst
draumur, sem þær í Miðjarðarhafsloftslaginu verða
að hafa einkarétt á.
En það ætti að vera óhætt að halda því fram, að
það sé nú liðin tíð, þegar því var haldið fram, að
karlmönnum stæði nákvæmlega á sama, hverju þeir
klæddust. Og vegna þessa breytta hugsanagangs hafa
karlmenn nú fengið aukið rúm á síðum tískublaðanna.
Það vill nefnilega oft gleymast, að það er jafn
ánægjuleg sjón fyrir kvenfólk að sjá vel klæddan
karlmann, eins og það er fyrir karlmann að sjá fallega
klædda konu.
Ekki alls fyrir löngu var það aðaltískan, að bæði
kynin klæddust eins, og því var það hreinlega erfitt að
gera sér grein fyrir, hvers kyns viðkomandi manneskja
var, með því að dæma hana aðeins eftir útlitinu. Þetta
mun nú vera úrelt tiskufyrirbrigði, kvenmanns-
fatnaður á að vera mjúkur og léttur, og í stað vinnu-
buxnanna, sem hafa verið ríkjandi í karlmannatískunni
undanfarið, eiga að koma víð og þægileg jakkaföt, sem
helst minna á tískuna á 3. og 4. áratugnum. — I
samvinnu við TÍSKUVERSLUNINA ADAM
bregðum við upp nokkrum svipmyndum af því helsta,
sem er að gerast í tískuheimi karlmannanna. HS.
V-hálsmálspeysur eru alltaf vinsœlar. Sú, sem við sjáum á myndinni, er frá
þýska fyrírtaskinu Newport og kostar 6.200 kr.
Það vœri ekki amalegt að geta faríð I sumarreisuna i öðrum af þessum
glœsilegu safarimittisjökkum. Sá til vinstri er frá Ronny Lamb og er á
10.300 kr., en sá til hœgri er hollenskur, frá fyrirtækinu Stercotex og
kostar 9.800 kr.
í sumar þurfa allir að eiga þægilegan ferðaklæðnað. Hér sjáum við gróf-
rrfflaðar buxur frá fslenska fyrirtækinu Solido, sem kosta 10.900 kr. Við
þær er herrann i stutterma skyrtu frá Lee Cooper, en verðið á henni er
5.900 kr.
44 VIKAN 27. TBL.