Menntamál - 01.03.1936, Síða 48

46
MENNTAMÁL
eigendur, að fræðslugjaldinu sé jafnað niður á hrepp-
ana i skólahverfinu, miðað við tölu barna í hverjum
hreppi. Þetta er vitanlega misskilningur, þvi gjaldinu
er ekki jafnað niður á menn, heldur hreppa, er síðan
taka það af hreppsbúum með niðurjöfnun, eftir efn-
um og ástæðum. Sjálfsagt kunna að vera til heppilegri
leiðir eða réttlátari, en ekki virðast nefndirnar hafa
fundið þær. Ýmsir benda á, að heppilegra væri, að hver
hreppur væri sér um sín fjármál til fræðslunnar. Það
er hann líka í raun og veru eftir frv., þó honum sé ætl-
að að starfa með öðrum hreppum, þar sem því verður
við komið, að framkvæmd fræðslunnar.
En það er höfuðatriði þessa máls og veltur á afar
miklu um framkvæmd þess, hvort hrepparnir fást til
að starfa saman að byggingu skólanna í sveitunum og
að framlcvæmd fræðslunnar þar. Og það er óneitanlega
merkileg vitneskja, sem fengizt liefir um þann samstarfs-
vilja í svörum skólanefndanna, þvi 71 skólanefnd, eða
um það bil helmingur allra nefndanna, er húin til sam-
starfs. Er það m. a. ljós vottur þess, hve þörfin til breytts
fyrirkomulags er að verða brýn, þvi nú er það vitan-
legt, að mikill hluti þeirra nefnda, sem í hinum helm-
ingnum eru, eiga þá aðstöðu, að þeim er ókleift sam-
starf við aðra lireppa, vegna staðhátta, þó fegnar vildu.
— Svörin við þessum lið gefa þvi öllu meiri vonir um
mögulega framkvæmd þessa máls i náinni framtíð, en
búast mætti við að óreyndu.
Viðvíkjandi tekjustofnum til myndunar skólabygg-
ingarsjóða í sveitum hafa sumir nefnt, að fenginn yrði
hluti af núverandi skemmtanaskatti eða lagður nýr
skattur á skemmtanir í smáþorpum og sveitum í þessu
skyni. Gæti það verið athugandi — þá mætti og hafa
í huga þann möguleika, sem oft er nú ræddur manna á
milli, þegar þessi mál ber á góma, að næsta verkefni
hins íslenzka happdrættis ætti að vera það, að hjálpa