Æskan - 01.02.1978, Blaðsíða 50

frímerki
Nú í ár, 1978, eru liðin 128 ár frá
útgáfu fyrsta frímerkis heimsins.
Fram að aldamótunum 1900 voru
svokölluð minningarfrímerki ekki
mörg gefin út. Núna úir og grúir af
þeim í öllum löndum heims. Allskonar
afmæli manna, viðburða og mann-
virkja eru algeng á frímerkjum nú-
tímans. Eitt af táknrænustu
minningarmerkjunum, sem út hafa
komið er e. t. v. þetta ameríska frí-
merki, sem meðfylgjandi mynd sýnir.
Það er gefið út í USA árið 1950, en þá
voru liðin 50 ár frá járnbrautarslysinu
mikla í Memphis í Tennessee alda-
mótaárið. f miðju frímerkisins er mynd
af eimreiðarstjóranum Casey Jones.
Hann beið bana í fyrrnefndu járn-
brautarslysi árið 1900. Samstarfs-
menn hans ortu um hann erfiljóð og
lögðu saman skáldskapargáfu sína
bæði hvítir og svartir félagar hans,
þar komst ekkert kynþáttavandamál
að. Kvæði þetta er enn til og segir í því
frá dauða Casey Jones eimreiðar-
stjóra á járnbrautarlest þeirri, er gekk
undir nafninu „Fallbyssukúlan",
enda var hér um hraðlest að ræða. 29.
apríl árið 1900 var þessi lest orðin á
eftir áætlun. Casey Jones settist í
eimreiðarstjórasætið, hvass á brún
og hugðist vinna upp seinkun lestar-
innar með auknum hraða. Norðan við
Memphis í Tennessee var lestin kom-
in á fulla ferð. Stór sveigur er þarna á
járnbrautinni og það hvein og söng í
teinunum. Hraðinn var mikill. Skyndi-
lega og óvænt birtist flutningalest
framundan á sama spori. Einhverra
hluta vegna hafði þeirri lest láðst að
aka inn á hliðarspor og árekstur var
óumflýjanlegur. Með aðra hönd á
hemlinum og hina á gufuflautunni
skipaði Jones kyndurunum að
stökkva af lestinni. Sjálfur sat hann
kyrr í fremsta sæti í fremsta vagni og
horfði á dauðann í líki flutninga-
lestarinnar nálgast hratt og óum-
flýjanlega. Eftir slysið þegar leitað var
í braki lestanna fannst lík Jones.
Hægri hönd hans var þá enn kreppt
um hemilinn.
Hetjudauði Casey Jones eim-
reiðarstjóra hefur lifað í þessum erfi-
Ijóðum og minningum járnbrautar-
starfsmanna í Ameríku og jafnvel
víðar. Það var því eðlilegt, að póst-
stjórn USA valdi mynd hans til að
skipa heiðurssess á þessu
minningarfrímerki. Til hliðar við mynd
hans sést öðrum megin gömul járn-
brautarlest frá aldamótum, en hinum
megin ný dísilvélar-eimreið nú-
tíðarinnar. Til gamans má að lokum
geta þess að hið rétta nafn hetjunnar
var alls ekki Casey. Hann hét réttu
nafni John Luther Jones. ,,Casey“ var
gælunafn sem félagar Jones höfðu
gefið honum eftir fæðingarbæ hans
Cayce í Kentucky. —
Þetta minningarfrímerki kom út
eins og áður er sagt 1950. Verðgildið
er 3 cent. Efst á merkinu stendur:
„Heiður sé eimreiðarstjórum
Ameríku." Um upplag frímerkisins er
ekki vitað.
SÍÐASTA FERÐ JONES EIMREIÐARSTJÓRA
stigafjölda. Þá verður fyrst um sinn, og meðan talin er
þörf á, heimilt að leyfa þeim sem eru 25 ára og eldri, og
unnið hafa a.m.k. 5 ár við fiskvinnslu, að stunda nám við
Fiskvinnsluskólann og útskrifast þaðan sem fisk-
iðnaðarmenn án þess að stunda nám í frumgreinum.
Almenn inntökuskilyrði í skólann eru þó þau, sem
menntamálaráðherra setur um inntöku nemenda í
framhaldsskóla að loknu námi í grunnskóla.
Við Fiskvinnsluskólann hafa alls 108 nemendur lokið
prófi eða eru enn við nám. Er skólinn til húsa í leiguhús-
næði í Hafnarfirði og fer bókleg kennsla fram að Trönu-
hrauni 8 en verkleg kennsla í kennslufrystihúsi skólans í
húsi Bæjarútgerðar Hafnarfjarðar. Að sögn forráða-
manna skólans ákvarðar það húsnæði stærð skólans.
Einn aðalkost hins nýja kennslufyrirkomulags Fisk-
vinnsluskólans sagði Sigurður B. Haraldsson vera þann,
að tekið hefði verið upp samstarf við Flensborgarskól-
ann í þeirri mynd, að þeir nemendur sem ætla að leggja
fiskiönnám eða fisktæknanám fyrir sig, geti numið hinar
almennustu námsgreinar, sem Fiskvinnsluskólinn krefst,
í Flensborgarskólanum. Sagðist Sigurður vonast til að
slíkt samstarf tækist við fleiri skóla. Um hinn nýja náms-
vísi sagði Siguröur að lokum, að það væri sín von að hin
nýja námstilhögun yrði ekki aðeins aðgengilegri fyrir
væntanlega nemendur Fiskvinnsluskólans, heldur yrði
nám þeirra einnig hagfelldara íslenskum fiskiðnaði.