Tímarit lögfræðinga - 01.01.1954, Side 65

14. gr. 1. nr. 81, 1936. Tveim mánuðum áður en kosningar
eiga að fara fram skal leggja kjörskrá fram til sýnis á
hentugum stað, enda skal auglýsa framlagninguna með
tveggja vikna fyrirvara, nema auglýst sé í blöðum innan
kaupstaða, þá nægir þriggja daga fyrirvari. Er því greiður
aðgangur fyrir hvern og einn að ganga úr skugga um, hvort
nafn hans er á kjörskrá, nema fjarvistir eða önnur forföll
hamli.
Þegar 3 vikur eru til kjördags, skal hver sá, sem kæra
vill, að einhvern vanti á kjörskrá eða sé ofaukið þar, hafa
afhent oddvita eða borgar- eða bæjarstjórn kæru sína, 20.
gr. kosnl. Hreppsnefndir eða bæjarstjórnir úrskurða kær-
una á opinberum fundi eigi síðar en 2 vikum fyrir kjördag
og breyta kjörskránni í samræmi við það. Eftir það verður
engin breyting gerð á kjörskránni nema með dómi, 21. gr.
kosnl. Er þá þar komið, að höfða þarf kjörskrármál, til
þess að kjörskrá verði breytt. Um þetta ræðir 24. gr. kosnl.,
sem er á þessa leið:
,,Sá, sem er óánægður með úrskurð bæjarstjórnar eða
hreppsnefndar út af kæru hans yfir kjörskrá, á kröfu til,
að sér verði fengið eftirrit af úrskurðinum ókeypis, og
getur hann sótt málið fyrir dómi. Á sama hátt getur sá, sem
vegna fjarvistar eða af öðrum ástæðum hefur ekki átt kost
á að koma fram með kæru út af kjörskrá, áður en kæru-
frestur er liðinn, sótt málið fyrir dómi, hvort sem málið
varðar hann sjálfan eða ekki. Máli út af þessu skal dómara
skylt að hraða svo, að því verði lokið fyrir kjördag, ef unnt
er. Réttargjöld skulu engin greidd fyrir undirrétti, og skal
dómarinn skipa mann fyrir hönd þeirrar bæjarstjórnar
eða heppsnefndar, sem stefnt er. Falli dómur þannig, að
kjörskrá beri að breyta, skal fullnægja dóminum þegar er
sækjandi málsins leggur fram eftirrit af honum, og frestar
áfrýjun ekki fullnægingu dómsins."
Um aðila kjörskrármáls er rétt að greina miili þess, hvort
mál er höfðað að undangengnum úrskurði bæjarstjórnar
um efni málsins eða án slíks úrskurðar. I fyrra tilfellinu
59