Tímarit lögfræðinga - 01.12.1973, Blaðsíða 39
febrúar dvöldu hér einnig um þriggja vikna skeið þrír bandarískir laganemar
frá Ohio Northern University. Þrír fulltrúar frá Orator fóru síðan til Ohio í
september og dvöldust þar við háskólann í 3 vikur.
Alls var efnt til 5 vísinda- og kynnisferða. M. a. fóru yngri nemendur til
Akraness og eldri nemendur fóru í tveggja daga ferð til Akureyrar, þar sem
ha.c'ið var seminar um réttarheimspeki og laganám. Efnt var í fyrsta sinn
til mæiskukeppni í félaginu; sigurvegari varð Davíð Oddsson.
Viðamesta verkefni félagsins á síðasta starfsári var undirbúningur XIX.
Norræna laganemamótsins, sem fyrr er að vikið. I febrúar skipaði stjórn
Orators 12 manna undirbúningsnefnd tii þess að hafa stjórn mótsins á hendi.
Formaður nefndarinnar er prófessor Þór Vilhjálmsson. Störf nefndarinnar
hafa fyrst og fremst verið bundin við fjáröflun til mótsins, en áætlað er, að
kostnaður verði alls um 3 milljónir króna. Leitað hefur verið eftir stuðningi
dómsmálaráðuneytisins og menntamáiaráðuneytisins, en sú málaleitan hefur
enn sem komið er borið lítinn árangur. Þegar slík mót eru haldin á hinum
Norðurlöndunum, greiða þessi ráðuneyti verulegan hluta kostnaðarins.
Ljóst er, að það verður mikið átak fyrir íslenska laganema að halda þetta
mót og afla fjár til þess. Mikið er undir bví komið, að lögfræðingar styðji
þessa starfsemi svo sem frekast er kostur.
Þorsteinn Palsson
NÁMS- OG RANNSÓKNASTYRKIR
Ritstjórn Tímarits lögfræðinga hafa borist nokkrar tilkynningar um náms-
og rannsóknarstyrki:
Nordiska skattevetenskapliga forskningsrádet býður styrki til rannsókna á
skattamálum, þ. á m. skattarétti.
Glasgowháskóli býður rannsóknarstyrk til 2—3 ára.
Evrópustofnun Amsterdamháskóla býður styrki til þátttöku í hinu árlega
námskeiði International Course in European Integration.
Nordisk Institutt for Sjorett í Osló býður stúdenta- og kandidatastyrki.
Upplýsingar um styrki þessa veitir stjórn Lögfræðingafélagsins, og um
suma þeirra a. m. k. fást einnig upplýsingar hjá Lögmannafélagi Islands.
37