Tímarit lögfræðinga - 01.07.1974, Qupperneq 27

skydes da hen til de hejere risikograder. Hvis dansk rets regel i nogen
grad hviler pá sádanne synspunkter má man konkludere at det subjek-
tive krav ikke blot er af meget losere beskaffenhed end ældre teoris
berigelseshensigt, men at det pá en máde har mistet sit eenheds-
mæssige præg og er blevet sammenvævet med objektive synspunkter."
E) Verða skattsvik talin til auðgunarbrota?
1. Hugtakið skattsvik er oft notað í umræðum um skattamál og fram-
kvæmd þeirra. Hugtakið er aftur á móti óvíða notað í íslenzkri skatta-
löggjöf. Erfitt er því að ákvarða merkingu þess og réttargildi. f 37.
gr. 3. mgr. 1. nr. 68/1971, um tekjuskatt og eignarskatt, segir svo:
„Hafi skattstjóri grun um, að veruleg skattsvik hafi verið framin, skal
hann senda ríkisskattstjóra skýrslu um málið. Þegar ríkisskattstjóra
hefur borizt slík skýrsla, skal hann, ef hann telur ástæðu til, hefja
rannsókn í málinu sjálfur eða fela hana skattstjóra.“ Hugtakið virðist
yfirleitt notað í mjög rúmri merkingu, jafnvel þannig að það taki til
allra refsiverðra brota á skattalöggjöfinni. Oftast er það notað um
brot á lögum um tekjuskatt og eignarskatt, lögum um tekjustofna
sveitarfélaga og lögum um söluskatt, enda eru þetta meginbálkar ís-
lenzkrar skattalöggjafar. 1 afbrotafræði er það yfirleitt notað í mjög
rúmri merkingu, t. d. þegar fjallað er um dulda brotatölu skattsvika.
Eðlilegt væri að takmarka skattsvik við ásetningsbrot. 1 48. gr. 1. nr.
68/1971 er stórkostlegt hirðuleysi (stórfellt gáleysi) lagt alveg að
jöfnu við ásetningsbrot. f danskri löggjöf er komin nokkur festa á
sambærilegt hugtak (skattesvig). f skattekontrollov, sbr. nýlega breyt-
ingu nr. 539/1971 (nú 1. nr. 37/1972), er gerður skýr greinarmunur á
ásetnings- og gáleysisbrotum. Aðeins ásetningsbrot eru talin til skatt-
svika í lagamerkingu. Með 1. nr. 550/1971 var sú breyting gerð á
dönsku hegningarlögunum, að bætt var inn nýju ákvæði (289. gr.),
sem leggur fangelsi allt að 4 árum við stórfelldum skattsvikum (skatte-
svig af særlig grov karakter), en um efnislýsingu brots er vitnað til
13. gr. í skattekontrolloven. Til einföldunar þykir rétt að einskorða
það, sem á eftir segir um þetta efni, við ásetningsbrot skv. 48. gr. 1.
nr. 68/1971, um tekjuskatt og eignarskatt.
2. Spurninguna í upphafi má skilja á tvo vegu. Annars vegar: Verða
skattsvik að óbreyttum lögum heimfærð undir 248. gr. eða annað
ákvæði XXVI. kafla alm. hgl. (de lege lata) ? Og hins vegar: Er fært
að breyta lögum á þann veg, að skattsvik séu talin til fjársvika eða
lögfest nýtt ákvæði þar um í XXVI. eða XXVII. kafla alm. hgl. (de
lege ferenda) ?
21