Tímarit lögfræðinga - 01.12.1986, Blaðsíða 65
Fyrirlestrar: Bókmenntafélagið sem vettvangur sjálfstæðisbaráttu 19. aldar.
Fluttur að Hranfseyri við Arnarfjörð 17. júní 1985. — Almannaréttur. Fluttur 2.
júlí 1985 á 24. Norræna laganemamótinu að Laugarvatni 2.-7. júlí 1985. —
Forvaltningspráket. Fluttur 16. ágúst 1985 á 21. þingi Norræna stjórnsýslu-
sambandsins í Stokkhólmi 14.-17. ágúst 1985. — Málfar og stjórnarfar. Flutt-
ur í Ríkisútvarpið 9. febrúar 1986.
Rannsóknir: Hefur einkum unnið að undirbúningi fjórða bindis Sögu íslands
og framtíð stjórnskipunar á vegum Framtíðarkönnunar-Ísland næsta aldar-
fjórðung.
Stefán Már Stefánsson:
Ritstörf: Hlutafélög, réttarreglur. Reykjavfk 1985, 328 bls. — Hlutafélög.
Endurskoðuð og að mestu frumsamin 50. gr. B V. Þáttar ritsins Lög og réttur
eftir Ólaf Jóhannesson, 4. útgáfa. Reykjavík 1985, bls. 303-310. — Dómgæsla
og réttarfar. Endurskoðaður og að nokkru frumsaminn VII. þáttur ritsins Lög
og réttur eftir Ólaf Jóhannesson, 4. útgáfa. Reykjavik 1985, bls. 328-401 (ásamt
Pétri Kr. Hafstein og Sigurði Líndal).
Fyrirlestrar: Um gerðardóma. Fyrirlestrar fluttir á námskeiði Lögmannafélags
íslands um gerðardóma 25. og 28. febrúar, 4. og 7. mars 1985.
Framhaldsvinnsla Lagasafns.
Á tímabilinu var texti Lagasafns fluttur úr tölvum Verk- og kerfisfræðistof-
unnar hf. í tölvu Skýrsluvéla ríkisins og Reykjavíkurborgar. Undirbúningur
var hafinn að því að fella breytingar og nýmæli í lögunum inn f textann og
hafa nokkrir fyrirferðarmiklir lagabálkar þegar verið skráðir. Gísli Gíslason
laganemi var fenginn til umsjónar, en vegna anna hans reyndist nauðsynlegt
að ráða annan til starfsins, en sá maður hefur enn ekki fengist. Við athugun á
tölvuskráða textanum kom í Ijós að ekki virtust allar leiðréttingar sem gerðar
voru í Prentsmiðjunni Odda hf. hafa skilað sér í þann texta sem VKS afhenti
SKÝRR, en það mál er þó ekki fullkannað. Ef sú er raunin kann að verða
nauðsynlegt að lesa allan tölvutextann saman við hina prentuðu útgáfu.
Þá hefur verið lögð mikil vinna í að finna hentugt leitarkerfi og eru nú
bundnar miklar vonir við þýskt kerfi sem verið er að gera tilraunir með og
vænta má að kynnt verði lagastofnunarmönnum áður en langt líður.
Með bréfi Lagastofnunar, dags. 14. nóvember 1985, var farið fram á að gerð
yrði kostnaðaráætlun um línutengingu milli Lögbergs og SKÝRR og var þeim
óskum svarað með bréfi SKÝRR 13. desember 1985. Fé er hins vegar ekki
fyrir hendi í Háskólanum, en samkomulag hefur orðið með forstöðumanni og
SKÝRR að hinn siðarnefndi kosti slíka tengingu til bráðabirgða i trausti þess
að fé verði veitt á næstu fjárlögum til þessara framkvæmda.
Með bréfi dómsmálaráðherra 14. janúar 1986 voru Jón Thors, Ólafur W.
Stefánsson og Sigurður Líndal skipaðir í ritnefnd Lagasafns er hafi það hlut-
verk að hafa umsjón með gerð þess og að sjá um útgáfu slíks safns, hvort
heldur er á prenti eða í öðrum miðli. Skipunartími nefndarinnar nær til árs-
loka 1988.
Sigurður Líndal
forstöðumaður
279