Búnaðarrit - 01.01.1989, Blaðsíða 15
staða félagsins gerð upp miðað við fyrstu níu mánuði ársins. Það uppgjör
var talið benda til að 4-5 milljónir vantaði upp á að endar næðust saman á
árinu. Nefndin skilaði tillögum sínum til landbúnaðarráðherra skömmu
áður en fjárlagafrumvarp kom til annarrar umræðu. Þegar breytingatillög-
ur, sem gerðar voru við frumvarpið fyrir þá umræðu, bárust stjórninni á
fund hinn 16. desember kom í ljós, að framlag til félagsins hafði verið
hækkað um 13,6 milljónir. Þetta taldi stjórnin það mikla úrbót að hún ákvað
á fundi sínum 16. desember að draga til baka allar uppsagnir ráðunauta utan
eins, sem vitað var að hafði ráðist í annað starf frá áramótum.
Auk þessa fengust við þriðju umræðu 9 milljónir kr. i framlag til
búnðarsambanda. Þær eru færðar á lið jarðræktarlaga, en munu ætlaðar
sem starfsfé búnaðarsambandanna. Hér er einnig um að ræða árangur af
starfi nefndarinnar sem fyrr getur, enda var lögð á það mikil áhersla að
búnaðarsamböndunum yrði bætt í nokkru það tekjutap, sem þau hafa orðið
að þola vegna minnkandi jarðræktarframlaga, og sá kostnaður, sem þau
hafa haft vegna starfa, sem á þau hafa verið lögð, m.a. við framleiðslu-
stjórnina.
Ástæða er til að þakka nefnd landbúnaðarráðherra og ráðherrunum
báðum, bæði fyrrverandi og núverandi, fyrir góðan skilning þeirra á málum
B.í. og búnaðarsambandanna og fyrir þann árangur, sem náðist þrátt fyrir
erfiðar aðstæður.
Nefndin hefur hins vegar ekki lokið störfum og er þess að vænta að hún
taki frekar á þessum málum, m.a. þeirri ósk síðasta Búnaðarþings að
búnaðarsamböndunum verði markaður gildari tekjustofn en þau hafa nú og
að eitthvað gangi jafnframt til hins félagslega þáttar í starfsemi B.í.
Miklu verr hefur tekist til hvað varðar framlög til jarðræktar og búfjár-
ræktar í sambandi við afgreiðslu fjárlaga. Á fjárlögum 1988 voru aðeins 141
milljón króna til jarðræktarframlaga. Þá var vitað að réttur til framlaga væri
mjög verulega meiri. Hann reyndist 217 milljónir og vantaði því um 76
milljónir. Ekki reyndist kleift að fá þetta með neinum hætti bætt á árinu og
verður því að greiða hallann af fjárveitingu ársins í ár. Nú reynist þörfin
vegna framkvæmda 1988 um 165 millj. kr. En á fjárlögum eru aðeins 100
milljónir. Sú upphæð fékkst ekki leiðrétt frá því sem var í frumvarpi.
Af heildarframlögunum eiga 28 milljónir að ganga til framræslu og sem
koma eiga til greiðslu í janúar og febrúar samkvæmt samningum verktaka.
Þegar þetta er ritað er allt í óvissu um hvernig með verður farið.
Af búfjárræktarlögum er svipað að segja, vöntun á framlög vegna ársins í
ár er 28 milljónir króna, en áætluð framlög vegna yfirstandandi árs eru 42
millj. kr. á verðlagi 1988. í fjárlögum er ekki ein einasta króna ætluð til
þeirra. Launahlutur frjótækna er hins vegar á lið búfjárræktarlaga í
fjárlögum og sömuleiðis launahlutur héraðsráðunauta á jarðræktarlagalið,
hvort tveggja í samræmi við það, sem áður hefur verið og farið var fram á.
13