Fréttablaðið - 04.01.2010, Blaðsíða 6

6 4. janúar 2010 MÁNUDAGUR
Nánari upplýsingar og aðstoð má fá með því að senda fyrirspurn á netfangið fasteignagjold@reykjavik.is eða í síma 411 1111. www.reykjavik.is
Greiðsluseðlar vegna fasteignagjalda verða ekki sendir
út til greiðenda 18-67 ára. Fasteignagjöldin verða
framvegis innheimt í gegnum heimabanka þar sem
jafnframt er hægt að prenta út greiðsluseðil.
Greiðendur
fasteignagjalda
athugið!
Á vef Reykjavíkurborgar geta fasteignaeigendur: Skoðað álagningarseðil fasteignagjalda fyrir árið 2010 (eftir 25. jan. nk.) og alla breytingaseðla þar á
eftir • afpantað álagningarseðla og breytingaseðla í pósti • skráð sig í boðgreiðslu fasteignagjalda • valið einn eða níu gjalddaga fasteignagjalda
til 20. janúar 2010 • gefið upp reikningsnúmer ef til endurgreiðslu kemur • óskað eftir að fá senda greiðsluseðla fyrir fasteignagjöldum
SVEITARSTJÓRNIR Bæjarstjórn
Akureyrar hefur skorað á sam-
gönguyfirvöld og Reykjavíkur-
borg að hraða eins og kostur er
uppbyggingu samgöngumiðstöðv-
ar við Reykjavíkurflugvöll. Löngu
tímabært sé að endurnýja aðstöð-
una þar.
Þá skora Akureyringarnir á
borgarstjórn Reykjavíkur að end-
urskoða áform um að leggja niður
flugvöllinn í Vatnsmýri. „Nálægð
flugvallarins við fyrirhugað
hátæknisjúkrahús við Hringbraut
tryggir sjúklingum með sjúkra-
flugi sjálfsagðan og öruggan
aðgang að bráðalæknisþjónustu
þar sem hver mínúta er dýrmæt.
Almennt farþegaflug af lands-
byggðinni til Keflavíkur er útilok-
að vegna fjarlægðar til höfuðborg-
arinnar,“ segir bæjarstjórnin. - gar
Bæjarstjórn Akureyrar:
Flugvöll þarf í
Vatnsmýrinni
REYKJAVÍKURFLUGVÖLLUR
Akureyringar vilja samgöngumiðstöð á
flugvellinum.
LÖGREGLUMÁL Helgin var óvenju
róleg hjá lögreglunni á höfuð-
borgarsvæðinu. Enginn var tek-
inn fyrir ölvunarakstur sem er
sjaldgæft um helgar og sér í lagi
þegar helgin er löng. Útköll voru
einnig fá og fór skemmtanahald
vel fram en að sögn lögreglunn-
ar bar helgin þess ekki keim að
skemmtistaðir voru opnir þrjá
daga í röð.
Eitthvað var um minni hátt-
ar árekstra en engin slys urðu á
fólki. Þá hafði lögreglan fregnir
af fáum slysum vegna skotelda
og öll voru þau minniháttar. - jma
Rólegheit hjá lögreglunni:
Enginn
ölvunarakstur
HERJÓLFUR Ökumaður og farþeginn
voru í haldi vegna rannsóknar á fíkni-
efnaflutningi með Herjólfi.
LÖGREGLUMÁL Lögreglan í Vest-
mannaeyjum tók rétt fyrir ára-
mót 40 til 50 grömm af kókaíni
sem farþegi, er kom þangað með
Herjólfi, hefur játað að hafa átt.
Við komu Herjólfs hafði lög-
reglan afskipti af ökumanni bif-
reiðar og farþega hennar vegna
gruns um fíkniefnamisferli.
Þegar fíkniefnahundurinn Luna
var að leita í bifreiðinni tók öku-
maðurinn til fótanna. Lögreglu-
menn veittu honum eftirför og
fengu meðal annars aðstoð frá
ökumanni bifreiðar sem átti þar
leið hjá. Lögreglumenn sáu hvar
maðurinn sem þeir voru að elta
henti frá sér pakka. Maðurinn
var síðan hlaupinn uppi. Hann
var handtekinn og færður á lög-
reglustöðina. Í pakkanum reynd-
ust vera 40 til 50 grömm af
ætluðu kókaíni. Maðurinn viður-
kenndi við skýrslutöku að eiga
efnin og hafa ætlað þau til sölu í
Vestmannaeyjum. -jss
Með fíkniefni í Herjólfi:
Kókaínmaður
lagði á flótta
Eldur sem kraumaði
Greiðlega gekk hjá Slökkviliði Árborg-
ar að slökkva eld sem kraumaði í
blaðagámi við Vallaskóla á Selfossi
laust eftir hádegi á nýársdag. Árvök-
ulir vegfarendur tóku eftir því að rauk
úr gámnum og létu vita, en með því
var forðað skemmdum á gámnum og
nærumhverfi.
LÖGREGLUMÁL
STJÓRNMÁL Erlendir fjölmiðlar hafa um helg-
ina flutt fjölda frétta af biðstöðunni sem
uppi er vegna nýrra Icesave-laga.
Breska ríkisútvarpið, BBC, segir fjórð-
ung kjósenda hér hafa skrifað undir ákall
um að fallið verði frá fyrirætlunum um að
greiða erlendum innstæðueigendum þá 3,8
milljarða evra sem þeir hafi átt inni við fall
íslensku bankanna.
Norrænir miðlar hafa greint frá málum
hér, sem og fjölmiðlar í Bandaríkjunum og
fréttastöðin Al Jazeerah.
BBC býður lesendum á fréttavef sínum
að tjá sig um málið og hefur fjöldi les-
enda, jafnt íslenskra sem erlendra gert það.
Þannig segir einhver, sem kallar sig „Tver-
haus“ í Reykjavík, rangt að Íslendingar vilji
ekki borga Icesave-skuldina, þeir vilji bara
ekki greiða 5,5 prósent vexti af skuldinni.
Erlendir lesendur síðunnar eru sumir
hverjir jákvæðir í garð Íslendinga og hafa
samúð með málstað þeirra sem mótmælt hafa
Icesave-samningunum. Er því jafnvel haldið
fram að innstæðueigendurnir erlendu hefðu
fremur átt að vera í öruggari fjárfestingum
og aukinheldur eðlilegt að þegnar lands vilji
ekki greiða fyrir skuldir einkarekinna banka.
Þetta er þó ekki algilt. „Við í Bretlandi þurf-
um að greiða fyrir mistök og græðgi stjórn-
enda banka hér. Af hverju ættu Íslending-
ar ekki að standa skil á misgjörðum banka
sinna?“ spyr P. Darlington í Bretlandi og Carol
Truro bendir á að Bretar þurfi líka að hækka
skatta og skerða opinbera þjónustu vegna
útgjalda til að bjarga bankakerfinu þar.
- óká
Erlendir fjölmiðlar fylgjast grannt með framvindu lagasetningar vegna Icesave:
Segja að Íslendingar vilji ekki borga
MINNT Á ICESAVE Hollenskir fótboltaáhangendur
minna á Icesave-deiluna á leik Íslands og Hollands
sem fram fór í Rotterdam 11. október. NORDICPHOTOS/AFP
Drekasvæðið
GRÆNLAND
Síldar-
smugan
Jan
Mayen
ÍSLAND
FÆREYJAR
KJÖRKASSINN
Varstu ánægð(ur) með Ára-
mótaskaupið?
Já 80,6%
Nei 19,4%
SPURNING DAGSINS Í DAG:
Ertu sátt(ur) við að Ólafur
Ragnar tók sér umhugsunar-
frest?
Segðu þína skoðun á Vísir.is
ORKUMÁL Æskilegt væri að bæta
rannsóknir á Drekasvæðinu
áður en farið verður í útboð á
leit og vinnslu olíu á ný, að mati
sérfræðinga erlendra olíufyrir-
tækja. Þetta kom fram í jólaá-
varpi Guðna A. Jóhannessonar
orkumálastjóra til starfsmanna
Orkustofnunnar.
Tvö fyrir-
tæki sem sótt
höfðu um leyfi
til rannsókna
og vinnslu á
olíu og gasi á
svæðinu drógu
tilboð sín til
baka síðastliðið
haust. Í kjölfar-
ið voru teknar
upp viðræður
við fyrirtæki sem sendu inn til-
boð, fyrirtæki sem lögðu í grein-
ingarvinnu en sendu ekki inn til-
boð, og fyrirtæki sem ekki höfðu
áhuga á útboðinu, segir Guðni í
samtali við Fréttablaðið.
„Við erum að reyna að skapa
okkur sem besta mynd af því
hvernig við eigum að haga fram-
haldinu. Við ætlum ekki að hlaupa
í nýtt útboð fyrr en við eigum von
á jákvæðum undirtektum,“ segir
Guðni. Hann tekur þó fram að
komi fyrirtæki og lýsi áhuga á
ákveðnum hluta svæðisins verði
hægt að setja þau í útboð.
Starfsmenn Orkustofnunar áttu
nýverið fundi með sérfræðingum
rúmlega tíu fyrirtækja í olíuiðn-
aðinum, segir Guðni. Rætt hafi
verið við starfsmenn þróunar-
deilda olíufyrirtækja, en einnig
sérfræðinga hjá fyrirtækjum sem
sérhæfa sig í að rannsaka vænleg
svæði, og selja svo olíufyrirtækj-
um niðurstöður sínar.
Á þeim fundum kom fram að
æskilegt væri að gera nákvæm-
ari hljóðbylgjumælingar á hafs-
botni á Drekasvæðinu, auk þess
sem taka ætti sýni af hafsbotni
til að reyna að sjá merki um kol-
vetni.
Guðni segir að með því hafi
verið mælt með því að það net
rannsókna sem nú sé fyrir hendi
verði þétt. Viðræðum við áhuga-
söm fyrirtæki verði væntanlega
haldið áfram á næstunni, meðal
annars til að kanna hvernig hægt
sé að gera viðbótarrannsóknir
með sem minnstum tilkostnaði.
Guðni segir enga örvæntingu
hafa gripið um sig á Orkustofn-
un þrátt fyrir að bæði fyrirtækin
sem sóttu um leyfi til rannsókna
og vinnslu á Drekasvæðinu hafi
dregið tilboð sín til baka. Ástand-
ið á fjármagnsmörkuðum sé
þannig að eðlilegt sé að fara sér
rólega.
„Tíminn vinnur með okkur,
fyrr eða síðar fara menn á þetta
svæði með meiri alvöru, en
reynsla annarra þjóða sýnir að
það getur tekið einhvern tíma,“
segir Guðni. -bj
Frekari rannsóknir
verði á Drekasvæði
Sérfræðingar olíufyrirtækja vilja frekari rannsóknir á Drekasvæðinu áður en
farið verði í nýtt útboð. Leitað verður leiða til að rannsaka með sem minnstum
viðbótarkostnaði segir orkumálastjóri. Segir tímann vinna með Íslendingum.
GUÐNI A.
JÓHANNESSON
DREKASVÆÐI Æskilegt væri að bæta rannsóknir á Drekasvæðinu áður en farið verður
í útboð á leit og vinnslu olíu á ný.