Fréttablaðið - 04.01.2010, Blaðsíða 34
26 4. janúar 2010 MÁNUDAGUR
sport@frettabladid.is
Sparaðu á nýju ári!
580-0000
NÝTT SÍMANÚMER HJÁ A4 SKRIFSTOFU OG SKÓLA
Af hverju að sækja þegar þú getur fengið sent?
Smáratorgi + Kópavogi
Dalsbraut 1 + Akureyri
sala@a4.is + www.a4.is
Endurunnin dufthylki eru allt að 50% ódýrari
heldur en dufthylkin frá framleiðanda.
15% auka kynningarafsláttur í janúar.
Hafðu samband við okkur í síma 580-0000
og athugaðu hvort við eigum endurunnið
dufthylki í prentarann þinn.
Verð frá
6.537 kr.
HP 12A 17.990 kr. 6.537 kr.
15%
AFSLÁTTUR
Fjölnotapappír
499 kr.frá
Bréfabindi
99 kr.frá
Gylfi Þór Sigurðsson átti magnaðan leik með Reading er liðið gerði
1-1 jafntefli við Liverpool í leik sem Reading hefði hæglega getað
unnið. Gylfi var ánægður með leikinn en var aftur á móti ekki eins
kátur yfir sigri Leeds á Man. Utd.
„Ég er mikill United-maður og vildi fá United í næstu
umferð og það á Old Trafford,“ sagði Gylfi Þór við
Fréttablaðið skömmu eftir leik Man. Utd og Leeds.
Hann var enn að jafna sig eftir leikinn gegn
Liverpool.
„Ég ligg bara uppi í rúmi og safna kröftum.
Leikurinn tók vel í enda var völlurinn líka
mjög þungur. Stemningin eftir leik í gær
var misjöfn. Auðvitað var flott að gera
jafntefli við sterkt lið eins og Liverpool en
við vildum vinna og fengum tækifærin til
þess,“ sagði Gylfi sem hlakkar þó til að fara
á Anfield að spila.
„Það er ein flottasta stemningin í enska boltanum á
Anfield og að spila á slíkum velli er eitthvað sem mig hefur
dreymt um síðan ég var lítill. Eins að spila á móti gaurum eins
og Gerrard og Torres. Það var góð reynsla að fá að spila á móti
svona flottum knattspyrnumönnum,“ sagði Gylfi en hann
segist ekki hafa fengið neinar stjörnur í augun er hann sá að
Gerrard og Torres voru með hjá Liverpool.
„Við áttum alveg von á því að Liverpool myndi stilla upp
sterku liði í leiknum en kannski ekki alveg svona sterku liði.
Það hefur engin áhrif á mig að spila á móti stórum nöfnum.
Það var svolítið skrítið fyrst en það venst,“ sagði Gylfi sem
átti afbragðsleik eins og áður segir. „Það hefur gengið vel
síðustu vikur og ég hélt bara áfram að spila minn leik.“
Gylfi segir að Reading hafi ætlað að nýta sér veikleika
Liverpool í leiknum og það hafi gengið vel.
„Við vissum sem var að liðið hefur verið að fá
á sig mikið af mörkum úr föstum leikatriðum og
létum því til okkar taka þar. Skoruðum markið úr föstu
leikatriði og hefðum alveg getað skorað fleiri. Liverpool fékk
einnig sín færi en mér fannst við betri og stýrðum leiknum
oft ágætlega.
GYLFI ÞÓR SIGURÐSSON, LEIKMAÐUR READING: SVEKKTUR YFIR SIGRI LEEDS Á MAN. UTD
Vildi fá Man. Utd í næstu umferð bikarkeppninnar
> Arnór tryggði FCK bikarinn
Arnór Atlason og félagar í danska liðinu FCK urðu danskir
bikarmeistarar í handbolta um helgina er liðið lagði
Bjerringbro/Silkeborg að velli, 31-30.
Arnór skoraði sigurmark leiksins tæpum
tveimur mínútum fyrir leikslok. Arnór
átti annars frábæran leik. Skoraði
þrjú af fyrstu fjórum mörkum
liðsins og ein sjö mörk í
heildina. Hann er nú kom-
inn heim og byrjar að æfa
með íslenska landsliðinu
í vikunni en það styttist
óðum í EM í Austurríki.
FÓTBOLTI David Beckham segir að
hroki og hræðsluáróður Fabios
Capello eigi mikinn þátt í frá-
bæru gengi enska landsliðsins.
„Leikmenn stíga á völlinn með
sjálfstraustið í lagi og trúa því að
þeir muni vinna leikinn. Sjálfs-
traustið kemur frá Capello. Hann
hefur fengið menn til þess að
taka á hlutunum á alvarlegan og
fagmannlegan hátt. Hann hræð-
ir mann á virðingarfullan hátt,“
sagði Beckham.
Beckham viðurkennir að
hann væri líklega enn að spila
með United ef samband hans og
Fergusons hefði ekki farið út um
þúfur á sínum tíma.
„Ég hefði mjög gjarnan viljað
spila með United allan minn feril
en það átti ekki að verða.“ - hbg
David Beckham:
Vildi ekki fara
frá United
BECKHAM Hefði glaður viljað spila allan
sinn feril hjá United. NORDIC PHOTOS/GETTY
FÓTBOLTI Hið fornfræga félag
Leeds United komst óvænt í aðal-
fyrirsagnirnar á nýjan leik í gær
er liðið skellti Man. Utd í þriðju
umferð ensku bikarkeppninnar.
Það sem meira er þá kom sigur-
inn á Old Trafford og United skor-
aði ekki mark. Eina mark leiksins
skoraði hinn 26 ára gamli Jerma-
ine Beckford.
Sá strákur kemur úr unglinga-
starfi Chelsea en náði ekki að næla
sér í atvinnumannasamning. Hann
fór því að þvælast í utandeildinni
áður en Leeds samdi við hann
árið 2006. Þar hefur hann skor-
aði 63 mörk í 105 leikjum. Hann
er þegar búinn að skora 20 mörk
fyrir Leeds í vetur og það verð-
ur þrautin þyngri fyrir félagið að
halda honum.
Newcastle er á meðal þeirra
félaga sem hafa sýnt honum áhuga
og svo er Beckford samningslaus
í lok leiktíðar. Hann gæti þó vel
verið áfram hjá félaginu enda er
Leeds komið með annan fótinn upp
í B-deildina.
„Hann sýndi í dag hvað hann
getur. Vann vel fyrir liðið og nýtti
svo færið sitt. Hann er kominn
með fimm mörk í síðustu þrem-
ur leikjum. Það er ekki ónýtt. Við
erum ekki að reyna að selja hann
en peningar hafa samt mikið með
málið að gera,“ sagði Simon Gray-
son, stjóri Leeds, en hann gæti
hæglega misst þennan aðalmarka-
skorara sinn áður en mánuðurinn
er á enda. Grayson var eðlilega
afar stoltur af strákunum sínum
sem spiluðu frábæran leik og voru
síst lakari aðilinn í leiknum. Leeds
fékk þess utan betri færi og flest-
ir á því að sigur liðsins hefði verið
sanngjarn.
„Þetta er gríðarlegt afrek og
strákarnir spiluðu stórkostlega.
Það hefur verið mikið um neikvæð-
ar fréttir hjá þessu félagi síðustu
fimm ár. Við höfum farið á haus-
inn og niður um deildir. Stuðn-
ingsmennirnir hafa samt staðið
með okkur. Komu 9.000 á þennan
leik og meira að segja 3.000 á úti-
leik gegn Bristol Rovers. Það hefur
svo sitt að segja að fá alltaf um 25
þúsund manns á hvern heimaleik.
Þessi sigur er fyrir stuðnings-
mennina sem hafa aldrei snúið
baki við félaginu.“
Sir Alex Ferguson, stjóri Man.
Utd, var í áfalli eftir leikinn og
bauð ekki upp á neinar afsakan-
ir. Hann ætlar samt að refsa þeim
sem stóðu sig ekki í dag.
„Við eigum undanúrslitaleik í
deildarbikarnum á miðvikudag og
margir þessara leikmanna í dag
fá ekki að spila. Ég er í áfalli yfir
þessari frammistöðu því undirbún-
ingurinn var góður. Við komumst
aldrei í gang og Leeds var mun
hungraðra en við og spilaði vel.
Leeds átti skilið að vinna,“ sagði
Ferguson. henry@frettabladid.is
Beckford sökkti United á heimavelli
Fyrrum leikmaður Wealdstone og Uxbridge, Jermaine Beckford, skoraði sigurmark Leeds gegn Man. Utd
á Old Trafford. Úrslitin klárlega með þeim óvæntari í langri sögu ensku bikarkeppninnar enda er Leeds í
ensku C-deildinni en United Englandsmeistarar. Þetta var fyrsti sigur Leeds á Old Trafford síðan 1981.
SIGURMARKI FAGNAÐ Jermaine Beckford fagnar hér sigurmarki sínu í leiknum í gær
ásamt félögum sínum. NORDIC PHOTOS/GETTY IMAGES
FÓTBOLTI Íslendingaliðið Reading
sýndi magnaða frammistöðu gegn
Liverpool er liðin mættust í þriðju
umferð ensku bikarkeppninnar á
laugardag. Gylfi Þór Sigurðsson,
Brynjar Björn Gunnarsson og Ívar
Ingimarsson voru allir í byrjunar-
liði Reading og áttu góðan leik.
Rafa Benitez, stjóri Liverpool,
ætlar sér augljóslega stóra hluti
í keppninni og hann tefldi fram
afar sterku liði í leiknum þar sem
bæði Steven Gerrard og Fernando
Torres voru í byrjunarliðinu. Þrátt
fyrir það sýndi Liverpool ekki
góðan leik og mátti að lokum þakka
fyrir 1-1 jafntefli. Liðin þurfa því
að mætast á nýjan leik og að þessu
sinni á Anfield.
„Mér er létt,“ sagði Benitez eftir
leikinn og það ekki að ástæðu-
lausu. Jöfnunarmark Liverpool
var heppnismark og margoft slapp
liðið með skrekkinn er Reading
þjarmaði að því úr föstum leika-
triðum.
„Að spila fyrir framan sjón-
varpsáhorfendur og gegn Liver-
pool kveikti augljóslega í liði
Reading sem spilaði mjög vel.
Þetta var erfiður leikur og það
jákvæða við hann er að við fáum
annan leik heima,“ sagði Benitez.
Það hefur ekki gengið vel hjá
Reading í vetur og liðið er í fall-
baráttu ensku B-deildarinnar.
„Við þurfum að spila svona í
hverri viku. Mér fannst frammi-
staðan vera frábær og við hefðum
hæglega getað stolið sigrinum. Það
er samt frábært að fá annan leik á
Anfield,“ sagði Brian McDermott,
bráðabirgðastjóri Reading.
- hbg
Engin flugeldasýning í upphafi árs hjá Liverpool:
Reading beit vel frá sér
FÖGNUÐUR Gylfi Þór Sigurðsson fagnar hér Simon Church eftir að hann kom
Reading yfir í leiknum. NORDIC PHOTOS/GETTY IMAGES