Fréttablaðið - 09.06.2011, Blaðsíða 34
9. JÚNÍ 2011 FIMMTUDAGUR2 ● ferðir ● kynning
Tveggja vikna ferð til Klettafjalla í Kanada
verður farin á vegum Bændaferða hinn
20. ágúst. Farið verður um slóðir íslensku
landnemanna og fræðst um sögu og menningu
Kanada undir íslenskri fararstjórn.
„Þórhallur Vilhjálmsson er einn af okkar reyndustu
fararstjórum. Hann þekkir svæðið vel og er ein-
staklega skemmtilegur sögumaður,“ segir Hugrún
Hannesdóttir hjá Bændaferðum, sem hafa skipulagt
ferðir til Kanada allt frá árinu 1975.
„Áfangastaðirnir eru sérstaklega skemmtilegir í
þessari ferð fyrir þá sem hafa áhuga á sögu,“ bætir
hún við, en helstu áfangastaðir eru Vancouver og
Klettafjöllin, bæirnir Kamloops og Jasper og borg-
in Calgary, svo eitthvað sé nefnt. Safn Stephans
G. Stephanssonar í Markerville verður einnig sótt
heim og litið við hjá hjónunum Auði og Sumarliða
Ingvarsson, en þau hafa verið fararstjórar hjá
Bændaferðum um árabil. Auður og Sumarliði hafa
verið búsett í bænum Kelowna síðustu 35 ár og segja
frá lífi sínu í Kanada. Ferðin snýst þó um fleira en
söguslóðir íslenskra landnema, segir Hugrún.
„Þarna er stórfengleg náttúra. Saga landnemanna
almennt er mjög áhugaverð, til dæmis hvernig leita
þurfti leiða yfir fjöllin til að leggja járnbraut. Saga
Indíánanna sem bjuggu fyrir á svæðinu er einnig
mjög áhugaverð og hvernig samskiptum þeirra og
landnemanna var háttað. Það er líka mjög gott að
ferðast um Kanada á þessum árstíma, ekki of heitt
en þó ennþá sumar.“
Sjálf ferðaðist Hugrún á sömu slóðir um páskana
í fyrra. Innt eftir því hvað hafi staðið upp úr í ferð-
inni á hún erfitt með að gera upp á milli staða.
„Það var sterk upplifun að koma til Marker-
ville og sjá hvað íslensku landnemarnir þurftu að
leggja á sig. Ég er mikil útivistarmanneskja og
fannst virkilega gaman að koma til Banff og fara
með kláfi upp í fjöllin. Náttúrufegurðin er stórkost-
leg og þarna eru margar gönguleiðir. Viðmót heima-
manna fannst mér líka frábært, en Kanadamenn
eru kannski líkir Íslendingum að vissu leyti, báðar
þjóðir búa í návígi við náttúruna. Þá mæli ég sér-
staklega með því að panta sér góða nautasteik ein-
hvern tímann í ferðinni.“
Nánari upplýsingar um ferðina er að finna á
heimasíðu Bændaferða, www.baendaferdir.is, og
þar má einnig lesa ferðasögu Hugrúnar.
Á slóðum íslenskra landnema
Skemmtilegt mannlíf í miðbæ Vancouver.
MYND/NORDICPHOTOS
Borgarlandslag í Calgary. MYND/NORDICPHOTOS
Farið verður um Klettafjöllin þar sem landnemar lögðu járnbrautarteina
gegnum hrikaleg fjallaskörð. MYND/NORDICPHOTOS
Útgefandi: 365 miðlar ehf., Skaftahlíð 24, s. 512 5000 Ábyrgðarmaður: Jón Laufdal jonl@365.is s. 512 5449
Umsjónarmaður auglýsinga: Sigríður Dagný Sigurbjörnsdóttir sigridurdagny@365.is s. 512 5462.
Mannskepnan leggur sér
ýmislegt til munns og
margt miður geðfellt gæti
sumum þótt. Hér eru nokkrir
„sælkeraréttir“ sem njóta
vinsælda víðs
vegar um heim.
Alls konar ullabjakk
Súkkulaðihúðaðir sporðdrekar,
krókódílakássa og sporðdrekavodki
eru meðal þess sem veitingahúsið
Edible í London býður upp á.
Fugu er vinsæll fiskur í Japan. Aðeins
þaulvanir matreiðslumenn mega verka
hann því annars er hætta á því að sá sem
borðar hann deyi, enda inniheldur hver
og einn nógu mikið eitur til að leggja
þrjátíu manns að velli.
Leðurblöku- og ávaxtasúpa þykir
hreinasta lostæti í Indónesíu. Leður-
blakan er elduð í heilu lagi í kókos-
mjólk og borin fram ásamt ávöxtum.
Ígúanaeðlur eru ekki aðeins vinsæl
gæludýr í El Salvador heldur líka
góðgæti sem bragðast víst eins og
kjúklingakjöt.