Fréttablaðið - 09.06.2011, Blaðsíða 66
9. júní 2011 FIMMTUDAGUR50
golfogveidi@frettabladid.is
G
O
LF
&
H
EI
LS
A
Tiger Woods verður ekki meðal
keppenda á Opna Bandaríska
meistaramótinu, US Open, sem
fram fer á Congressional vellinum
í næstu viku.
Tiger hefur ekki misst af þessu
móti síðan árið 1994, en hann
hefur undanfarna mánuði þjáðst
vegna tognunar á hásin og liðbandi
í hné. Hann hefur þrisvar sinnum
hrósað sigri á þessu risamóti, síð-
ast árið 2008.
Tiger sagðist afar vonsvikinn
með að missa af mótinu, en hann
þyrfti að hlusta á lækna sína.
Hann stefnir á að keppa næst
í lok þessa mánaðar og ná seinni
tveimur risamótum ársins. - þj
Þrefaldur meistari frá vegna meiðsla:
Tiger Woods verður
ekki með á US Open
VONBRIGÐI Tiger Woods mun ekki keppa á US Open í ár. Það er í fyrsta sinn í 17 ár
sem hann missir af mótinu. FRÉTTABLAÐIÐ/AFP
Meistarakylfingurinn Colin
Montgomerie gæti misst af Opna
breska meistaramótinu í fyrsta
sinn í 22 ár eftir að hann hafnaði
í síðasta sæti á úrtökumóti í vik-
unni.
Monty, sem hefur keppt á hverju
ári frá 1990, hefur átt í miklum
erfiðleikum á vellinum síðustu
misseri en hann hefur ekki sigrað
á móti frá árinu 2007.
Hann á enn tækifæri til að kom-
ast á Opna breska sem fer fram á
Sunningdale-vellinum, en til þess
þarf hann að ná inn á topp-fimm á
Opna franska mótinu eða því Opna
skoska. - þj
Vafasöm tímamót hjá Monty:
Gæti misst af
Opna breska
Í BULLANDI VANDRÆÐUM Monty gæti
misst af Opna breska í ár. FRÉTTABLAÐIÐ/AFP
Eitt af því sem sífellt vefst fyrir kylfingum eru álitamál sem koma upp í
hverjum golfhring. Hinrik Gunnar Hilmarsson, sem annast hefur eftirlit,
vallarvörslu og dómgæslu hjá Golfklúbbi Reykjavíkur, segir að allir kylfingar
verði að muna eftirfarandi:
Með mismunandi merkingum er gerður greinarmunur á tvenns konar vatns-
torfærum:
a) vatnstorfærum, sem merktar eru með gulum hælum og/eða línum, og
b) hliðarvatnstorfærum, sem merktar eru með rauðum hælum og/eða
línum.
Hvenær er bolti í vatnstorfæru/hliðarvatnstorfæru:
„Það er spurning um staðreyndir hvort bolti sem ekki hefur fundist eftir að
hafa verið sleginn í áttina að vatnstorfæru/hliðarvatnstorfæru sé í torfær-
unni. Til þess að beita megi þessari reglu verður það að vera vitað eða nán-
ast öruggt að boltinn sé í torfærunni. Sé þessi vissa ekki fyrir hendi verður
leikmaðurinn að slá nýjan bolta gegn einu vítahöggi.
Lausn vegna bolta í vatnstorfæru:
Kylfingur má leika boltanum eins og hann liggur í
torfærunni ef það er hægt. Hann má þó ekki grunda
kylfuna við það. Að öðrum kosti má leikmaðurinn,
gegn einu vítahöggi:
a) Leika bolta eins nálægt og unnt er af þeim stað,
þar sem upphaflega boltanum var síðast
leikið,
b) Láta bolta falla handan vatnstorfærunnar,
þannig að sá staður þar sem hinn
upphaflegi bolti fór síðast yfir takmörk
hennar sé í beinni línu milli holunnar
og þess staðar sem boltinn er látinn
falla.
Fleira kemur til álita, en þessar grunn-
reglur þurfa allir að hafa á hraðbergi.
Hollráð Hinna
Stutt námskeið um vatnstorfærur
„Ég get fullyrt að völlurinn okkar
verður hafður í hávegum af
íslenskum kylfingum. Hér er að
verða til ævintýraland fyrir golf-
áhugafólk,“ segir Páll Erlings-
son, formaður Golfklúbbs Grinda-
víkur sem fagnar 30 ára afmæli í
sumar. Nú hillir undir að teknar
verði í notkun fimm nýjar holur og
langþráður draumur um fullvaxta
átján holu völl
verði að veru-
leika hjá Grind-
víkingum.
Að sögn Páls
er völ lurinn
hugsaður fyrir
hinn almenna
kylfing frekar
en afreksfólk,
þó að þeir sem
hafa náð langt
í íþróttinni fái um nóg að hugsa
á Húsatóftavelli. „Það sem er
skemmtilegt við völlinn er að hann
er þrískiptur, og er ólíkur öðrum
völlum á Íslandi hvað það varð-
ar. Völlurinn er strandvöllur með
gömlu holunum fyrir neðan veg,
síðan þær holur sem kalla mætti
hefðbundnar og að síðustu nýju
holurnar í hrauninu. Hér fá menn
að reyna allar hliðar íþróttarinnar
í einum golfhring,“ segir Páll.
Golfklúbbur Grindavíkur var
stofnaður árið 1981 af nokkr-
um áhugamönnum um golf. Einn
þeirra, Jóhann Möller, átti sum-
arhús í Staðarhverfi og hafði
útbúið fjórar brautir og holur á
sjávarbökkunum. Jóhann hvatti
heimamenn eindregið til að koma
og spila og til að stofna golfklúbb
og færa út kvíarnar. Völlurinn er
nú þrettán holu völlur, fimm þeirra
eru á bökkunum og átta eru norð-
an þjóðvegarins og teygja sig inn í
hraunið í austurátt.
Árið 2009 var hafist handa við
stækkun á vellinum í átján holur
eftir teikningum frá Hannesi Þor-
steinssyni golfvallahönnuði og
yfirstjórn Bjarna Hannessonar
vallarstjóra. Í janúar í ár var einn-
ig ráðist í endurbætur á núverandi
íbúðarhúsnæði í eigu golfklúbbs-
ins með það að markmiði að taka
það í notkun sem framtíðar golf-
skála árið 2012 um leið og nýi völl-
urinn verður opnaður.
Klúbbfélagar í GG eru rúm-
lega 200 og koma ekki aðeins frá
Grindavík heldur nágrannasveit-
arfélögunum einnig. Allir eru
velkomnir sem sést á sérstökum
kjörum fyrir öryrkja, atvinnu-
lausa, aldraða og námsmenn. Þá
má nefna að nýliðagjald kylfinga í
GG er lægra en fullt gjald, en það
er hugsað þannig að auðvelt sé að
komast inn í klúbbinn og kynna sér
hvað hann hefur upp á bjóða.
Nafn vallarins dregur nafn sitt
af bænum Húsatóftum en tóftir
hans liggja á vellinum auk útihúsa
og hjáleiga frá býlinu. Hugsun for-
ráðamanna GG er að þessi saga fái
að njóta sín og kylfingar geti kynnt
sér sögu svæðisins á upplýsinga-
skiltum sem komið verður fyrir
víða um völlinn. Þá munu nýju
holurnar jafnframt bera heiti sem
dregin verða af örnefnum af alda-
langri nýtingu landsins sem völl-
urinn stendur á. Þá er hugmyndin
að gera gamalt sjóhús að ræsishúsi,
svo dæmi sé nefnt.
Afmælismót verður haldið 3.
september næstkomandi. Páll segir
að þá verði gefið út afmælisblað auk
annarra uppákoma. „Við ætlum að
gera þetta myndarlega núna þegar
gamall draumur er loksins að verða
að veruleika.“
svavar@frettabladid.is
Ævintýraheimur að fæðast
Golfklúbbur Grindavíkur fagnar 30 ára afmæli í sumar. Það er því viðeigandi að í haust verður haldið
afmælismót á nýjum stórglæsilegum átján holu golfvelli sem verður tekinn í fulla notkun næsta vor.
10. HOLA Flötin á tíundu er í forgrunni myndarinnar en nýr golfskáli er hér í mynd.
Hér sést í þakið á gamla skálanum sem er hugsaður til framtíðar sem gistirými fyrir
kylfinga.
PÁLL ERLINGSSON
5. HOLA Myndin er tekin af gulum teig en kvennateigurinn er niðri til vinstri. Hægra megin er níunda flöt. Hér sést vel hvernig
nýju holurnar sniglast um hraunið en nýrri hluti vallarins er allur í hrauninu. FRÉTTABLAÐIÐ/GVA
Ef hreyfanleiki í mjöðmum er
skertur vegna skekkju í mjöðmum,
styttingu í innri snúningsvöðvum
mjaðma eða hvort tveggja þá
getur það leitt af sér of mikla
hliðarsveigju í baksveiflunni, segir
Magni Bernhardsson, kírópraktor
hjá Kírópraktorstofu Íslands.
Magni bendir á að önnur
ástæða fyrir þessu getur verið
skertur hreyfanleiki í hrygg sem
getur gert það að verkum að erfitt
er að skilja á milli hreyfingar á
neðri hluta og efri hluta líkamans.
„Þriðja ástæðan getur verið að
það er ekki nægilegur styrkur í
innri rassvöðva sem er aðalvöðv-
inn þegar kemur að stöðugleika í
aftursveiflunni.
Til að sjá hvort hreyfanleikinn
sé nægur þá er gott að leggjast
á bakið með fætur bogna í 90
gráður og setja hnefana á milli
hnjáa, en út frá þeirri stöðu á að
vera auðvelt að spenna hælana
út án þess að missa hnén frá
hnefunum.
Til að athuga hvort nægur
styrkur sé í innri rassvöðva þá er
gott að gera hliðarplanka og lyfta
efri fætinum upp og halda í þrjár
sekúndur. Ef það er mögulegt þá
er nægur styrkur til staðar. Mikil-
vægt er að útiloka hliðarhreyfingu
í baksveiflunni svo höfuðið haldist
yfir boltanum og um leið er minni
hætta á bakmeiðslum við leik.“
Höfundur starfaði með PGA-golf-
kennaranum Justin Stout í Banda-
ríkjunum árið 2007 við að hreyfi- og
styrktargreina nemendur hans.
Hliðarsveigja í
baksveiflu
Magni M. Bernhardsson,
kírópraktor með sérhæfingu í
golfmeiðslum og öðrum íþrótta-
meiðslum.
9.017 KYLFINGAR voru skráðir meðlimir í níu golfklúbbum á höfuðborgarsvæðinu árið 2010. 344 KYLFINGAR voru skráðir meðlimir í sjö golfklúbba á Austurlandi árið 2010.