Jazzblaðið - 01.09.1952, Blaðsíða 5
Ronnie Scott á íslandi
t
Enski tenór-saxófónleikarinn Ronnie
Scott lék hér á landi um mánaðarmótin
ágúst og september. Fyrstu hljómleikarnir
voru í Gamla bíó miðvikudaginn 27. ágúst.
Hljómleikarnir hófust með leik kvintets Ey-
þórs Þorlákssonar, skipaðan Eyþóri á guit-
ar, Gunnari Sveinssyni vibrafón, Kristjáni
Magnússyni píanó, Axel Kristjánssyni bassa
og Svavari Gests trommum. Einnig lék Jón
Sigurðsson trompetleikari tvö lög með
kvintetinum. Leikur kvintetsins var talsvert
betri en hann hefur verið áður, en eins og
kunnugt er þá hefur hann komið fram
nokkrum sinnum áður. Eyþór er í stöðugri
framför og Kristján gerði margt gott. Jón
Sigurðsson trompetleikari var nokkuð hik-
andi, en leikur hans var engu að síður hinn
prýðilegasti, Jón ætti aðeins að láta oftar
til sín heyra í jazzlífinu.
Er kvintetinn hafði lokið leik sýnum
kom Ronnie Scott með aðstoð tríós Arna
Elfar píanóleikara, en í því voru auk Arna,
Pétur Urbancic á bassa og Guðmundur
Steingrímsson á trommur. Leikur Ronnie
var í alla staði hinn stórkostlegasti, tónn,
tækni og hugmyndir allt hið fullkomnasta.
Áheyrendur kunnu líka að meta það, því
þeir ætluðu aldrei að sleppa honum af svið-
inu, svo ’mikið var lófatakið. Tríóið stóð
sig einkar vel, voru mennirnir hver öðrum
betri. Fyrsta atriðið eftir hlé var söngur
Hauks Morthens með aðsoð tríós Kristjáns
Magnússonar, Axel á bassa og Svavar á
trommur. Haukur hefur aldrei hlotið jafn
mikið lof hjá áheyrendum og einmitt á
þessum hljómleikum. Haukur hefur sungið
í sex ár og er hann ætíð í framför. Meðferð
hans á lögunum þetta kvöld var einkar
góð og lagaval alveg fyrirtak. Undirleikur
Kristjáns var einnig sérlega góður. Síðasta
atriði hljómleikanna var Jam-session með
þeim Ronnie Scott, Eyþóri Þorlákssyni,
Jóni Sigurðssyni, Gunnari Sveinssyni, Árna
Elfar, Guðmundi Steingrímssyni og Pétri
Urbancic. Sessionin heppnaðist ágætlega og
var Ronnie að sjálfsögðu aðalmaðurinn.
Kvöldið eftir lék Ronnie Scott á dansleik
í Breiðfirðingabúð ásamt þeim hljóðfæra-
leikurum er léku á hljómleikunum. Bættust
nokkrir aðrir jazzleikara þar og við, m. a.
Gunnar Ormslev, sem stóð sig mjög vel.
Er nánar að því vikið á öðrum stað í blað-
inu. Síðan fór flokkurinn út á land og lék
Framh. á bls. 16
Gunnar Ormslev og Ronnie Scott.
dazzlLU 5