Jazzblaðið - 01.09.1952, Blaðsíða 15
tvisvar spilaði hann á bassa og gerði það
ágætlega. Mér er sagt að Gunnar Sveinsson
hafi aðeins leikið á víbrafón í nokkra mán-
uði svo að það er varla hægt að leggja dóm
á leik hans strax, en hann vii'ðist hafa
mikinn áhuga og gerir sumt prýðilega.
— Heldurðu. að nokkur þessara jazzleik-
ara gæti komið fram erlendis?
— Já, vissulega gætu þeir það. Reynd-
ar er enginn þeirra eins góður og þeir
beztu í Englandi, en margir þeirra eru
talsvert betri heldur en fjöldi jazzleikara,
sem hefur það að atvinnu að leika á ýms-
um jazzklúbbum í Englandi. Þar sem þú
spyrð mig ekkert um söngvarann, sem var
með okkur á hljómleikunum og dansleikj-
unum, Hauk Morthens, þá ætla ég að leyfa
mér að segja nokkur orð um hann. Haukur
fékk oftast nær betri móttökur en ég, svo
að hann á sannarlega þakkir skilið fyrir
framistöðu sína í ferðinni. Haukur syngur
mjög vel. Hann syngur til dæmis miklu
betur en söngvarinn sem er með Jack
Parnell hljómsveitinni, og er það þó sögð
bezta hljómsveitin í Englandi núna. Ég er
ekki í nokkrum vafa um, að Haukur ætti
mikla framtíð fyrir sér ef hann færi til
Englands. Að sjálfsögðu tekur tíma að
vinna sig upp þar, en ég er nærri því viss
um, að hann gæti hæglega komist á topp-
inn. Og fyrirhöfnin mundi margfalt borga
sig, því mér skilst að hér sé ekki mikið að
hafa fyrir söngvara.
— Hvað tekur við þegar þú ferð heim?
— Ég byrja aftur með Jaek Parnell.
Hljómsveitin hefur haft mjög mikið að
gera undanfarið og hún er þegar ráðin
marga mánuði fram í tímann til að leika
hingað og þangað um England. Satt að
segja er ég orðinn nokkuð þreyttur á ferða-
lögunum og mundi jafnvel hætta ef ég
fengi góða stöðu í hljómsveit sem aðeins
léki í London.
— Hvernig er Parnell hljómsveitin skip-
uð?
— Þrír trompetar, tveir trombónar, fjór-
ir saxófónar (tveir tenórar, altó og barí-
tónn) og þrír rhytmar, söngvari, söngkona
og svo Jack Parnell sem stjórnar, leikur
öðru hvoru á trommur og syngur.
Hinn kunni enski
tenór-saxófónleikari
Ronnie Scott lék hér
um mánaðarmótin
ágúst sept. Á mynd-
inni ræðir Svavar
Gests ritstj. Jazz-
blaðsins við Ronnie.
Sjá meðfylgjandi
grein.
jazdLM 15