Morgunblaðið - 06.10.2010, Blaðsíða 28
28 MENNING
MORGUNBLAÐIÐ MIÐVIKUDAGUR 6. OKTÓBER 2010
… mér finnst hún svo
flott, er ekki hægt að
hafa kveikt á henni allt árið?
30
»
Steinþór Guðbjartsson
steinthor@mbl.is
„Bókinni hefur verið mjög vel tekið, bæði í Kanada og á Íslandi,
og ég er ánægður með viðtökurnar,“ segir Davíð Gíslason,
bóndi á Svaðastöðum í Manitoba í Kanada, um ljóðabók sína
The Fifth Dimension, en hann hefur tilkynnt að allur hagnaður
renni í sjóð til styrktar nemum við íslenskudeild Manitoba-
háskóla í Winnipeg.
Bókin er sú fyrsta í útgáfunni Kind Publishing, sem íslensku-
deild Manitoba-háskóla stendur að. Í henni eru ljóð eftir Davíð
og þýðingar hans á ljóðum eftir vesturíslensk skáld, eins og til
dæmis Guttorm J. Guttormsson og Stephan G. Stephansson, og
íslenska höfunda, eins og t.d. Jónas Hallgrímsson, Davíð Stef-
ánsson og Einar Benediktsson.
Til sölu á Íslandi
Davíð hefur látið sig samskipti Íslands og Kanada miklu
skipta og einkum og sér í lagi sambandið milli Íslendinga og
fólks af íslenskum ættum vestra. Um árabil hefur hann verið
lykilmaður í vesturíslenska samfélaginu í Manitoba og með allt
þetta í huga kemur ekki á óvart að bókin var prentuð hjá prent-
smiðjunni Odda í Reykjavík. Hún er til sölu hjá Bókabúð Máls
og menningar við Laugaveg, í Þjóðminjasafninu og í Vest-
urfarasafninu á Hofsósi. „Salan gengur mjög vel og vonandi
getum við komið upp öflugum styrktarsjóði,“ segir hann.
Kanadískur bóndi stofnar sjóð
til styrktar íslenskunemum
Morgunblaðið/Kristinn
Útgáfa Davíð Gíslason áritar bók sína á Þjóðræknisþingi í
Þjóðmenningarhúsinu á dögunum.
Ýmis skjöl úr fór-
um fjölskyldu
norska nóbels-
verðlaunahöf-
undarins Knuts
Hamsuns eru til
sölu í Kaup-
mannahöfn. Er
gert ráð fyrir að
þau seljist fyrir
um 3,5 milljónir
danskra króna, eða um 70 milljónir
íslenskar. Jyllandsposten greindi frá
því í gær að H.J. Lynge & Sön hefði
fengið til sölu sendibréf, ýmsar ljós-
myndir sem sýna fjölskyldumeðlimi
yfir langt tímabil, og önnur einka-
gögn úr fórum Hamsuns, sem hlaut
Nóbelsverðlaunin árið 1920. Maria
Gisel, fulltrúi seljandans, segir þetta
einstakt úrval skjala sem mörg söfn
hafi áhuga á að eignast.
Knut Hamsun var einn virtasti
höfundur heims á sinni tíð en verk
hans hafa að margra mati liðið síð-
ustu áratugi fyrir fylgispekt Hams-
uns við nasista í seinni heimsstyrj-
öldinni. Sú afstaða hans birtist
meðal annars í teikningu hans í einu
bréfinu, frá árinu 1940, þar sem
hann fagnar þeim óstaðfestu tíð-
indum að England hafi tapað stríð-
inu.
Skjöl frá
Hamsun
til sölu
Meðal annars teikn-
ingar höfundarins
Knut Hamsun
Hulda Björg
Garðarsdóttir
sópransöngkona
er gestur á há-
degistónleikum í
Hafnarborg á
morgun,
fimmtudag.
Hefjast tónleik-
arnir klukkan
12.
Þetta er átt-
unda ár tónleikaraðarinnar og hef-
ur Antonía verið listrænn stjórn-
andi frá upphafi. Hún hefur fengið
flesta af fremstu söngvurum lands-
ins til liðs við sig á þessum tíma.
Á dagskrá tónleikanna á morgun
eru óperuaríur eftir Verdi og Pucc-
ini sem eiga það sameiginlegt að
fjalla um „hann“, sjálfan drauma-
prinsinn.
Húsið verður opnað kl. 11.30.
Syngur um
drauma-
prinsana
Hulda Björk
Garðarsdóttir
Út er komið Almanak fyrir Ís-
land 2011 sem Háskóli Íslands
gefur út. Þetta er 175. árgang-
ur ritsins. Þorsteinn Sæ-
mundsson stjörnufræðingur
og Gunnlaugur Björnsson
stjarneðlisfræðingur hafa sam-
ið og reiknað almanakið sem er
96 bls.
Auk dagatals eru í ritinu
ýmsar upplýsingar, svo sem
um sjávarföll og gang him-
intungla. Í því eru m.a. stjörnukort, kort sem sýna
áttavitastefnur og kort sem sýna tímabelti heims-
ins. Einnig má nefna yfirlit um hnetti himingeims-
ins og mælieiningar. Þá eru upplýsingar um
helstu merkisdaga nokkur ár fram í tímann.
Almanak
Almanak fyrir
Ísland í 175. sinn
Þorsteinn
Sæmundsson
Á Handverkskaffi október-
mánaðar í Gerðubergi, í kvöld
miðvikudag klukkan 20, kynnir
Björn Finnsson hnútagerð-
arlist. Kennir hann þá við-
stöddum að búa til apahönd.
Apahönd er skrauthnútur
sem myndar einskonar bolta
sem hægt er að nota í ýmsum
tilgangi, til að mynda sem
lyklakippu eða leikfang fyrir
hunda. Efniviður verður á
staðnum og fá gestir að útbúa sína eigin apahönd
og taka með sér heim. Áhugasamir geta einnig
lært fleiri hnúta, svo sem demantshnút, tyrkja-
hnút og starkóng. Björn Finnsson hefur leiðbeint
börnum og fullorðnum um árabil.
Handverk
Apahönd, starkóng-
ur og tyrkjahnútur
Skrauthnúturinn
apahönd
Anna María Lind Geirsdóttir
er myndlistarmaður október-
mánaðar í SÍM-húsinu, Hafn-
arstræti 16. Sýnir hún þrjú
myndverk.
Anna María útskrifaðist úr
Myndlista- og handíðaskóla Ís-
lands árið 1992 og lauk
kennsluréttindanámi úr
Listaháskóla Íslands árið 2006.
Hún er einnig með MA-gráðu í
myndlist frá Winscester
School of Art í Southampton. Anna María vinnur
með vefnað og hefur haldið hátt í tug einkasýn-
inga.
Sýningin stendur til 26. október og er opið virka
daga milli kl. 10 og 16.
Myndlist
Anna María sýnir
í SÍM-húsinu
Anna María Lind
Geirsdóttir
Einar Falur Ingólfsson
efi@mbl.is
Á opnun sýningarinnar SPOR í Listasafni ASÍ við
Freyjugötu um liðna helgi, settist fjöldi gesta niður
og saumaði út í flennistóra mynd sem er þar
strengd á ramma. Myndin sýnir inniviði tónlistar-
hússins Hörpu.
„Gestirnir voru ánægðir með að geta sest niður
og tekið þátt í sköpun verksins,“ segir Anna Hallin
en þær Ósk Vilhjálmsdóttir kalla sig „listhjúkkur“
og eru höfundar sýningarinnar.
„Sumir höfðu reyndar áhyggjur af því að þeir
saumuðu ekki nógu vel en þetta tókst ágætlega; ég
held að almennt þá langi fólk nú til að taka þátt í
því sem er að gerast í samfélaginu,“ segir Anna.
Þær Ósk og Anna hafa unnið af og til saman að
sýningum frá árinu 2003 og hefur samfélagið, sam-
tímaatburðir og umræður iðulega verið kveikja að
verkunum. Árið 2003 sýndu þær þannig á sama
stað, í Listasafni ASÍ, verk sem þær kölluðu Inn og
út um gluggann en þar gerðu þær módel af sýning-
arsal safnsins og fór með hann út fyrir húsið. „Okk-
ur fannst við þurfa að tengja sýningarrýmið við
heiminn og því fórum við bókstaflega út með rýmið,
á sjóinn, á barinn og í Húsdýragarðinn,“ segir Ósk.
Í fyrra bjuggu þær til bingó sem byggðist á banka-
hruninu og nærtækum samtímaviðbrögðum.
Tónlistarhúsið endurspeglar
margt í umræðunni
Á sýningunni SPOR gefur að líta myndbands-
innsetningu í Arinstofu en í Gryfjunni er sýning á
ljósmyndum eftir gest þeirra Óskar og Önnu, Ægi
Ólafsson kranamann, en hann tók ljósmynd af inn-
viðum tónlistarhússins Hörpu sem gestir geta nú
saumað út í með krosssaumi á efri hæð safnsins.
„Þetta verkefni byggist á áhuga okkar á upp-
byggingu í borginni síðustu ár,“ segir Ósk. „Þegar
við sáum þessa ljósmynd Ægis ákváðum við að
vinna út frá tónlistarhúsinu, en fólk hefur blendnar
tilfinningar gagnvart þessu húsi. Það endurspeglar
svo margt sem í umræðunni, sumt er tengt von-
brigðum, annað væntingum. En þetta er hús menn-
ingarinnar, þarna ætlar þjóðin að rísa upp úr ösku-
stónni.“
Þær ákváðu að láta gesti hjálpa sér við að sauma
myndina út; það þurfi að taka mörg mjúk spor með
ullargarni í alla þessa hörðu bita.
„Við listhjúkkurnar vinnum eins og læknar og
hjúkrunarkonur, handfjötlum samtímann og reyn-
um að laga til,“ segir Anna Hallin.
Handfjatla samtímann
Anna Hallin og Ósk Vilhjálmsdóttir sýna í Listasafni ASÍ Kalla sig
„listhjúkkur“ og bjóða gestum að sauma út í ljósmynd af tónlistarhúsinu Hörpu
Saumað út „Listhjúkkurnar“ Anna Hallin og Ósk Vilhjálmsdóttir vinna við útsaumsverkið.
Sýning þeirra Óskar Vilhjálms-
dóttur og Önnu Hallin, SPOR,
hverfist að ákveðnu leyti um ljós-
mynd sem Ægir Ólafsson krana-
maður tók af tónlistarhúsinu
Hörpu í byggingu, en þær sáu
myndina fyrst í Morgunblaðinu.
„Þegar við sáum þessa frá-
bæru ljósmynd settum við okkur
í samband við Ægi og fengum afnot af mynd-
inni,“ segir Ósk. „Á myndinni er horft inn í inn-
yfli hússins. Það var ánægjulegt að kynnast
Ægi en hann hefur ástríðufullan áhuga á því
sem hann er að gera og hefur
verið að mynda ofan úr þess-
um stærsta krana landsins;
hann er 70 metra hár.
Við fórum með Ægi upp í
kranann og vorum kvikmynd-
aðar þar sem við saumum þar
út.
Í ljósmyndum Ægis er af-
skaplega áhugavert sjónarhorn á borgina.
Hann er gestur okkar á sýningunni en verkin
hans eru sýnd í Gryfjunni í Listasafni ASÍ,“
segir Ósk.
Úr stærsta krana landsins
ÆGIR ÓLAFSSON KRANAMAÐUR ER GESTUR Á SÝNINGUNNI