Vera - 01.12.1989, Side 4

Ljóð eftir Dísu:
Sorgin og sælan
Himininn
grætur tárum sínum
ofan í tjörnina
sem stækkar og dýpkar
og blánar,
og sólin nýtur sín enn betur
í spegilmyndinni
næst þegar rofar til.
Skjaldbakan
finnur haustið nálgast
skríður langt ofan í blómabeð
og dreymir sumarið
vetrarlangt,
kemur síðan upp með vorlaukunum
til að láta drauma sína rætast.
Litli bróðir
Heil vika
heil eilífð
börnum bannaður aðgangur
að börnum.
Leigubíll
mamma og böggull
stórt sköllótt höfuð
svo mjúkt
svo mjúkt,
hvenær kemur röðin að mér
að strjúka?
Sumir eiga ekki afturkvæmt
úr moldinni.
Húsráð
Til þess að lifa af
Ekki hugsa um það
ekki hugsa
borðaðu
borðaðu skyr
sem stíflar allar leiðir
hugsana þinna
til sársaukans;
sannleikans.
Hjarta fullt af skyri
finnur ekki til
gleðst ekki
bara slær
slær og slettir skyri.
Brauð handa hungruðum heimi
6-8 sneiðar á dag.
Þegar hugsanirnar
vaxa yfir höfuðið
er gott að taka kúfinn
og raða honum
snyrtilega á hvítan pappír.
NÁMSKEIÐ UM KONUR OG KERFIÐ
Næsta sumar mun Lýðháskólinn í
Kungálv í Svíþjóð standa fyrir
námskeiði um konur og kerfið
með sérstöku tilliti til þess sem
hefur verið að gerast í kvenna-
baráttu á íslandi. Heiti námskeiðs-
ins er ,,Mand-inde eller kvinde-
lighed?“ sem í beinni þýðingu
hljóðar: „Karl-ynja eða kvenna-
jafnrétti?“ Verður námskeiðið
haldið 4.-10. júní á íslandi ef til
þess fæst fjárstuðningur, annars í
Kungálv.
Sú sem skipuleggur námskeiðið
er Eva Skærbæk en hún er guð-
fræðingur og danskur lektor við
skólann. í samtali við VERU sagði
4
hún að hugmyndin að baki nám-
skeiðinu væri sú, að skoða hvort
konur verði eins og karlar þegar
þær fara inn í kerfið og ef svo er,
hvort það sé nauðsynlegt. Mark-
miðið væri svo að reyna að greina
hversu langt á veg við erum komn-
ar í kvennabaráttunni og þar kem-
ur til sögunnar sú sérstaka leið
sem skilað hefur árangri á íslandi,
þ.e. kvennaframboðin. Kastljósi
kvenna verður beint að hagfræð-
inni, valdinu, fjölmiðlunum,
tungumálinu, menntuninni og
kynferðinu. Fyrirlesarar verða frá
öllum Norðurlöndunum en frá
íslandi verða m.a. Guðný Guð-
björnsdóttir lektor, Lilja Móses-
dóttir hagfræöingur og Valgerður
Bjarnadóttir verkefnisfreyja hjá
BRYT.
Sjálfsagt þekkja fremur fáar
konur Lýðháskólann í Kungálv.
Það er mjög miður því þetta er hin
merkasta stofnun sem heldur á ári
hverju fjölmörg áhugaverð nám-
skeið sem eru opin fólki af öllum
Norðurlöndunum. Skólinn er rek-
inn af norrænu ráðherranefndinni
og geta fslendingar sótt um styrk
til skólans til að mæta þeim kostn-
aði sem þeir hafa af Jtví að sækja
hann um svo langan veg. Skólinn
leggur höfuðáherslu á fullorðins-
fræðslu af ýmsu tagi og lykilhug-
tökin f Jteirri fræðslu eru nýsköp-
un og þróun. Það liggur í orðanna
hljóðan að skólinn þarf að fylgjast
með nýjum hugmyndum og ftað
virðist hann gera. Nýjar hug-
myndir kvenna hafa t.d. átt greið-
an aðgang að honum. Þeim, sem
vilja fá nánari upplýsingar um
skólann og það sem hann hefur
upp á að bjóða, er bent á Reyni
Karlsson í Menntamálaráðuneyt-
inu en hann á sæti í stjórn skólans
fyrir íslands hönd.
-isg