Fréttabréf Ættfræðifélagsins - 01.10.1997, Blaðsíða 24

- aðsent - aðsent - aðsent - aðsent - aðsent - aðsent - aðsent -
r r
Akall til Rangæinga og Arnesinga
Þakklátur yrði ég þeim sem gæti sagt mér hverra
mann þau voru, hjónin Sigurður Þórðarson, bóndi í
Bjálmholti, f. 1752, og Katrín Jónsdóttir, f. 1744.
í manntali 1801 búaþau í Bjálmholti, hann sagður
49 ára og kona hans 57 ára.
Meðal bama þeirra, í sama manntali, er Hafliði, þá
15 ára. Kann ég að rekja einn ættlegg hans til fólks
sem nú er uppi.
I sama manntali er annar Sigurður Þórðarson f.
1721. Dvelst hann ásamt konu sinni, Guðrúnu Jóns-
dóttur, f. 1728, hjá syni sínum sem þá bjó í Háfi (sem
um þessar mundir er nafnkendur staður). Sonur
hans, bóndinn í Háfi, hét Sigurður, f. 1771, en kona
hans Vilborg Þorgeirsdóttir, einnig f. 1771.
Sá ruglingur hefúr komist inn í ættartölu( r ) að
Sigurður, f. 1752, sé sonur Þórðar Þórðarsonar,
Skálholtsráðsmanns, sem fæddur er um 1684. Kona
ráðsmannsins var Kristín Tómasdóttir frá Glerár-
skógum, f. um 1680-90. Utilokað er að þeir Þórður
séu feðgar því Sigurður er f. 1752, fímm ámm eftir lát
Þórðar Skálholtsráðsmanns, sem dó 1747. A hinn
bóginn mun Sigurður í Háfí, f. 1721, vera sonur
ráðsmannsins.
Til gamans læt ég þess getið að Þórður Skálholts-
ráðsmaður var sonur Þórðar Steindórssonar af Akra-
Finnsætt, sýslumanns á Ingjaldshóli, eins litríkasta
lífsnautnamanns á síðari hluta sautjándu aldar, vel af
guði ger en kunni sér ekki hóf.
Og lauk ævinni öreigi og ógæfúmaður.
Ekki tel ég þó loku fyrir það skotið að annaðhvort
Sigurður, f. 1752, eða Kristín kona hans, f. 1744, séu
skyld Þórði ráðsmanni.
Þakka ég fyrirfram þeim sem kann að uppvekjast
og verða mér að liði.
Jón Dan Jónsson,
Stóragerði 13,108 Reykjavík,
s. 553-9698
Coplandfólk
Trúlega kannast ekki margir við þetta ættamafn
en laust fyrir síðustu aldamót kom hingað skoskur
maður að nafni George Copland sem síðan var lengi
riðinn við verslun hér á landi, einkum í Reykjavík.
Hann var meðeigandi um tíma í Edinborgarverslun,
ásamt öðmm skoskum manni og Asgeiri Sigurðssyni,
kaupmanni.
Eg hef mikinn hug á að afla mér sem mestrar
vitneskju um Copland (eða Copeland eins og nafn
hans hefur stundum verið ranglega skrifað). Er ég þá
einkum að hugsa um umsvif hans hér á landi. Ein-
hverra hluta vegna er margt óljósara um þennan
mann en skyldi, þrátt íyrir að hann væri fyrirferðamiki 11
í íslensku viðskiptalífí. Þó kvæntist hann íslenskri
konu og átti að minnsta kosti tvö böm.
Kannast einhver i Ættfræðifélaginu við heimildir
um þennan Copland (f. 1873)? Mér þætti mikill
fengur að því að fá vitneskju um það eða um fólk sem
vissi eitthvað um hann eða niðja hans, þeir gætu
hugsanlega reynst mér hjálplegir.
Kona Coplands kaupmanns hét Stefanía Ólöf (f.
1883), dóttirRafns Sigurðssonarskósmiðs í Reykjavík
og Guðleifar Stefánsdóttur konu hans. Börn þeirra
Coplands vom David og May eftir því sem segir í
grein Ragnars Agústssonar í Húnvetningi, 14. árg.
(1990), bls. 68. Um þau veit ég ekkert nema að mér
er sagt að sonurinn, David, hafí komið upp til íslands
með breska hernum á hernámsárunum. Kona
Coplands, Stefanía Ólöf, átti systur sem varð fulltíða,
giftist og eignaðist niðja. Hún hét Sigríður og var gift
Hjörleifí Þórðarsyni trésmiði í Reykjavík. Hugsanlega
vita niðjar þeirra eitthvað um afkomendur þessarar
fjarskyldu frænku sinnar en ég hef ekki vitað hvar
bera skyldi þar niður.
Ef einhverjir í Ættfræðifélaginu gætu frætt mig
eitthvað um Copland og hans athafnir hér á landi, eða
bent mér á heimildir sem þeir hafa rekist á um hann
eða fólk tengt konu hans, þætti mér vænt um ef þeir
hefðu samband. Heimilisfangið er Fannafold 189,
112 Reykjavík, og síminn er 567 6428.
Halldór Bjamason
24