Fréttatíminn - 31.08.2012, Page 58

46 heilsa Helgin 31. ágúst-2. september 2012
 VillisVeppir

TENNIS
er skemmtileg hreyfing

Nú er rétti tíminn til að
panta fastan tíma í tennis.
Eigum nokkra tíma lausa.
Skemmtilegu byrjendanámskeiðin
fyrir fullorðna eru að hefjast.
Skráning og upplýsingar í síma 564 4030 eða á tennishollin.is
l eikf imin hefur verið starfandi í meira en tuttugu
ár og margar konur hafa
verið alveg síðan byrjun.
Það eru alltaf að bæt-
ast nýjar konur ár hvert
í hópinn sem er alltaf
skemmtilegt og vel er
tekið á móti nýjum með-
limum. Konurnar eru
flest allar úr hverfinu
en einnig eru konur að
koma annars staðar úr Reykjavík
og að sjálfsögðu bjóðum við allar
velkomnar. Meðalaldur í hópnum
er 60 ár. En það eru konur með
okkur sem eru allt niður í 30 ára
og upp í 75 ára gamlar.
Mikil gleði er í hópnum, hóp-
urinn er mjög samrýmdur og
konurnar eru oft samferða í leik-
fimina, deila prjónauppskriftum,
mataruppskriftum eða bókum.
Hópurinn fer út að borða á hverju
ári og hafa Vegamót verið í upp-
áhaldi síðastliðin tvö ár. Það hefur
alltaf verið svo gaman, konurnar
fara í sitt fínasta púss og eiga góða
stund saman.
Leikfimin er mjög fjölbreytt og
heldur konunum í formi allt árið.
Það er haustönn og vorönn en svo
fá þær gott jóla-, páska- og sum-
arfrí sem þær nýta vel í göngutúra,
skíði eða golf. Ég reyni að hvetja
þær til að hreyfa sig í fríunum og
þær eru mjög duglegar
við það. Tímarnir byggj-
ast helst á góðum þol-
og styrktaræfingum.
Við æfum helst með létt
lóð og okkar eigin lík-
amsþyngd með áherslu
á pilates æfingar á dýnu,
en þær eru svo góðar
fyrir bak- og kviðvöðva
og lengja og styrkja
djúpvöðva líkamans
ásamt því að auka lið-
leika og jafnvægi. Við búum svo vel
að því að vera í góðum íþróttasal
svo við tökum stundum upphitun
með blakbolta eða körfubolta bara
til að krydda aðeins tímana og það
þykir þeim afar gaman. Stundum
tökum við létt dansspor í tímunum
og á hverri önn fáum við til okkar
gestakennara úr ýmsum áttum,
en það hefur ýmist verið afró,
bollywood eða zúmba. Við förum
einnig reglulega í jóga og gerum
þá góðar liðleikaæfingar með slök-
un og djúpöndun.
Kennarar eru Ásdís Halldórs-
dóttir íþróttafræðingur og Linda
Björk Óladóttir, sundkennari og
þolfimikennari, en þær hafa báðar
áratuga reynslu í líkamsræktar-
þjálfun kvenna. Tímarnir eru á
þriðjudögum og fimmtudögum
klukkan 17 í Fossvogsskóla. Nán-
ari upplýsingar gefur Ásdís Hall-
dórsdóttir í síma 777-2383.
Fimleikafjólurnar í Fossvoginum
– leikfimi fyrir konur
Ásdís Halldórsdóttir
KYNNING
Nú er sveppatímabilið í ís-
lenskri náttúru í hámarki. Allir
þeir sem hafa hugsað sér að
prófa að tína villisveppi ættu
að ná sér í bastkörfu og halda
af stað. Það er einmitt það
sem Haraldur Jónasson gerði
þegar hann fór í sveppamó í
fyrsta sinn á ævinni.
Þ að fyrsta sem þarf að hafa í huga þegar haldið er af stað í sveppamó er grunnvitneskja
um íslenska matsveppi. Hún er
þessi: Pípusveppir eru nær alltaf ætir
en fansveppir eru það ekki. Óreynd-
ir ættu því að halda sig við þá fyrr-
nefndu. Þeir þekkjast auðveldlega
frá vegna þess að undir hattinum eru
holur eða pípur sem líta út eins og
svampur. Ekki þessar fanir sem við
tengjum oftast við sveppi. Það er þó
einn pípusveppur, piparsveppur, sem
þykir ekki góður á bragðið.
Að fara í sveppamó er í ekkert líkt
því að fara í berjamó. Veiðieðlið byrj-
ar að segja til sín um leið og komið
er að skógarjaðrinum. Mjög svipað
rjúpnaveiðum nema í stað haglarans
á öxlinni kemur bastkarfa á fram-
handlegginn. Kannski ekki alveg
jafn karlmannlegt en næstum því.
Sérstaklega þegar tegund sem beðið
hefur verið eftir skýtur loksins upp
hattinum.
Aflann heim
Þegar heim er komið þarf svo að
gera að aflanum líkt og í veiðinni.
Sveppir eru fljótir að skemmast. Það
þarf að þurrka mold, lyng og mesta
Sveppaveiði
slímið af sveppnum. Ef það er mikið
slím á sveppnum, sem á sérstaklega
við um furusveppi, eru margir sem
taka það alveg af. Það getur nefni-
lega komið beiskt bragð af því.
Geymsla
Þá þarf að athuga hvernig geyma á
aflann. Það er hægt að frysta svepp-
ina ferska en betra er þó að steikja þá
á þurri pönnu til að ná slatta af vatni
úr þeim. Kæla svo niður á grind og
setja í loftþétta poka eða ílát og inn í
kaldasta hluta frystisins.
Ef þurrka á sveppina er best að
skera þá í frekar þunnar sneiðar og
þurrka eins hratt og hægt er. Einfald-
ast að gera það í bakaraofni við 30 -
50 gráðu hita. Ofninn er hafður einn
þriðja opinn svo rakinn komist frá.
Þetta ferli getur tekið marga klukku-
tíma og einfaldast að hafa ofninn í
gangi yfir nótt. Sveppurinn verður að
vera orðinn alveg þurr áður en hægt
er að setja hann í krukkur eða box.
Þá verður hann stökkur og hægt að
brjóta hann auðveldlega í tvennt. Ef
sveppurinn er enn svolítið seigur er
um að gera að þurrka meira.
Matreiðsla
Þurrkaða sveppi er svo hægt að
mylja beint út í sósur og súpur en sé
ætlunin að steikja þá þarf að bleyta
upp í þeim í korter-hálftíma baði í
volgu vatni. Það vatn er svo hægt að
nota sem sveppakraft. Passa bara ef
botnfallið er eitthvað gruggugt að
það sleppi ekki með.
Sveppir hafa þó yfirleitt gott af
smá steikingu upp úr smjöri, olíu
eða blöndu af þessu tvennu. Við það
magnast bragðið.
Það er því ekkert til fyrirstöðu að
prófa, það þarf bara lítinn beittan
hníf og körfu, ekki nota plastílát, sér-
staklega ekki plastpoka nema í neyð
og tína þá bara pínulítið því það þarf
ekki mikið til þess að sveppirnir rotni
ef ekki loftar um þá. Besti tíminn til
að fara er fyrstu tveir þurrkdagarnir
eftir góðan rigningardag. Þá eru nýir
og ferskir sveppir út um allt.
hari@frettatiminn.is
Passa verður upp á hvaða sveppir eru plokkaðir úr fylgsnum sínum og hverjir ekki.
Best að tína bara þá sveppi sem þorandi er að borða og skilja hina eftir. Í þessa
körfu fór nokkuð af fansveppum sem tegundargreina átti heima. Þegar á hólminn
var komið var reynsla plokkarans þó það lítil að ekki var hætt á að borða þá og þeir
enduðu í ruslakörfunni. Það er óþarfa átroðningur á náttúrunni sem passað verður
upp á næst. Mynd Hari