Fréttatíminn - 31.08.2012, Síða 62

50 bílar Helgin 31. ágúst-2. september 2012
 Fornbílar Herskipsgrár eðalvagn  Flutningar Frá bl í sjálFstætt umboð
 kia bílasýning Hjá Öskju á laugardaginn
Bílabúð Benna - Vagnhöfða 23
Sími: 590 2000 - www.benni.is
Nesdekk - Fiskislóð - 561 4110
Nesdekk - Reykjanesbæ - 420 3333Reykjanesbæ
Reykjavík
Jeppa- og fjórhjóladekk
í ár eru liðin 20 ár síðan fyrstu Hyundai bílarnir komu til landsins. Allt frá árinu 1992 hefur Hyundai verið hluti af bifreiðaumboðinu BL ehf., áður B&L
ehf., en eigendur BL ehf. hafa nú ákveðið
að færa starfsemi Hyundai í ný húsakynni
í Kauptúni í Garðabæ, gegnt Ikea, og opna
á morgun, laugardaginn 1. september sjálf-
stætt starfandi Hyundai bifreiðaumboð.
Aðspurður um hvort nú sé rétti tíminn til
að opna nýtt bifreiðaumboð, segir Heiðar
Sveinsson, framkvæmdastjóri Hyundai, svo
vera.
„Hyundai hefur átt mikilli velgengni að
fagna á heimsvísu undanfarin misseri og er
orðinn fjórði stærsti bílaframleiðandi í heimi.
Árangur í eftirliti með gæðum framleiðsl-
unnar er eftirtektarverður og bilanatíðni Hy-
undai bíla með því minnsta sem þekkist hjá
bílaframleiðendum. Eftir mögur ár í bílasölu
undanfarið höfum við skynjað meðbyr með
Hyundai merkinu og trúum því að nú sé rétti
tíminn að byggja upp nýtt bifreiðaumboð
með áherslu á góða og persónulega þjónustu
í nýjum húsakynnum sem gefa vörunni kost
á að njóta sín til fullnustu,“ segir hann.
Á nýjum stað í Kauptúni þurfa viðskipta-
vinir ekki að leita á marga staði eftir þjón-
ustu, því verkstæði og varahlutaverslun
fyrir Hyundai bíla opnar þar á sama tíma,
auk þess sem boðið verður úrval notaðra
Hyundai bíla. „Við munum opna á hverjum
degi klukkan 7.45 og taka á móti viðskipta-
vinum sem eru að koma með bíla í þjónustu
með nýbökuðu bakkelsi og bros á vör og að
sjálfsögðu skutlum við viðskiptavinum sem
koma með bíl bæði til og frá vinnu eða hvert
sem er innan höfuðborgarsvæðisins,“ segir
Heiðar.
Vörulína Hyundai hefur tekið stakkaskipt-
um. Nýr i40 var kynntur í vor og jafnframt
kom nýr i30. Nýr Santa Fe verður kynnur
á næstunni. Nýju gerðirnar af Hyundai eru
allar búnar nýjum og sparneytnum bensín-
og dísilvélum með lágt CO2 gildi og á næstu
vikum verður nýr Hyundai i20 kynntur með
einni sparneytnustu dísilvél sem gerð hefur
verið.
Hin nýja vörulína Hyundai er öll með 5 ára
ábyrgð og ótakmarkaðan akstur auk þess
sem Hyundai viðskiptavinum býðst að koma
með bíla sína í gæðaskoðun án endurgjalds
hvenær sem er. „Til að viðskiptavinir njóti
alls þess besta sem bíleigendur geta hugsað
sér,“ segir í tilkynningu umboðsins, „fylgir
24 tíma vegaaðstoð öllum nýjum Hyundai
bílum ef svo óheppilega vildi til að bíllinn bili
á 5 ára ábyrgðartímanum.“
Einstakur Mercedes-Benz verður boðinn
upp 15. september næstkomandi hjá enska
uppboðsfyrirtækinu Bonhams. Um er að
ræða bíl af S-gerð frá árinu 1928, að því er
fram kemur í Jótlandspóstinum danska.
Bíllinn hefur verið í eigu sömu fjölskyld-
unnar alla tíð og hefur verið geymdur í bíl-
skúr frá því á fjórða áratug síðustu aldar.
Hann er algerlega upprunalegur. Lakkið
á bílnum hefur haldið sér öll þessi ár en
liturinn er herskipsgrár. Hið sama á við um
sætin sem klædd eru dökkbláu leðri.
Bíllinn er opinn, eins og tíðkaðist á
þessum árum. Hann stóð undir þeim
væntingum sem alla tíð hafa verið gerðar
til Mercedes-Benz en bíllinn náði 160
kílómetra hraða þegar hann var reyndur
og setti met á Nürburgring í Þýskalandi
árið 1927. Vél bílsins er engin smásmíði,
6,8 lítra og hönnuð af þeim fræga Ferdin-
ard Porsche.
Bonhams umboðsfyrirtækið býst við því
að hátt verð fáist fyrir bílinn, ekki undir
260 miljónum króna. Metverð fyrir bíl frá
þessu tímabili fékkst fyrir tveggja sæta
Mercedes-Benz 710, árgerð 1928, en hann
seldist hjá Bonhams fyrir um 480 milljónir
króna.
Optima og cee‘d frumsýndir
Bílaumboðið Askja mun frumsýna Kia
Optima og Kia cee‘d á laugardaginn milli
klukkan 12 og 16 að Krókhálsi 11. „Við
höfum skynjað mikla eftirvæntingu og það
hefur verið mikill spenningur að fá þessa
bíla til landsins. Við höfum þegar fengið
fjölda eftirspurna frá viðskiptavinum,“
segir Þorgeir Pálsson, sölustjóri Kia hjá
Öskju.
Optima er nýr bíll í D-flokki, stór fjöl-
skyldubíll með sportlegt útlit og aksturs-
eiginleika. Innanrýmið þykir mjög fallegt
þar sem efnisnotkun er vönduð og tækja-
búnaður ríkulegur.
Optima er í boði í þremur útfærslum sem
eru allar með 1,7 lítra dísilvélum sem skila
136 hestöflum. Hann verður bæði fáanlegur
beinskiptur og sjálfskiptur í EX útfærslu
og þá verður hann einnig í boði í Premium
útgáfu. Sá er með Panorama þaki, bakk-
myndavél, LED ljósum að framan og aftan,
18 tommu álfelgum, LCD mælaborði og
leðursætum svo eitthvað sé nefnt. Optima
eyðir frá 5,1 lítra á hundraðið í blönduðum
akstri, samkvæmt upplýsingum frá Kia.
Optima kostar frá 4.790.777 krónum en
Premium útgáfan kostar 6.090.777 krónur.
Hinn nýi Kia cee‘d verður einnig frum-
sýndur á laugardag. Þetta er önnur kynslóð
þessa vinsæla bíls en Kia cee‘d er mest
seldi bíll Kia frá upphafi. Þrjár útfærslur af
hlaðbaknum verða í boði og allar með dísil-
vélum. Hér er um að ræða 1,4 lítra LX, bein-
skiptan sem skilar 90 hestöflum. Einnig er í
boði 1,6 lítra EX beinskiptur sem skilar 128
hestöflum og loks 1,6 lítra EX með 6 þrepa
sjálfskiptingu sem skilar 128 hestöflum.
Allar vélarnar eru talsvert sparneytnari og
umhverfismildari en í fyrri gerð.
„Nýju Kia cee‘d bílarnir hafa breyst
mikið í útliti og aksturseiginleikum,“ segir
í tilkynningu Öskju, „auk þess sem þeir er
búnir nýjum aflmiklum en um leið eyðslu-
grönnum og umhverfismildum vélum.
Falleg díóðuljós munu nú einkenna cee‘d
að framan auk þess sem bíllinn er lengri og
breiðari en forverarnir og 1 sm. lægri. Nýr
cee‘d kostar frá 3.385.777 kr.“ Kia Optima er stór fjölskyldubíll með sportlegt útlit.
Einstakur Mercedes-Benz á uppboði
Mercedes-Benz S, árgerð 1928, verður boðinn upp í næsta mánuði. Bíllinn er
allur upprunalegur, með herskipsgráu lakki frá verksmiðjunni og dökkbláum
leðursætum. Mynd af síðu Bonhams
Rennilegur nýr
Mecedes Benz A
Minnsti Mercedes-Benzinn er
sá mest spennandi, segir í fyrir-
sögn Jótlandspóstsins en þar er
sagt frá gerbreyttum A-Benz.
Hann er kominn langt frá frum-
gerðinni sem valt í svokölluðu
elgsprófi í Svíþjóð, svo sem
frægt varð. Um er að ræða
sportlegan fimm dyra bíl sem
keppir meðal annars við BMW 1
og Audi A3. Bíllinn er stærri en
hann var, byggður á sömu botn-
plötu og B-gerð Mercedes-Benz.
Bíllinn er eftirsóttur og svo
margar pantanir liggja fyrir
að hert verður á færiböndum
verksmiðjanna en
bíllinn er fram-
leiddur í verksmiðju
Mercedes Benz í
Rastatt í Þýskalandi
og í nýrri verk-
smiðju í Kecskemét
í Ungverjalandi. Enn fremur hefur verið samið við
Valmet í Finnlandi um framleiðslu á rúmlega 100
þúsund A-Benzum á árabilinu 2013-2016.
Álfelgur, loftkæling, hljóðkerfi með 6 hátölurum,
USB-innstunga og Bluetooth eru meðal staðalbúnaðar í
hinum nýja A-Benz. Á öryggissviðinu má meðal annars
nefna þreytu- og árekstrarviðvörunarkerfi og loftpúða
fyrir hné ökumanna, auk ESC-skrikvarnar.
Úrval véla og drifbúnaðar er í boði og mismunandi
innréttingar. Bensínvélarnar eru frá 1,6 lítrum að rúm-
taki og frá 122 hestöflum, upp í 2,0 lítra, 211 hestafla.
Dísilvélarnar eru frá 109 hestöflum til 136 hestafla.
Hyundai flytur í
Kauptún í Garðabæ
Heiðar Sveinsson framkvæmdstjóri og Ragnar Sigþórsson sölustjóri verða komnir með starfsemi Hyundai í nýjar höfuðstöðvar
um helgina.
Þjónustu-
verkstæði,
varahluta-
verslun og
sala not-
aðra bíla á
sama stað.