Læknablaðið - 15.01.1995, Qupperneq 94

Tryggingafrettir
Slysatryggingar á íslandi
— örstutt yflrlit
Upphaf eiginlegra slysatrygg-
inga hér á landi má rekja til árs-
ins 1901 er Sigurður Jensson
flytur þingsályktunartillögu
þess efnis að hið opinbera sjái
farborða ómögum drukknaðra
sjómanna. Árið 1903 voru sett
fyrstu lögin um slysatryggingu
sjómanna en einungis voru þá
greiddar dánarbætur. Árið 1915
voru sett lög um slysatryggingu
ríkisins, sem náði til sjómanna
og verkamanna í landi við flutn-
inga og samgöngur. Þá voru í
fyrsta sinn greiddir slysadag-
peningar. Árið 1917 voru sett
lög um slysatryggingu sjómanna
og voru bætur miðaðar við 20%
örorku að lágmarki. Árið 1918
var hvers konar bifreiðastjórn
gerð tryggingaskyld. Árið 1936
voru sett sérstök lög um alþýðu-
tryggingar og Tryggingastofnun
ríkisins sett á stofn. Slysatrygg-
ingadeild varð sérstök deild inn-
an TR. Árið 1946 voru sett lög
um almannatryggingar og voru
þá allir launþegar tryggðir þar
með taldir landbúnaðarverka-
menn og iðnnemar.
Lyfjaskírteini
Prátt fyrir lægri greiðslur ör-
orkulífeyrisþega vegna lyfja
(örorkuskírteini), möguleika á
uppbót á lífeyri vegna lyfja-
kostnaðar, nýlegar reglur um
endurgreiðslur vegna hás lækn-
is- og lyfjakostnaðar, er talsvert
um að læknar sæki um lyfjaskír-
teini fyrir skjólstæðinga sína.
Ymsir möguleikar eru fyrir
hendi til að lækka lyfjakostnað
með útgáfu lyfjaskírteinis. Færa
má til dæmis lyf á milli greiðslu-
flokka til að lækka kostnaðar-
hlutdeild sjúklings. Mikilvægt
er, að á umsókn læknis komi
fram allar almennar upplýsing-
ar svo og ICD-númer, lyfjaheiti
og ATC númer. Ef þessar upp-
lýsingar vantar veldur það
starfsfólki sjúkratrygginga-
deildar TR talsverðum vand-
kvæðum við skráningu þar sem
tölvuskráningakerfi SKÝRR
fyrir lyfjaskírteini er fremur
ófullkomið og allar breytingar á
því ku vera mjög dýrar. Vin-
samlegast skráið því umbeðnar
upplýsingar á vottorðin!
Starfsfólk TR sendir öllum lœknum bestu
jóla- og nýjárskvedjur og vonast eftir
góðu samstarfi á árinu 1995!
TRYGGINGASTOFNUN
RÍKISINS
Nýtt skipulag
hjá TR
Nýlega var gefin út fyrsta
skipulagshandbók TR. Þar
er gerð grein fyrir stefnu og
markmiðum stofnunarinnar
og deildar hennar. Þar er
einnig tjallað um ýmsa mála-
flokka svo sem starfsmanna-
mál, þjónustu, öryggi,
vinnuumhverfi, vinnureglur
og fleira. Gert hefur verið
nýtt heildarskipurit svo og
skipurit einstakra deilda og
samdar starfslýsingar. Mót-
uð liefur verið ákveðin
stefna í starfsmannamálum.
Vonast er til að þessi vinna
komi viðskiptavinum TR til
góða í framtíðinn. Unnið er
að útgáfu læknahandbókar
varðandi almannatrygging-
ar.