Dagblaðið Vísir - DV - 23.10.2007, Blaðsíða 14

Þriðjudagur 23. október 200714 Alþingishúsið DV
Þingflokksherbergi Samfylkingarinnar
Herbergið er í Skálanum, nýbyggingu
alþingishússins, og er bjart.
Þingflokksherbergi Sjálfstæðisflokksins
Í þingflokksherbergjum ræða flokkarnir sín
innbyrðis mál og komast að sameiginlegri
niðurstöðu áður en í þingsal er haldið.
Sjálfstæðisflokkurinn hefur haft sama
herbergi frá upphafi, líkt og Framsóknarflokk-
urinn.
Þingflokksherbergi vinstri grænna
Vinstrihreyfingin - grænt framboð hefur til
umráða eitt þriggja þingherbergja á fyrstu
hæð alþingishússins.
Kringlan Árið 1908 var kringlan byggð við alþingishúsið.
Hún er á tveimur hæðum og undir þeim kjallari þar sem
komið var fyrir miðstöð fyrir allt húsið. Hún er nokkru
skrautlegri en aðrir hlutar alþingishússins, með gulllagðri
rósettu í lofti og rósasveigum yfir inngangi. Líklegt má teljast
að upphaflegt hlutverk kringlunnar sem risnuherbergis hafi
ráðið þar nokkru. Skreytingarnar í kringlunni voru hreinsaðar
og færðar til upprunalegs horfs sumarið 1994. kringlan var
notuð sem veitingastofa alþingis til 1973 þegar veitingunum
var valinn staður þar sem áður voru skrifstofur forseta Íslands
á fyrstu hæð alþingishússins. Heimild: althingi.is
Á fyrstu hæð hússins gangurinn fyrir utan
þingflokksherbergin á fyrstu hæð er sérlega
glæsilegur. bekkirnir beggja vegna eru í
upprunalegri mynd.
Þingflokksherbergi Framsóknarflokks-
ins græni liturinn á þingflokksherbergi
Framsóknarflokksins hefur verið sá sami frá
byggingu alþingishússins. Sama máli gildir
um litinn á herbergi Sjálfstæðisflokks og
vinstri grænna. aðrir flokkar hafa aðstöðu í
Skálanum, nýbyggingu alþingishússins.
„Menn spyrja mig oft hvers vegna öll þessi
formlegheit séu viðhöfð á Alþingi. Hvers
vegna menn eru háttvirtir eða hæstvirtir og
hvers vegna menn séu ekki ávarpaðir með
nöfnum sínum heldur embættisheitum. Ég
er á þeirri skoðun að þessi formlegheit séu
nauðsynleg til að halda ákveðinni virðingu
og fjarlægð milli persónu og þingmanns.
Sumum finnst þetta óþarfi en ég er algjörlega
ósammála því. Þetta er aðferð til að fram geti
farið málefnalegar og hófsamar umræður án
þess að persónur séu í aðalhlutverki,“ segir
Sturla. „Menn gæta þess að halda deilunum
ekki áfram á göngum eða inni í matsal. Menn
geta rifist bak við luktar dyr, í þingherbergj-
um. En hin þinglega umræða fer fram í þings-
al. Fólk spyr alltaf af hverju við erum alltaf að
rífast. Við erum að tala um löggjöf og tillögur
fyrir opnum tjöldum þar sem almenningur á
þess kost að fylgjast með því sem við erum
að segja. Almenningur á heimtingu á því að
mega fylgjast með því hver röksemdafærslan
er á bakvið skoðanir þingmanna. Það er part-
ur af þingræðinu.“ Þetta segir Sturla Böðvars-
son sem var í haust kosinn forseti Alþingis.
Herra forseti!
Í ræðustóli Alþingis eru þær reglur við-
hafðar að þingmenn skuli ávallt ávarpa for-
seta Alþingis: „Herra forseti“ (eða „frú for-
seti“, eigi það við). Sturla segir þessa reglu
afar mikilvæga. „Umræðurnar í þinginu snúa
að forsetanum. Allt sem þar fer fram er á
ábyrgð forseta því hann stjórnar þingfundi.
Þingmenn beina orðum sínum til forsetans
og greina honum frá ef þeir eru ósáttir við
ákveðna lagasetningu. Þeir eru ekki að segja
fyrsta þingmanni Norðvesturkjördæmis frá
því og alls ekki honum Sturlu. Hvað þá „hon-
um“, „henni“ eða „þeim“. Með þessu fyrir-
komulagi höldum við nauðsynlegu yfirbragði
á rökræðunum. Menn eru að reyna að komast
að hinni einu, sönnu, réttlátu niðurstöðu og
það gera menn ekki með persónulegu rifrildi.
Það er gert með málefnalegum umræðum og
rökræðum. Til þess er þingið,“ segir Sturla.
Mikil reynsla
Sturla er einn reynslumesti núverandi
þingmaður Íslendinga. Hann kom fyrst inn á
þing sem varaþingmaður árið 1984. Þetta er
því fimmta kjörtímabil Sturlu sem segir að-
spurður að reynslan nýtist vel í starfi forseta.
„Ég var varaforseti í átta ár, fyrst hjá Salome
Þorkelsdóttur og síðan hjá Ólafi Geirharðs-
syni, svo ég var ágætlega undir það búinn að
sinna þessu starfi,“ segir Sturla og bætir við:
„Ég ber mikla virðingu fyrir þessu embætti og
kappkosta að vinna það vel, eins önnur störf.
Margir merkir menn hafa sinnt þessari stöðu
og nú á undanförnum árum þrjár merkar
konur; Guðrún Helgadóttir, Salome Þorkels-
dóttir og nú síðast Sólveig Pétursdóttir.“
Undirritaði skjöl í Select
Meginhlutverk forseta Alþingis er að
sjá um að ákvæði stjórnarskrár, sem varða
Alþingi og þingsköp Alþingis, séu haldin.
Forseti Alþingis er einn handhafa forseta-
valds ásamt forsætisráðherra og forseta
Hæstaréttar í fjarveru og forföllum forseta
Íslands. Sturla staðfestir að starfinu fylgi
mikil ábyrgð. „Forseti Alþingis er náttúru-
lega meira og minna á vettvangi allan dag-
inn. Þó ég sitji ekki alltaf í stólnum þá er
ég í húsinu og fylgist með því sem fram fer.
Það þarf að undirbúa þingfundi og sinna
opinberum embættisverkum. Fyrir helg-
ina var ég til dæmis á leið út úr bænum en
þurfti að koma við í Select í Ártúnsbrekk-
unni til að undirrita skjöl sem handhafi
forsetavalds,“ segir Sturla. Þó að þingfor-
seti stjórni fundum Alþingis hefur hann
rétt til að taka þátt í umræðum eins og
aðrir kjörnir þingmenn. Á meðan gegnir
einhver af sex varaforsetum fundarstjórn-
inni en forseti hefur einnig atkvæðisrétt í
þingsalnum.
Mikilvægt að sýna stóíska ró