Fréttablaðið - 07.04.2014, Side 46

7. apríl 2014 MÁNUDAGUR| LÍFIÐ | 26
Eigum til á lager hinar vinsælu Robland sambyggðu
vélar á góðum verðum.
Grunnverð 1.189.834 bjóðum 15% afslátt á vélum
og aukahlutum framm að páskum.
Fullt að flottum vörum á góðu verði fyrir iðnaðinn og handverkið.
Smiðshöfða 12 110 Reykjavík S: 586 8000
ht.is
SELFOSS • REYKJANESBÆR • AKRANES • AKUREYRI • HÚSAVÍK • EGILSSTAÐIR • REYKJAVÍK
Nikon School
námskeið fylgir!
24,2 Megapixla
C-MOS myndflaga
Nikon D3200KIT1855VR
Stafræn SLR myndavél með 24,2 milljón punkta
upplausn, 24,2 mm CMOS flögu á DX-sniði,
EXPEED 3, ISO 100-6400 (fer í 12800), 3” LCD
skjá, Active D-Lighting, D-Movie FHD hreyfimynd,
umhverfis- og brellustillingum, hraðri raðmyndatöku,
tvöföldu rykhreinsikerfi, HDMI C út ofl.
VR LINSA MEÐ HRISTIVÖRN
STAFRÆN SLR MYNDAVÉL
TILBOÐ
FULLT VERÐ 109.995
99.995
NIKON FERMINGARTILBOÐ
Þráðlaust farsímatengi
að verðmæti 11.990 fylgir!
Nú með nýrri
og léttari
linsu!
„Við erum fimm Vestfirðingar
sem ákváðum að setja þetta á fót,“
segir leikstjórinn Baldur Páll
Hólmgeirsson en hann er einn
stofnenda kvikmyndafélagsins
Glámu.
„Við erum alveg héðan og þaðan
af Vestfjörðum, einn frá Þingeyri,
annar frá Tálknafirði og einn frá
Ísafirði,“ segir leikstjórinn. „Þetta
byrjaði allt þegar við ákváðum að
gera stuttmynd á Vestfjörðum,“
segir Baldur Páll en sú mynd bar
nafnið Gláma. „Hún fjallar um
kokk sem er ráðinn á árshátíð á
hóteli en þegar hann mætir á stað-
inn er ekki allt með felldu.“
Kvikmyndafélagið ákvað síðan
að gera þríleik sjálfstæðra mynda
sem áttu allar að gerast á gömlum
hótelum á Vestfjörðum.
„Seinni myndin gerist á Hótel
Breiðavík og sú þriðja á Reykja-
nesi,“ segir Baldur Páll en mynd-
irnar hafa fengið góðar viðtökur.
Nýjasta mynd félagsins er
stuttmyndin Sker en hún segir
frá sannri sögu kajakræðara
sem ferðast um Vestfirði á kajak.
Myndin hefur vægast sagt fengið
góðar viðtökur en hún er bókuð á
stórar kvikmyndahátíðir á borð
við Aspen Shortsfest, Tribeca
Film Festival og stuttmyndahorn
Cannes-hátíðarinnar.
„Við erum búin að senda mynd-
ina um allan heim, þetta eru svona
fyrstu svörin sem hafa dottið inn,“
segir Baldur Páll sem bætir því við
að kvikmyndafélagið sé að leggja
lokahönd á tvær heimildarmynd-
ir sem verða tilbúnar í sumar.
„Önnur fjallar um Fjallabræður og
ferð þeirra til Ísafjarðar í fyrra,“
segir leikstjórinn. „Hin myndin
fjallar um einleikjahátíðina Act
Alone á Ísafirði,“ segir Baldur Páll
en það virðist vera nóg um að vera
hjá kvikmyndafélaginu Glámu.
baldvin@frettabladid.is
Vestfi rðingar verðlaunaðir
Kvikmyndafélagið Gláma samanstendur af fi mm Vestfi rðingum en stuttmynd
félagsins Sker verður sýnd á kvikmyndahátíðum á borð við Tribeca og Cannes.
HÆFILEIKARÍKUR Baldur Páll Hólmgeirsson er hæfileikaríkur leikstjóri.
GLÁMA Stuttmyndin var
sú fyrsta af þremur í þríleik
kvikmyndafélagsins.
Við erum alveg
héðan og þaðan af
Vestfjörðum.
„Okkur finnst þetta bara fallegt málefni,“ segir
Tómas Helgi, einn nemenda í Valhúsaskóla, en
nemendur í 8.–10. bekk skólans standa fyrir sýn-
ingu á leikritinu Bugsy Malone í kvöld til styrkt-
ar Leiðarljósi, stuðningsmiðstöð fyrir fjölskyld-
ur barna með sjaldgæfa og alvarlega langvinna
sjúkdóma.
Nemendurnir í Valhúsaskóla hafa undanfarna
tvo mánuði unnið hörðum höndum við upp-
setningu leikritsins undir leikstjórn Ragnheiðar
Maísólar Sturludóttur, en verkið var frumsýnt á
árshátíð Valhúsaskóla á fimmtudaginn.
„Frumsýningin gekk rosalega vel,“ segir
Tómas jafnframt, en hann fer með hlutverk
Samma feita í verkinu. Aðspurður segir Tómas
þá Samma ekki vera líka.
„Nei. Sammi er mjög geðstirð persóna, en ég er
rólyndismaður,“ segir Tómas, sem finnst rosalega
gaman að leika. „Ég fór að leika því mér fannst
svo gaman að syngja, en svo fann ég bara að ég
hafði áhuga á þessu öllu. Það sem gerir þetta svo
skemmtilegt er hvað þetta er fjölbreytt og maður
getur farið út fyrir þægindaramm ann sinn.“
Sýningin verður kl. 19.00 í kvöld í Félagsheim-
ili Seltjarnarness við Suðurströnd. Það kostar 500
krónur inn fyrir þá sem eru á grunnskólaaldri en
1.000 kr. fyrir aðra. Allur ágóði rennur óskiptur
til Leiðarljóss. - ósk
Leika til styrktar fallegu málefni
Nemendur í Valhúsaskóla halda sýningu á Bugsy Malone til styrktar Leiðarljóss.
LEIKARARNIR Verkið hefur vakið mikla lukku.
FRÉTTABLAÐIÐ/VALLI
„Ég held rosalega mikið upp á lag
þessa dagana með Kelly Joe Phelps
sem heitir Down To The Praying
Ground sem kemur mér í góðan gír.
Hlakka mikið til að upplifa það á
tónleikum um næstu helgi.“
Smári Tarfur Jósepsson tónlistarmaður
MÁNUDAGSLAGIÐ
Íslensku hljómsveitirnar Hjálmar,
Prins Póló og Gluteus Maximus
og plötusnúðarnir Sexy Lazer,
Jón Atli Helgason, DJ Margeir,
Oculus og Friðfinnur Sigurðsson
taka þátt í evrópska samstarfs-
verkefninu Art!faKt! sem bland-
ar saman tónlist og grafík.
„Verkefnið er upprunnið í Aust-
urríki en einnig kemur að þessu
fólk annars staðar frá, frá Íslandi
og Þýskalandi,“ segir DJ Margeir
um verkefnið, sem snýr að því að
sameina grafíklist og tónlist í eitt
verk. Þannig er þetta myndlistar-
verk sem er einnig vínylplata og
hægt að spila sem slíka.
„Þetta er stórskemmtilegt
verkefni og afraksturinn er
virkilega vandaður pakki, 15
verk í heildina pakkað saman í
nokkurs konar bók sem minnir
á harmonikku. Það er óhætt að
fullyrða að þetta eru fallegustu
vínylplötur sem ég á, og á ég
þónokkrar fyrir!“ segir Margeir,
og hlær.
Aðspurður hvernig verkefnið
kom til segir Margeir. „Við félag-
arnir, Jón Atli og Stephan Steph-
ansson, vorum á tónleikaferða-
lagi í Innsbruck í Austurríki og
gistum á eins konar vinnustofu
listamanna, eiginlega Klink og
Bank Austurríkisbúa, og það var
rosalega mikið líf listamanna
þarna inni. Svo vildi þannig til að
það var vínylplötuframleiðandi á
vinnustofunni, auk fleiri tónlist-
armanna og myndlistamanna,
og í gegnum samræður við þetta
fólk kviknaði þessi hugmynd.”
Fallegustu vínylplötur í heimi
Art!faKt! er myndlistarverk sem sameinar grafík og tónlist.
VÍNYLPLATA OG LISTAVERK DJ
Margeir tekur þátt í samstarfs-
verkefninu Art!faKt!. FRÉTTABLAÐIÐ/STEFÁN