Vesturbæjarblaðið - 01.09.2008, Blaðsíða 4

Ómar Örn Magnússon tók við
starfi aðstoðarskólastjóra Haga-
skóla nú í haust. Hann hefur
kennt til Hagaskóla síðan haust-
ið 1998, aðallega samfélagsgrein-
ar. Ómar var í leyfi frá skólan-
um á síðasta ári. Ómar segir að
hann hafi haft vissan áhuga á
starfinu þegar honum var ljóst að
það yrði laust, en geti ekki sagt
að hann hafi fengið fjölda áskor-
ana um að sækja um starfið, en
vissulega nokkrar. Forveri hans
í starfi aðstoðarskólastjóra hvarf
til kennarastarfa við Laugalækj-
arskóla.
,,Þetta er búið að vera mjög
skemmtilegt þennan stutta tíma
sem ég hef verið aðstoðarskóla-
stjóri hér, og mörg verkefni
framundan sem verður gaman
að takast á við. Þetta er það stór
skóli að ég er ekki að kenna jafn-
hliða þessu starfi, en jafnframt get
ég sagt að ég er að sinna fjölskyld-
unni minni fremur illa, þetta hefur
verið það tímafrekt þessar fyrstu
vikur,” segir Ómar Örn.
Ómar segir að það hafi eiginlega
verið alveg óvart að hann byjaði
að kenna meðan hann var enn
að nema sagnfræði við Háskóla
Íslands. Hagaskóli var í göngufæri
frá skólanum og heimili hans og
honum baust stundakennsla með
náminu sem hann þáði, og síð-
an hafi hann verið innan veggja
Hagaskóla. Hann segir að þegar
hann var yngri hafi honum jafn-
vel dottið í hug að verða kennari
enda hafi hann haft mjög góða
og skemmtilega kennara meðan
hann var í grunnskóla, og reyndar
einnig í menntaskóla, og þar hafi
hann kannski séð ákveðnar fyrir-
myndir í kennslunni. Ómar segir
það einnig mjög skemmtilegt og
áhugavert að margir af kennurum
Hagaskóla séu fyrirverandi nem-
endur skólans.
- Ertu uppalinn hér í Vesturbæn-
um?
,,Það er ég ekki, ég er uppalinn
fyrst á Vestfjörðum, nánar tiltek-
ið á Flateyri en síðan flytur fjöl-
skyldan til Akureyrar, en þar búa
foreldrar mínir í dag, Kristbjörg
Magnadóttir en faðir minn heitir
Magnús Benediktsson. Þar gekk
ég í Menntaskólann á Akureyri en
kom svo hingað til náms í sagn-
fræði við Háskóla Íslands, og síðan
hef ég búið hér í Vesturbænum og
kann alveg prýðilega vel við mig,
en ég býr hérna rétt hjá skólanum
svo það er ekki langt að rölta í
vinnuna, sem er mjög þægilegt.”
Spilar á hljóðfæri og hef-
ur gaman af íþróttum
- Þegar þú ert ekki hér í skólan-
um, áttu þér einhver önnur áhuga-
mál sem þú sinnir?
,,Ég hef nú gert mjög fátt annað
síðustu vikurnar en að starfa hér í
skólanum til undirbúnings starfinu
í vetur, og það er í besta lagi, enda
hef ég mikinn áhuga á skóla- og
menntamálum og samskiptum við
unglinga.
Ég spila á hljóðfæri, bæði píanó
og harmonikku, þegar til þess
gefst tími og hlusta mikið á tónlist
en sem barn fór ég í tónlistaskóla.
Ég hef einnig gaman af íþróttum og
útivist, t.d. hjólreiðum. Við kennar-
arnir hér við Hagaskóla stundum
saman badminton tvisvar í viku og
við munum halda því til streitu í
vetur. Ég hef einnig mjög gaman af
því að spila fótbolta sem ég stund-
aði á unglingsárunum og allt fram
yfir menntaskóla, og geri raunar
enn þó ekki sé það í neinni alvöru
keppni lengur. Síðast keppti ég
með Þór á Akureyri þó ég sé KA-
maður frá því ég átti heima á Akur-
eyri, ég komst bara ekki í KA-liðið!
Þar áður var ég að spila með æsku-
félögum mínum á Flateyri.”
Flestir en ekki allir
KR-ingar
Ómar segist stundum leyfa sér
að setjast niður og horfa á fótbolta
í sjónvarpinu en segir afar ódug-
legur að fara á völlinn og horfa á
íslensku deildarleikina, en fer þó
stundum með börnin sín þangað,
enda finnist honum það skylda
sín að ala þau upp sem KR-inga
ætli þau sér að verða alvöru vest-
urbæingar. Ómar segir að þar sem
hann sé uppalinn úti á landi og
hafi aðeins búið í vesturbæ Reykja-
víkur sl. 10 ár hafi hann sjálfur
ekki nógu sterkar taugar til KR, en
vissulega sé KR mjög stór þáttur
í öllu félagslífi í vesturbænum, og
mjög mikilvægur þáttur.
Í Hagaskóla má eðlilega sjá
marga krakka á göngum skólans
með KR-trefla og húfur en meðan
þar var dvalist einn morgun fyrir
skömmu og m.a. rætt við Ómar
sáust engin merki annara íþrótta-
félaga í Reykjavík. Ómar segir að
þar hafi verið krakkar sem hafi
fylgst t.d. Val að málum og jafnvel
æft með því félagi, t.d. krakkar úr
Skerjafirðinum, en vissulega hafi
þau ekki verið mörg. Þessir krakk-
ar hafi verið mjög stoltir af því og
oft hafi myndast mjög skemmti-
legt andrúmsloft á göngum skól-
ans. Svo eru einnig í skólanum
krakkar sem stunda íþróttir með
Gróttu, s.s. handbolta og fimleika
og einnig í frjálsum íþróttum með
ÍR inni í Laugardal. Það sé eðlilegt
þar sem KR bjóði ekki upp á sum-
ar þessar íþróttagreinar.
Ný grunnskólalög og
ný aðalnámskrá
- Þú ert alinn upp vestur á fjörð-
um og norður í landi og gekkst þar
í skóla og hefur því góðan saman-
burð. Er Hagaskóli mjög frábrugðin
þeim skólum sem þú gekkst í þar?
,,Það er ekki víst, en Hagaskóli
er að breytast mjög mikið eins og
aðrir skólar í landinu og hefur ver-
ið að breytast mjög mikið þessi 10
ár sem ég hef verið hér. Það ferli
mun halda áfram enn um sinn.
Nú erum við að vinna í breyttu
umhverfi með ný grunnskólalög
og nýja aðalnámskrá sem verið
er að endurskoða. Þessu breytta
umhverfi fylgja töluverðar breyt-
ingar. Við erum að stíga að ég held
farsæl skref að auknu foreldrasam-
starfi, m.a. gegnum foreldraráð,
sem leggur þeim auknar skyldur
á herðar en segja má að helsta
áhersla okkar í vetur sé samvinna.
Það er verið að auka val nemenda
mjög mikið og eitt af stóru mark-
miðunum hér í Hagaskóla í vetur
er að opna skólann, vinna meira
út fyrir skólann og með þeim sem
eru hérna í kringum okkur, bæði
foreldrum og félagasamtökum, og
því er lykilatriðið nú í þessu starfi
okkar samvinna við þessa aðila,
sem og stjórnmálamenn.
Við þurfum að beita stjórnmála-
menn ákveðnum þrýstingi því
Hagaskóli þarf á auknu húsnæði
að halda, ekki bara vegna þess að
hann er orðinn hálfrar aldar gam-
all heldur ekki síður vegna þess
að starfsemin hér er orðinn mjög
frábrugðin því sem hún var þegar
skólinn var byggður, nýir tímar og
nýjar kröfur krefjast meira húsrým-
is, eða öðru vísi skipulags á því.
Við vildum gjarnan sjá meiri
starfsemi hér inni eins og félags-
miðstöð, skátastarfsemi og tónlist-
arskóla en ég tel að þessi starfsemi
falli mjög vel að skólastarfinu.”
- Gengur samstarfið við félagsmið-
stöðina í Frostaskjóli, skátana og
kirkjuna vel?
,,Samstarfið við félagsmið-
stöðina og skátana gengur vel
en þróunin er sú að kirkjan er
minna sýnileg í öllu skólastarfi en
hún var áður, og ég ætla ekki að
leggja mat á hvort það sé heppi-
legt, eða gott eða slæmt. Það hafa
verið ábendingar um að skera á
ákveðin tengsl við kirkjuna, enda
eru ekki allir foreldrar hér kristn-
ir. En ég tel að það sé sjálfsagt að
benda á það góða starf sem er í
kirkjunni enda hentar það mörg-
um börnum örugglega afar vel.
En kirkjan er ekki þáttur eða hluti
af skólastarfinu hér, en auðvitað
kynnir hún sína starfsemi hér
rétt eins og t.d. skátarnir. Flestir
krakkarnir í 8. bekk eru í ferming-
arfræðslu, en það er alveg ótengt
starfinu hér í Hagaskóla.”
Nálgast nemendur sem
jafningja
Talið berst að aga í grunnskólum
landsins í dag en allmargir, sérstak-
leg utan skólanna, telja að hegðun
og agi nemenda hafi breytst, jafn-
vel að agi í skólum hafi versnað.
,,Ég er ungur maður og hef því
ekki langt tímabil til þess að horfa
til baka. Mín tilfinning er sú að aga-
vandamál séu ekki meiri en þau
voru hér áður fyrr, en þau eru
klárlega öðru vísi enda samskipti
barna og fullorðinna öðru vísi en
þau voru áður og yfirborðsagi
þekkist varla í dag, börn bera ekki
lengur óttablandna virðingu fyrir
fullorðnum, og þar með kennur-
um. Í dag er virðing barna fyrir
fullorðnum nokkur og eins virðing
fullorðinna gagnvart börnum. Þan-
nig verða samskipti þessara hópa
almennt góð, og hér ganga sam-
skipti skólastjórnenda, kennara og
nemenda almennt vel og sem bet-
ur fer er agavandamál í Hagaskóla
ekkert sem við þurfum að eyða
miklum tíma í. En auðvitað koma
upp einhver atvik og auðvitað eru
alltaf nokkrir nemendur, kannski 3
til 4, sem rekast illa í þessum stóra
skóla sem telur um 530 nemend-
ur. Á 530 manna vinnustað fullorð-
inna koma örugglega upp áþekk
samskiptavandamál öðru hverju.
Við erum hér að ala upp og
þroska börn og í dag nálgast
kennarar nemendur mikla meira
sem jafningja en áður var, og það
getur verið vandasamt að finna
þar ákveðið jafnvægi því það eru
vissulega fullorðnir sem stjórna
þessum skóla svo samskiptin geta
stundum orðið vandasöm.
Ég tek stundum starfið með mér
heim, það er kannski óhjákvæmi-
legt því við erum að vinna með
lifandi fólk og með lifandi fólki og
það getur stundum verið æði flók-
ið og krefst mikillar hugsunar,” seg-
ir Ómar Örn Magnússon, aðstoðar-
skólastjóri Hagaskóla.
4 Vesturbæjarblaðið SEPTEMBER 2008
Ómar Örn Magnússon, aðstoðarskólastjóri Hagaskóla.
Hagaskóli þarf aukið rými
vegna breyttrar starfsemi
Mín tilfinnging er sú að agavandamál séu
ekki meiri en þau voru hér áður fyrr, en þau
eru klárlega öðru vísi enda samskipti barna
og fullorðinna öðru vísi en þau voru áður og
yfirborðsagi þekkist varla í dag, börn bera
ekki lengur óttablandna virðingu fyrir full-
orðnum, og þar með kennurum.
Morgunmatur. Einn nemenda mataður af hafragraut af öðrum. Mjög
margir nemendu borða hafragraut alla morgna og segja það góðan mat.
Viltu vinna í þínu hverfi?
Leikskólinn Sæborg, Starhaga 11, auglýsir eftir leikskólakennurum
og/eða starfsfólki með aðra uppeldismenntun. Einnig er óskað eftir
starfsfólki með menntun í listgreinum, s.s myndlist eða tónlist.
Í Sæborg starfar samhent og metnaðarfullt starfsfólk með glöðum
hópi barna. Þar er unnið metnaðarfullt þróunarstarf í anda hugmynda-
fræði Reggio Emilia og hlaut leikskólinn nýlega styrk til að þróa
ferilmöppur barna. Sjá nánar á heimasíðu skólans www.saeborg.is
Allar nánari upplýsingar veitir Soffía Þorsteinsdóttir leikskólastjóri í
símum 562-3664 og 693-9851, einnig á netfanginu
saeborg@leikskolar.is. Umsækjendur eru beðnir um að sækja um
störfin á heimasíðu Reykjavíkurborgar: www.reykjavik.is/storf
Vakin er athygli á stefnu Reykjavíkurborgar um jafnan hlut kynja í störfum og að
vinnustaðir borgarinnar endurspegli það margbreytilega samfélag sem borgin er.
Leikskólasvið