Vesturbæjarblaðið - 01.09.2008, Blaðsíða 7

Ný grunnskólalög hafa gilt
frá því í frá júlí 2008 og fyrir
skömmu var haldinn kynning-
ar - og umræðufundur í Haga-
skóla þar sem rædd var stefna
Reykjavíkur í skólamálum og
hafði Kjartan Magnússon for -
maður menntaráðs Reykjavík-
ur framsögu um málið. Kynnt
var niðurstaða könnunar meðal
foreldra um skólastarf í Vestur-
bæ, áherslur í skólastarfi í Vest-
urbæ 2008 – 2009 og starfsemi
Þjónustumiðstöðvar Vesturbæj-
ar rædd. Ragnar Þorsteinsson
fræðslustjóri Reykjavíkur sagði
tilgang fundanna vera að kynna
stefnu og útfærslu í skólamálum
en ekki síst að eiga rökræður við
foreldra grunnskólabarna.
Fræðslustjóri kynnti meginat-
riði nýrra grunnskólalaga. Í máli
hans kom fram að nokkuð þyrfti
að bæta í í skólamálum til að ná
sambærilegum árangri og þær
þjóðir sem við helst berum okkur
saman við. Meðal nýmæla er að
gerður er greinarmunur á skóla-
námskrá, sem er nánari útfærsla á
aðalnámskrá og starfsáætlun sem
er praktísk útfærsla og tilhögun
skólastarfs frá ári til árs.Varðandi
mat og eftirlit með gæðum skóla-
starfs er nú annars vegar um að
ræða sjálfsmat skóla og ytra mat
ríkis og sveitarfélaga.
Áhersla er á sveigjanlegt náms-
fyrirkomulag í grunnskóla og
samfellu innan skólans sem og
milli skólastiga með möguleika
á að hefja nám fyrir 6 ára aldur
og ljúka því á skemmri tíma en
10 árum að uppfylltum skilyrð-
um um námskröfur. Ekki er gert
ráð fyrir lengri tíma en 10 árum í
grunnskóla.
Horfið frá samræmdum
prófum
Samkvæmt nýjum lögum verð-
ur horfið frá samræmdum prófum
í núverandi mynd við lok grunn-
skóla. Í stað þeirra verða lögð
fyrir rafræn könnunarpróf í fyrri
hluta 10. bekkjar í íslensku, stærð-
fræði og ensku. Sýnt þykir að
kennsla fyrir próf skilar sér ekki.
Skýrari ákvæði eru en áður um
réttindi og skyldur foreldra grunn-
skólabarna og hárfín lína milli vel-
ferðar- og skólaþjónustu hvetur
foreldra til að kynna sér málin.
Sérfræðiþjónustu skóla ber enn
frekar að aðlaga þörfum barna og
aukin áhersla er á að þjónustan
fari fram á vinnustað barnanna.
Stjórnunarhlutverk skólastjóra
er mun skýrara en áður og ekki
lengur ákvæði í lögum um ráðn-
ingu aðstoðarskólastjóra. Skóla-
ráð er nýbreytni og kemur í stað
foreldraráðs og kennararáðs sem
samráðsvettvangur skólastjóra
og skólasamfélags um skólahald.
Kjartan Magnússon sagði að
framundan væri stórátak í Vest-
urbæ. Þar er m.a. um að ræða
viðbyggingu við Vesturbæjarskóla
sem á að vera lokið 2010 og mun
rúma húsnæði fyrir frístunda-
heimili auk kennslustofa fyrir
tónlist og náttúrufæði. Frágangur
lóðar mun m.a. rúma sparkvöll
með gervigrasi og körfuboltavöll.
Áætlanir eru um fleiri útivistar-
svæði s.s. gervigrasvöll við gamla
stýrimannaskólann, sparkvöll í
Skerjafirði og körfuboltavöll með
tartanundirlagi hugsanlega við
Hagaskóla. Í Grandaskóla eru í
athugun breytingar á mötuneyti.
Í Melaskóla er verið að ljúka breyt-
ingum á mötuneyti og kennslueld-
húsi. Í Vesturbæjarlaug eru áform
um innilaug til sundkennslu auk
líkamsræktarstöðvar. Á skíða-
svæðinu í Skálafelli eru áform um
vélar til snjógerðar, sem myndi
lengja skíðatímabil.
Formaður menntaráðs nefndi
umferðaröryggi í Vesturbæ, eink-
um hraða umferð m.a. um Nes-
veg. Þar væri þörf aðgerða. Einnig
yrðu að öllum líkindum sett upp
gangbrautarljós við Hofsvalla-
götu.
Áherslur í skólastarfi í
Vesturbæ
Fræðslustjóri fór yfir helstu
áherslur grunnskóla í Vesturbæ
næsta skólaár. Í Grandaskóla er
áhersla á líðan og jákvæð viðhorf
ásamt markvissu starfi gegn ein-
elti. Í Hagaskóla er m.a. áhersla á
aukin foreldrasamskipti og breytt
námsmat. Í Melaskóla eru hollusta
og hreyfing í fyrirrúmi ásamt stór-
átaki í upplýsinga og tæknimennt.
Í Vesturbæjarskóla er aukin áher-
sla á tónmenntakennslu, nýja
kennsluhætti í ritun og kennslu og
móttöku nýbúa. Foreldri spurði á
fundinum hvort hugmyndir séu
um að borgin greiði strætókort
fyrir grunnskólanemendur. Í svari
Kjartans Magnússonar kom fram
að engar samþykktir liggi fyrir um
slíkt en ýmsar hugmyndir á lofti.
7VesturbæjarblaðiðSEPTEMBER 2008
Ný grunnskólalög rædd í Hagaskóla
Kjartan Magnússon ræðir um framtíðarsýn í skólamálum.
Skrúður / Radisson SAS Hótel Saga / Sími: 525 9900 / www.skrudur.is
Fjölbreyttur og girnilegur Skrúður
Nýr matseðill
Fjölbreyttir og spennandi réttir. Komdu og njóttu góðrar stundar yfir góðum mat.
Brunch í hádeginu á sunnudögum
Frábært fyrir alla fjölskylduna. Frítt fyrir börn yngri en 6 ára, 50 % afsláttur fyrir börn 6 -12 ára.
P
IP
A
R
• S
ÍA
• 70765
AUGL†SINGASÍMI
511 1188
895 8298