Dagblaðið Vísir - DV - 13.10.2009, Page 2

2 þriðjudagur 13. október 2009 fréttir
Hættan á málssókn Breta og Hol-
lendinga vegna grófrar mismununar
á íslenskum sparifjáreigendum ann-
ars vegar og hollenskum og breskum
hins vegar er mikil að mati efnahags-
og viðskiptaráðuneytisins hafi ekki
samist um Icesave-skuldirnar áður
en lokafrestur til útgreiðslu rennur út
23. október næstkomandi.
Lilja Mósesdóttir, þingkona VG,
segir að íslensk stjórnvöld hafi geng-
ið of langt í að tryggja hag íslenskra
innstæðueigenda; aðgerðir ríkisins
hafi verið of víðtækar og skattgreið-
endur í raun látnir ábyrgjast háar og
lágar innistæður og þar með allan
skaðann af hruni einkabankanna.
Lilja berst gegn breytingum á
Icesave-fyrirvörum Alþingis, sem
snerta hag breskra og hollenskra
sparifjáreigenda. Hún sagði í þing-
ræðu í síðustu viku að því hefði ver-
ið fleygt að 10 prósent íslenskra
fjármagnseigenda hefðu átt um 70
prósent af innstæðuupphæðinni
sem skattgreiðendur tryggðu.
„Með öðrum orðum, sú aðgerð
að tryggja innstæður að fullu fól í
sér mikla eignatilfærslu frá skatt-
greiðendum til fjármagnseigenda
sem birtist meðal annars í því að nú
þarf ríkið að leggja ríkisbönkunum
til um 200 milljarða í eigið fé. Auk
þess var tekin sú ákvörðun að bæta
fjármagnseigendum tap vegna pen-
ingamarkaðssjóða bankanna og er
talið að þessi ákvörðun hafi kostað
skattgreiðendur að minnsta kosti um
200 milljarða. Sú staðreynd, að ekki
var sett þak á upphæðina sem ríkið
ábyrgðist varðandi bankainnstæð-
ur, hefur leitt til þess að í dag er lít-
ið svigrúm til þess að draga úr eigna-
tilfærslunni sem átt hefur sér stað
frá hruninu varðandi skuldara eða
eignatilfærslu frá skuldurum til fjár-
magnseigenda.“
Líklegt er að fjáraustur stórnvalda
til að tryggja hag íslenskra innistæðu-
og fjármagnseigenda líti illa út komi
til málssóknar Breta og Hollendinga
gegn Tryggingarsjóði innstæðueig-
enda vegna vangoldinna Icesave-
skulda. „Sjóðurinn getur því átt von á
málssókn á hendur sér og sömuleið-
is ríkið fyrir að mismuna innistæðu-
eigendum eftir staðsetningu,“ segir í
áliti efnahags- og viðskiptaráðuneyt-
isins fyrir helgi.
Ögurstund eftir 10 daga
Oddvitar ríkisstjórnarinnar og emb-
ættismenn reyna nú að semja við
bresk og hollensk stjórnvöld um frest
til þess að leysa Icesave-deiluna á Al-
þingi á næstunni.
Þann 23. október rennur út frestur
til að greiða alla Icesave-skuldina og
frekari fresti er ekki til að dreifa nema
um það verði samið á pólitískum
grundvelli. Í raun yrði um greiðslu-
fall þjóðarinnar að ræða hafi ekki
samist um hana eftir tíu daga.
Íslensk, hollensk og bresk stjórn-
völd hafa að undanförnu rætt breyt-
ingar á fyrirvörum Alþingis við
ríkisábyrgðinni á Icesave-skuldbind-
ingunum. Samkvæmt heimildum
DV er aðeins um orðalagsbreytingar
að ræða varðandi efnahagsfyrirvar-
ana. Fyrst og síðast eru Hollendingar
og Bretar fastir fyrir varðandi trygg-
ingar á endurgreiðslu lánanna sem
þjóðirnar veita Tryggingarsjóði inn-
stæðueigenda til að greiða upp Ice-
save-skuldirnar.
Vonlaust að standa við
23. október
Engar líkur eru á því að frumvarp
um breytingar á fyrirvörum Alþing-
is verði lagt fram á þingi fyrr en und-
ir næstu helgi og vonlaust er talið að
málið verði afgreitt fyrir 23. október.
Því leggja stjórnvöld ríka áherslu
á að semja við hollensk og bresk
stjórnvöld um pólitískt svigrúm til
að ljúka málinu. Til þess að svo megi
verða þarf Icesave-málið að vera í til-
teknum farvegi sem miðar að lausn
þess á þingi.
Helstu forystumenn stjórnar-
flokkanna telja vaxandi líkur á að
breytingar á Icesave-fyrirvörunum
renni í gegnum þingið. Hafni þingið
breytingum, málið fari aftur í hnút,
endurskoðun efnahagsáætlunar-
innar í samstarfi við AGS tefjist að
sama skapi, er ljóst að efnahagsskil-
yrði þjóðarinnar versna til muna.
Önnur og breytt ríkisstjórn þyrfti þá
að glíma við enn meiri vanda hvort
heldur það yrði með eða án sam-
starfs við AGS. Þá blasir við að 700
milljarða Icesave-skuldin hverfur
ekki við það að þingið og þjóðin neiti
að greiða hana.
Af samtölum DV við forystumenn
ríkisstjórnarinnar má álykta að vax-
andi líkur séu til þess að nýtt frum-
varp verði afgreitt af þinginu von
bráðar. Ekki sé ástæða til að ætla að
Alþingi vilji axla þá ábyrgð að enda
Icesave-deiluna í bullandi milliríkja-
deilu við bresk en ekki síður hollensk
stjórnvöld sem eru undir miklum
þrýstingi heima fyrir. Seðlabankinn
og viðskiptaráðuneytið spáðu einnig
afar dökkum horfum ef ekki semdist.
Óvissa er þó enn um stuðning
Ögmundar Jónassonar og nokkurra
annarra þingmanna VG. Litlar líkur
eru þó til þess að Steingrímur J. Sig-
fússon reyni aftur að tryggja stuðn-
ing við breytingarnar fyrir fram.
Málið er því í höndum þingsins.
Á fyrir 2 prósentum
af skuldinni
Eins og áður segir eru engin tök leng-
ur á því að framlengja frest þann sem
Tryggingarsjóður innstæðueigenda
og fjárfesta hefur fengið í liðlega heilt
ár til þess að greiða út 700 milljarða
Icesave-skuld við Breta og Hollend-
inga, eða frá því bankakerfið hrundi.
Eignir sjóðsins eru um 16,5
milljarðar króna. Hann hef-
ur aðeins heimild til þess að
greiða út þá upphæð og taka
lán samkvæmt nánari fyrir-
mælum svo sem gert er með
lögunum um ríkisábyrgð á
lánum til sjóðsins vegna
Icesave-skuldanna.
Eftir að Fjármála-
eftirlitið viðurkenndi
greiðsluskyldu
Tryggingarsjóðs
innstæðueigenda
gagnvart Lands-
bankanum í byrj-
un október í fyrra
fékk sjóðurinn
tveggja mánaða
frest til þess að greiða út innstæðu-
tryggingarnar. Þennan frest var unnt
að framlengja, þó ekki lengur en til 23.
október næstkomandi.
Hafi ekki samist um annað
Dekruðu við íslenska
fjármagnseigenDur
Frestur til að greiða 700 milljarða króna Icesave-skuld rennur út
eftir 10 daga. Tryggingarsjóður innstæðueigenda á tæpa 17 millj-
arða upp í skuldina. Þingmaður VG lítur svo á að íslensk stjórn-
völd hafi gengið allt of langt í að tryggja sparifé innanlands á
kostnað skattgreiðenda og skuldara á sama tíma og styr stendur
um innistæður útlendinga. Líkur aukast á að ríkisstjórnin haldi
velli og að Alþingi ljúki Icesave með viðbótarfresti.
Jóhann hauksson
blaðamaður skrifar: johannh@dv.is
Engin ríkisábyrgð Sigurjón Þ. Árnason, fyrrverandi
bankastjóri Landsbankans, segir enga ríkisábyrgð á Icesave
en svarar ekki hvernig tryggja eigi sparifjárinneignir.
Lilja Mósesdóttir, VG „Sú aðgerð að tryggja
innstæður að fullu fól í sér mikla eignatilfærslu
frá skattgreiðendum til fjármagnseigenda sem
birtist meðal annars í því að nú þarf ríkið að leggja
ríkisbönkunum til um 200 milljarða í eigið fé.“