Dagblaðið Vísir - DV - 13.10.2009, Blaðsíða 5

fréttir 13. október 2009 Þriðjudagur 5
Þrotabú Samsonar vinnur að því að rekja viðskipti Björgólfsfeðga í Pétursborg, meðal annars í hafnar-
verkefni. Skiptastjóri segir erfitt að átta sig á umfangi verkefnisins sem Samson lagði 800 milljónir króna í.
Eignarhald Björgólfs Guðmundssonar og Magnúsar Þorsteinssonar á prentsmiðju í Pétursborg er einnig
til skoðunar.
Þrotabú Samsonar vinnur að því að rekja viðskipti Björgólfsfeðga í Pétursborg, meðal annars í hafnar-
verkefni. Skiptastjóri segir erfitt að átta sig á umfangi verkefnisins sem Samson lagði 800 milljónir króna
í. Eignarhald Björgólfs Guðmundssonar og Magnúsar Þorsteinssonar á prentsmiðju í Pétursborg er
einnig til skoðunar.
VIÐSKIPTI BJÖRGÓLFA Í
PÉTURSBORG RANNSÖKUÐ
Skiptastjóri þrotabús Samsonar,
Helgi Birgisson, lætur nú rann-
saka viðskipti eignarhaldsfélags-
ins í hafnarverkefni í Sankti Péturs-
borg í Rússlandi. Sem kunnugt er
varð eignarhaldsfélagið Samson til
í kjölfar sölu Björgólfs Guðmunds-
sonar, Björgólfs Thors Björgólfs-
sonar og Magnúsar Þorsteinssonar
á bjórverksmiðju í Pétursborg árið
2002.
Félagið sem á hafnarverkefn-
ið heitir Melview Maritime og á
Samson 20 prósent í því félagi, að
sögn Helga. Aðrir stórir hluthafar
í því voru fjárfestingafélagið Grett-
ir, Eimskipafélagið og sömuleiðis
Magnús Þorsteinsson.
Skiptastjóri þrotabús Björgólfs
Guðmundssonar, Sveinn Sveins-
son, lætur einnig kanna eignarhald
á prentsmiðju í Pétursborg sem var
að hluta í eigu Björgólfs eldri.
Samson-hópurinn hélt tengsl-
um sínum við borgina í austri og
átti enn hagsmuna að gæta þar
þegar félagið varð gjaldþrota eftir
fall Landsbankans í haust. En verð-
mætasta eign félagsins var kjöl-
festuhlutur í Landsbankanum sem
varð verðlaus með falli bankans í
haust.
Samson var úrskurðað gjald-
þrota 12. nóvember síðastliðinn og
nema lýstar kröfur í búið tæpum
hundrað milljörðum króna. Eign-
ir félagsins eru aftur á móti aðeins
metnar á 2,3 milljarða króna og má
því reikna með miklum afskrift-
um kröfuhafa félagsins. Hlutverk
skiptastjórans er að reyna að há-
marka endurheimtur kröfuhafanna
og er rannsóknin á viðskiptunum í
Rússlandi tengd því.
Óvíst um eignirnar og
verðmæti þeirra
Helgi segir aðspurður að honum hafi
gengið erfiðlega að átta sig á hafnar-
verkefninu og hvaða eignir séu inni
í því. „Bara hvað þetta nákvæmlega
er. Við vitum eiginlega minna en
ekki neitt um þær. Ég er með mann
í vinnu við að skoða þessar eign-
ir og skrifa greinargerð um þær.“
Hann segir þó að líklega sé um að
ræða vöruskemmur og byggingar við
höfnina í Pétursborg. „Ég veit ekki
einu sinni hverjir sitja í stjórn í félag-
inu,“ segir Helgi. Hann segir að Sam-
son hafi á sínum lagt 800 milljónir
króna inn í Maritime-félagið. Lítið
er hægt að segja um eignirnar þar til
fyrir liggur hvers konar eignir þetta
eru, að sögn Helga.
Skilanefnd Landsbankans, sem
á hagsmuna að gæta sem kröfuhafi
Samsonar, hefur sömuleiðis ráðið
til sín starfsmann til að kanna þess-
ar eignir.
Rannsaka eignarhald á
prentsmiðju
Tveir af þremur fyrrverandi með-
limum Samsonar hafa verið úr-
skurðaðir gjaldþrota eftir efnahags-
hrunið, þeir Björgólfur eldri og
Magnús Þorsteinsson. Sá eini sem
ekki er gjaldþrota er Björgólfur Thor
Björgólfsson.
Skiptastjóri þrotabús Björgólfs
Guðmundssonar, Sveinn Sveins-
son, segir að hann skoði nú einnig
eignarhald Björgólfs á prentsmiðju
í Pétursborg en hún var sameign
hans og Magnúsar Þorsteinssonar
að sögn Sveins. Ekki er talið að Björ-
gólfur hafi átt eitthvað persónulega í
hafnarverkefninu. „Við höfum verið
að reyna að fá svör frá Landsbank-
anum í Lúxemborg um þessa prent-
smiðju. En það hefur gengið illa,“
segir Sveinn en skiptastjóri hefur
verið skipaður yfir þrotabú bankans
í Lúxemborg. Sveinn segist gera ráð
fyrir að eignarhaldið á verksmiðj-
unni hljóti að skýrast á næstu vik-
um.
DV hefur ekki náð í skiptastjóra
Magnúsar Þorsteinssonar, Ingvar
Þóroddsson, til að spyrja hann út í
hafnarverkefnið og prentsmiðjuna
en reikna má með því að hann at-
hugi nú viðskipti Magnúsar á sama
hátt og Helgi og Sveinn. Magnús
flutti sem kunnugt er til Rússlands
fyrir nokkrum mánuðum.
Fjórar stefnur nú þegar
Helgi hefur nú þegar gefið út fjór-
ar stefnur fyrir hönd þrotabús Sam-
sonar og voru þær þingfestar fyrr á
árinu. Ein stefnan er gegn Björgólfi
Guðmundssyni, ein gegn KR og
tvær gegn félögum sem voru í eign
Samsonar eða þeirra Björgólfs-
feðga. Helgi segir að þau mál muni
hafa sinn gang í dómskerfinu.
Hann segir ekki von á fleiri
stefnum frá þrotabúinu í bráð.
InGI F. VIlhjálMsson
blaðamaður skrifar ingi@dv.is
„Bara hvað þetta ná-
kvæmlega er. Við vit-
um eiginlega minna
en ekki neitt um þær.“
hafnarverkefni og prentsmiðja Skiptastjórar
þrotabúa sem tengjast Björgólfsfeðgum og
Magnúsi Þorsteinssyni reyna nú að átta sig á
umfangi eigna þeirra í Rússlandi.
Rannsaka Rússlandstengslin Skipta-
stjóri Samsonar, kröfuhafar félagsins og
skiptastjórar þrotabúa þeirra reyna nú
að átta sig á umfangi og verðmætum
eigna félagsins í Pétursborg í Rússlandi.