Dagblaðið Vísir - DV - 13.10.2009, Qupperneq 12

12 þriðjudagur 13. október 2009 fréttir
Þuklaði á hjúkku
Adam Manning frá Oden í Utah
var handtekinn á dögunum eft-
ir að hann þuklaði á brjóstum
hjúkrunarkonu þegar þau voru
að fylgja eiginkonu hans inn á
fæðingardeildina. Manning var
handtekinn og missti af þeim
sökum af því þegar sonur hans
kom í heiminn. Manning gaf
engar skýringar á athæfinu en
eiginkona hans horfði á björtu
hliðarnar og gaf þær skýringar á
furðulegri hegðun eiginmanns
síns að hann hefði verið ölvaður.
Þá leikur grunur á að Manning
hafi ekið ölvaður með ólétta
konu sína upp á sjúkrahús.
Þunglyndur á
bak við lás og slá
Að sögn Herve Temime, lög-
fræðings leikstjórans Romans
Polanski, hefur leikstjórinn fyllst
þunglyndi í fangaklefa sínum í
fangelsi í Zürich. Eftir að hafa
heimsótt Polanski sagði Temime
í viðtali við dagblaðið Sonntag:
„Ég tel að hann sé þreyttur og
þunglyndur.“
Roman Polanski, sem er 76
ára, hefur verið í fangelsi síðan
26. september þegar hann var
handtekinn í Sviss að beiðni
bandarískra yfirvalda sem vilja
fá hann framseldan vegna rúm-
lega 30 ára sakamáls.
Koma sér fyrir
í Jemen
Stríðsmenn al-Kaída hafa not-
fært sér fátæktina, spillinguna og
bardagana, sem valdið hafa mik-
illi ringulreið í Jemen, til að ná
þar fótfestu. Talið er að samtök-
in leiti nýrra liðsmanna á meðal
ungra Jemena og flytji erlenda
bardagamenn til landsins til að
taka þátt í æfingum í æfingabúð-
um samtakanna.
Hundruð bardagamanna al-
Kaída-samtakanna í Afganist-
an og Pakistan hafa komið frá
Jemen sem er föðurland föður
Osama bin Laden, leiðtoga al-
Kaída.
Breskur hermaður fékk ný lungu og krabbamein:
Bjargráðið var banvænt
Fyrir mistök fékk breskur hermaður
lungu sem voru síst í betra ásigkomu-
lagi en þau sem ógnuðu lífi hans.
Breski hermaðurinn Matthew
Millington var sendur heim af víg-
völlum Íraks vegna sjaldgæfs lungna-
sjúkdóms og sögðu læknar honum
að hann þyrfti að fá ný lungu ef hann
ætti að geta gert sér vonir um að lifa
lengur en í tvö ár.
Í apríl 2007 fékk Millington ný
lungu, en það sem átti að verða hon-
um til lífsbjargar varð honum í raun
að aldurtila.
Síðar kom í ljós að lungun sem
hann fékk í stað sinna eigin sjúku
lungna voru heldur dapurleg
skipti. Lungun komu frá líffæra-
gjafa sem reykt hafði á milli þrjá-
tíu og fimmtíu vindlinga á dag og
hálfu ári eftir líffæraflutninginn
fékk Matthew Millington lungna-
krabbamein.
Einnig kom í ljós að lyfin sem
Matthew fékk, og áttu að einfalda lík-
ama hans að samþykkja nýju lung-
un, urðu til þess að krabbameinið óx
að umfangi og breiddist út hraðar en
ella hefði orðið raunin.
Þegar Matthew Millington kom
til meðferðar vegna krabbameinsins
var allt um seinan og hann lést þrjá-
tíu og eins árs að aldri.
Læknar á Papworth-sjúkrahús-
inu í Cambridge á Englandi vísa því
alfarið á bug að vísir að krabbameini
hafi fundist þegar lungun voru skoð-
uð fyrir líffæraflutninginn.
Stubbar Líffæragjafinn var stórreyk-
ingamaður. Mynd photoS.coM
Silvio Berlusconi, forsætisráðherra
Ítalíu, missti á miðvikudaginn frið-
helgi þá sem varið hefur hann gegn
lögsóknum. Berlusconi undirstrik-
aði örlög sín fyrir helgina þegar hann
sagði að enginn annar í heiminum
væri jafn ofsóttur af réttarkerfinu
og hann. Berlusconi bætti um betur
þegar hann skírskotaði til eitt hundr-
að og sex rannsókna og mála á hend-
ur honum, og 2.500 vitnaleiðslna
sem þeim fylgdu. Þá mismælti hann
sig hrapallega þegar hann sagði: „Í
gegnum árin hef ég eytt 200 milljón-
um evra í ráðgjafa og dómara... af-
sakið, ráðgjafa og lögfræðinga.“ Um-
mæli Berlusconis kölluðu fram mikil
hlátrasköll á blaðamannafundinum.
Þegar dómstólar úrskurðuðu á
miðvikudaginn að friðhelgi Berlusc-
onis skyldi felld niður sýndu þeir
einnig að völdum hans eru takmörk
sett.
Varnarveggur gegn
vinstriöflum
Þegar dómstóll í Mílanó úrskurðaði
í síðustu viku að Fininvest, fyrirtæki
í eigu Berlusconis, hefði haft betur
í yfirtöku annars fyrirtækis fyrir til-
stilli dómara sem hafði verið mútað
komst dómari að þeirri niðurstöðu
að Berlusconi hefði verið „samábyrg-
ur í spillingu“. Fininvest var dæmt
til að greiða sekt upp á 750 milljónir
evra til að bæta keppinautnum fjár-
hagslegt tjón vegna gjörningsins.
Silvio Berlusconi fullyrti að úr-
skurður dómstólsins væri eingöngu
pólitískur. Á blaðamannafundi á
föstudaginn sagði hann: „Ég hef allt-
af verið hreinsaður af sök. Ég fæ allar
þessar málshöfðanir vegna þess að
ég er forsætisráðherra, og ég er nátt-
úrulegur varnarveggur gegn upp-
gangi vinstriafla á Ítalíu.“
„Besti forsætisráðherrann“
Berlusconi skírskotaði til sín sem
„besta forsætisráðherra sögunnar“
og sagði málin sem tekin voru fyrir í
Mílanó vera farsakennd og að réttar-
kerfið vildi grafa undan því sem kjós-
endur hefðu valið.
Silvio Berlusconi sagði að engin
þörf væri á mótmælagöngum hon-
um til stuðnings og sagði að ríkis-
stjórn hans myndi halda áfram störf-
um eins og ekkert hefði í skorist.
Hann sjálfur myndi gefa sér nokkrar
klukkustundir á dag til að glíma við
réttarhöldin. En í ljósi þess hve mörg
mál gegn honum virðast munu safn-
ast upp er ólíklegt að örfáar klukku-
stundir á dag dugi til varnar.
Vitni í áfrýjunarmáli
Á sama tíma og Berlusconi var vígreif-
ur á blaðamannafundinum lögðu
lögfræðingar í Mílanó fram formlega
beiðni um að Berlusconi bæri vitni
í áfrýjun fyrrverandi ráðgjafa hans,
Davids Mills, sem hafði meðal ann-
ars gefið Berlusconi ráð hvað varðar
skattaskjól í útlöndum.
David Mills, sem er breskur lög-
fræðingur, var sakfelldur í ár fyrir að
hafa þegið mútur upp á 430.000 sterl-
ingspund af Berlusconi, fyrir að bera
ljúgvitni í tveimur málum sem vörð-
uðu ítalska forsætisráðherrann.
Mills var fjarverandi dæmdur til
fjögurra ára fangelsis og hálfu ári bet-
ur í febrúar, en hefur ekki enn hafið
afplánun því ítölsk lög heimila hon-
um að fara í gegnum áfrýjunarferlið
áður en afplánun hefst.
Við upphaflegu málaferlin gegn
David Mills höfðu bæði hann og Sil-
vio Berlusconi stöðu sakbornings og
neituðu báðir sök. Berlusconi skar
svo að segja sjálfan sig úr snörunni
eftir að lög sem veittu honum frið-
helgi og voru runnin undan rifjum
hans sjálfs tóku gildi.
Fórnarlamb „mannaveiða“
Marina Berlusconi, elsta dóttir for-
sætisráðherrans, fer ekki dult með
skoðun sína á því sem fram hefur far-
ið. Marina hefur sakað andstæðinga
föður síns um að fara fyrir „manna-
veiðum“ sem beinast gegn hon-
um. Það er ekki að undra að Marina
vilji koma föður sínum til aðstoðar
á þessari ögurstundu því þrátt fyrir
að ekki hafi ríkt lognmolla í kringum
forsætisráðherrann undanfarið verð-
ur síðasta vika að teljast ein sú versta
sem hann hefur átt til langs tíma, og
virðist nú fokið í flest skjól. Marina
Berlusconi segir föður sinn vera fórn-
arlamb „skipulagðrar skyndiaftöku“
af hálfu andstæðinga hans af vinstri-
vængnum sem vilji leggja feril hans í
rúst með öllum tiltækum ráðum.
Silvio Berlusconi fékk blendnar
viðtökur á sunnudaginn þegar hann
var viðstaddur jarðarför 21 fórnar-
lambs aurskriðanna sem eyðilögðu
þorp í grennd við Messina á Sikiley
fyrr í þessum mánuði.
Syrgjendur kölluðu ýmis ókvæðis-
orð að Berlusconi og blístruðu þegar
hann yfirgaf athöfnina. En ekki voru
allir honum fjandsamlegir og loforð
hans um að endurbyggja hamfara-
svæðin eins fljótt og auðið yrði féllu í
góðan jarðveg.
Með munninn opinn
Það telst varla nýlunda að Silvio
Berlusconi takist að móðga konur
með ummælum sínum. Nýjasta til-
fellið átti sér stað í beinni sjónvarps-
útsendingu á föstudaginn og hefur
vakið hörð viðbrögð af hálfu andstæð-
inga Berlusconis í stjórnmálum, kven-
réttindahópum og aðgerðasinna sem
hafa krafist þess að forsætisráðherr-
ann biðjist afsökunar á orðum sínum.
Þannig var að Berlusconi kom
fram í síðkvöldsspjallþættinum Porta
a Porta aðeins örfáum stundum eftir
að hann hafði verið sviptur friðhelgi.
Þegar hann var truflaður af Rosy
Bindi úr lýðræðisflokknum Partito
Democratico sagði hann við hana:
„Ég viðurkenni að þú ert miklum
mun fegurri en þú ert gáfuð.“
Rosy Bindi svaraði að bragði: „Ég
er ekki ein af þeim konum sem þú
hefur til ráðstöfunar, forsætisráð-
herra.“
Orðaskiptin hafa kynt undir enn
einum mótmælum femínista gegn
forsætisráðherranum, sem virðist
vera einkar lagið að móðga konur,
hvort sem það er með vilja gert eður
ei.
KolBeinn þorSteinSSon
blaðamaður skrifar: kolbeinn@dv.is
Berlusconi skar svo
að segja sjálfan sig
úr snörunni eftir að
lög sem veittu honum
friðhelgi og voru runn-
in undan rifjum hans
sjálfs tóku gildi.
Vesalings Berlusconi
Það verður að teljast
hafið yfir allan vafa að
Silvio Berlusconi, forsæt-
isráðherra Ítalíu, á að baki
mjög erfiða viku. Sjálfur
fullyrðir hann að enginn í
heiminum sæti jafnmiklum
ofsóknum af hálfu réttar-
kerfisins og hann. Það
hefur ekki ríkt um hann
lognmolla undanfarið ár
og lítilla breytinga er að
vænta í þeim efnum.