Lögmannablaðið - 01.03.2004, Blaðsíða 4

4 1 / 2 0 0 4
FRÁ RITSTJÓRN
Allt er breytingum háð og áþað sannarlega við um
okkur lögmenn. Eins og allir vita
þá liggur fyrir Alþingi frumvarp
til breytinga á lögmannalögum
og sýnist sitt hverjum um ágæti
þess eins og efni þessa blaðs ber
með sér og svo greinaskrif í fjöl-
miðlum. Sama hver afdrif frum-
varpsins verða, hlýtur gagnrýnin umræða
um frumvarpið að vera gagnleg fyrir þróun
Lögmannafélagsins og framtíðarhlutverk
þess. Á félagsfundi þann 22. janúar kom
berlega í ljós að ekki er víst að hagsmunir
sjálfstætt starfandi lögmanna og annarra
lögmanna fari saman í öllum tilvikum.
Blað þetta kemur nú út í fyrsta sinn undir
ritstjórn höfundar þessa pistils. Mér til
aðstoðar er ný ritnefnd sem er skipuð þeim
Daða Bjarnasyni hdl., Einari Baldvini
Árnasyni hdl., Gylfa Thorlacius hrl., Guð-
finnu J. Guðmundsdóttur hdl. og Hrafnhildi
Stefánsdóttur hrl. Okkur til aðstoðar eru
eins og áður Ingimar Ingason, fram-
kvæmdastjóri LMFÍ, og Eyrún Ingadóttir,
starfsmaður LMFÍ.
Til þess að Lögmannablaðið eigi tilveru-
rétt þurfa félagsmenn að vera tilbúnir til að
skrifa greinar, skiptast á skoðunum í blað-
inu og koma með ábendingar um efni sem
áhugavert er að fjalla um og sem gagnast
getur í störfum okkar. Án slíkra skoðana-
skipta og ábendinga lögmanna
verður blaðið lítið annað en bæk-
lingur með myndum af fótbolta-
mótum og fréttum af námskeið-
um á vegum félagsins. Slíkt efni
á vissulega rétt á sér og mun að
sjálfsögðu áfram eiga sér sinn
fasta stað í blaðinu.
Ritstjórnarstefna ritnefndar er sú að sér-
staða þessa blaðs verði skýrari svo blaðið
eigi ákveðinn tilverurétt og sé lesið. Með
þessu er ekki verið að breyta fyrri ritstjórn-
arstefnu á neinn hátt, þetta hefur verið
markmið stjórnar LMFÍ og forvera minna í
ritstjórastarfi frá því útgáfa sérstaks Lög-
mannablaðs var ákveðin.
Störf okkar lögmanna felast að miklu
leyti í skrifum um margvísleg málefni fyrir
umbjóðendur okkar svo ekki ætti að
velkjast fyrir neinum að skrifa pistil í
blaðið eða koma ábendingum um hugðar-
efni á framfæri við ritnefndina.
Við sem höfum tekið að okkur umsjón
þessa blaðs viljum að blaðið verði vett-
vangur fyrir félagsmenn LMFÍ til þess
meðal annars að skiptast á skoðunum, koma
á framfæri sjónarmiðum sínum og veita
félagsmönnum gagnlegar upplýsingar. Slík
markmið nást ekki nema fleiri en ritstjórn
skrifi pistla í blaðið.
Guðrún Björg
Birgisdóttir
hdl.