Lögmannablaðið - 01.03.2010, Blaðsíða 10
10 < LÖGMANNABLAÐIÐ – 1 / 2010
Ég hef ítrekað í pistlum mínum varað
við þeirri þróun sem átt hefur sér stað
undanfarin misseri í réttarkerfinu. Þar
hef ég endurómað ályktanir stjórnar
Lögmannafélags Íslands sem hefur
ítrekað mótmælt ýmsum áformum
stjórnvalda í þessum málum eða þá
athafnaleysi. Stundum höfum við haft
erindi sem erfiði en of oft hefur ekki
verið tekið nægjanlegt tillit til okkar
sjónarmiða. Ég er þess hins vegar
fullviss að góðar ábendingar og vel
rökstudd gagnrýni frá lögmönnum og
stjórn Lögmannafélags Íslands veiti
stjórnvöldum mikið aðhald. Þrátt fyrir
allt verð ég var við mjög ríkan vilja hjá
yfirvöldum dómsmála við að taka tillit
til okkar sjónarmiða. Þá stöðu hefur
félagið skapað sér í áranna rás með vel
ígrunduðum en hófstilltum athuga-
semdum og ábendingum við þeim
tillögum sem fram hafa komið og
varðað hafa framþróun réttarins og
réttar öryggis.
Slæm staða þjóðarbúsins hefur óneitan-
lega verið aflvaki flestra þeirra breytinga
sem orðið hafa og lögmenn hljóta að
sýna skilning á því. Rétt er þó að halda
því til haga að nokkuð hefur verið bætt
við fjárframlög til dóm stólanna og þeir
efldir. Er það vel en betur má ef duga
skal. Grundvallar atriðið er að því réttar-
kerfi og laga umhverfi sem við höfum
búið við verði ekki fórnað vegna
stundar hagsmuna. Iðulega heyrast
raddir um að víkja eigi frá ýmsum
mikilvægum meginreglum sem sjaldan
eða aldrei voru dregnar í efa fram að
bankahruni. Ályktanir frá stjórn Lög-
mannafélags Íslands um að standa verði
vörð um grundvallarreglur réttar ríkisins
á þessum umbrotatímum hafa til marks
um þetta verið gagn rýndar harðlega af
ýmsum aðilum. Þessi varðstaða og
varnarbarátta er hins vegar að mínu
mati mikilvægasta hlutverk okkar nú
um stundir í sam vinnu við stjórnvöld og
sátt við almenning. Við erum samt sem
áður ætíð reiðubúin að ræða hugmyndir
um breytta og bætta skipan en slík
umræða verður að vera vönduð og vel
undirbúin. Dæmi um slíkt jákvætt skref
er að mínu mati nýlegt frumvarp dóms-
mála ráðherra um breytingar á lögum
um dómstóla sem leggur til breyttar
aðferðir við skipan dómara (þingskj.
698 – 390. mál).
Það verður að segjast eins og er að í
tæplega tuttugu ára lögmannstíð minni
minnist ég þess ekki að lögmenn hafi
sætt eins mikilli gagnrýni í þjóðfélaginu
eins og verið hefur eftir bankahrunið.
Sú gagnrýni er að mörgu leyti mjög
skiljanleg þrátt fyrir að við lögmenn
teljum hana ábyggilega að mestu
óréttmæta. Ég hef litið svo á að ekki
hafi verið lag undanfarin misseri til að
rétta þennan kúrs en tel okkur nauð-
synlegt og hollt að skoða hvernig bæta
má ímynd og ásjónu stéttarinnar.
Ég hef ákveðið að eftir fimm ár í stjórn
og varastjórn Lögmannafélags Íslands
sé kominn tími til að rýma fyrir nýju
fólki. Vil ég nota þetta tækifæri og
þakka mínum ágætu félögum sem
starfað hafa í stjórnum og varastjórnum
félagsins undanfarin ár kærlega fyrir
ánægjulegt samstarf sem aldrei hefur
borið skugga á. Einnig þeim fjölda fólks
sem starfað hefur í nefndum á vegum
félagsins; fastanefndum, ad hoc, rit-
stjórum og ritnefndum Lögmanna-
blaðsins. Síðast en ekki síst starfsfólki
félagsins þeim Eyrúnu, Hjördísi og
Ingimar fram kvæmda stjóra fyrir aldeilis
frábært starf.
Aðhald
og rökstudd gagnrýni
Lárentsínus Kristjánsson hrl.
Formannspistill