Lögmannablaðið - 01.03.2010, Blaðsíða 30

30 < LÖGMANNABLAÐIÐ – 1 / 2010
Endast konur skemur í lögmennsku en karlar?
fleiri konur útskrifast úr
háskólum en ...
Í dag eru konur í Lögmannafélagi Íslands
25,4% félagsmanna, 204 á móti 600
körlum. Til samanburðar má geta þess að
árið 2000 voru konur tæplega 15%
félagsmanna og árið 2006 voru þær 22%.
Aukningin sést líka á aldurssam-
setningunni því rúmlega 80% kvenna eru
yngri en 50 ára á meðan 58,5% karla eru
undir 50 ára.
Á árabilinu 2005 til 2009 útskrifuðust
15% fleiri konur með meistaragráðu í
lögfræði úr háskólunum fjórum, eða 247
konur á móti 214 körlum, en á sama tíma
hafa 55% fleiri karlar lokið hdl.-
námskeiði, eða 138 karlar á móti 89
konum. Það er óneitanlega athyglisvert
að konur sækja minna í að afla sér
lögmannsréttinda en karlar. Annað sem
vekur athygli er að þrátt fyrir að konur
séu ekki nema um fjórðungur lögmanna
er lítill munur á kynjunum þegar horft er
til þeirra sem lagt hafa inn réttindi sín hjá
LMFÍ frá 2003.
Þetta sýnir annars vegar að fjölgun
kvenna í lögmennsku helst ekki í hendur
við fjölgun kvenna sem útskrifast með
meistarapróf í lögum og hins vegar að
sterkar líkur benda til þess að konur í
lögmennsku leggi frekar inn réttindi sín
en karlar.
Mismunandi staða karla og
kvenna í lögmennsku?
Af umræðum á fundinum mátti ráða að
ýmsar ástæður geta legið fyrir því að
konur stoppi skemur í lögmannsstarfinu
en karlar, svo sem eins og ófjölskylduvænt
starfsumhverfi sem kemur harðast niður
á fjölskyldum með ung börn. Talað var
um mikið vinnuálag, óheppilegan vinnu-
og fundartíma og ójafna stöðu þegar
kemur að stöðuhækkunum og öðrum
vegtyllum innan fyrirtækja. Á móti kemur
að sjálfstætt starfandi lögmaður hefur að
sönnu tækifæri til að stilla fundartíma
sína að þörfum fjölskyldunnar og tækifæri
til að vinna heima þegar t.d. barn er veikt.
Sama svigrúm hafa fulltrúar hjá sjálfstætt
starfandi lögmönnum ekki, nema
vinnustaðurinn sé sniðinn að fjölskyldulífi
starfsmanna fyrirtækisins eins og nú
tíðkast víða hjá framsæknum fyrirtækjum
á samkeppnismarkaði. Gera má ráð fyrir
að mikið vinnuálag komi harðar niður á
sjálfstætt starfandi lögmönnum en
fulltrúum sem oftar en ekki eru ráðnir
upp á ákveðinn vinnutíma og geta gengið
út að þeim tíma liðnum. Þá var bent á að
meiri hætta væri á að konur brenni fyrr
upp en karlar vegna erfiðra málaflokka
sem konurnar taka gjarnan að sér enda
þótt vinna við þá skili oftar en ekki færri
krónum í kassann en t.d. bústjórn stórra
Umfjöllun
Félag kvenna í lögmennsku efndi til fundar í desember þar sem spurningunni
um hvort konur endast skemur í lögmennsku en karlar var velt upp og ef svo
væri þá hver ástæðan gæti verið. Í byrjun greindi Hafdís Jónsdóttir, formaður
Félags kvenna í atvinnurekstri, frá aðgerðum félagsins til að jafna stöðu
kynja í stjórnum fyrirtækja.
Stjórn FKL. F.v. Katrín theodórsdóttir, margrét gunnlaugsdóttir, bjarnveig Eiríksdóttir,
berglind Svavarsdóttir og Þyrí Halla Steingrímsdóttir.