Skólavarðan - 01.02.2005, Blaðsíða 16
16
VIÐ HRINGBORÐIÐ
SKÓLAVARÐAN 1.TBL. 5. ÁRG. 2005
Í vetrargarranum milli jóla og nýárs
kom hópur framhaldsskólakennara
saman í Kennarahúsinu við Laufásveg
til að taka þátt í hringborðsumræðum
um íslenskt stúdentspróf og framtíð
þess. Tilefnið og umræðugrundvöllur-
inn var skýrsla menntamálaráðuneytis-
ins Breytt námskipan til stúdentsprófs
- aukin samfella í skólastarfi sem kom
út í ágúst sl. Til fundarins mættu: Atli
Harðarson aðstoðarskólameistari Fjöl-
brautaskóla Vesturlands á Akranesi,
Egill Guðmundsson sviðsstjóri í Iðnskól-
anum í Reykjavík, Aldís Guðmundsdótt-
ir kennari og fagstjóri í sálfræði við
Menntaskólann við Hamrahlíð, Hjördís
Þorgeirsdóttir konrektor í Menntaskól-
anum við Sund og Guðmundur Jón Guð-
mundsson sögukennari í Menntaskólan-
um í Reykjavík.
Hjördís var fulltrúi FF í einum þriggja starfs-
hópa á vegum menntamálaráðuneytisins
sem störfuðu fyrir gerð skýrslunnar. Hópur-
inn sem Hjördís sat í fjallaði um námskrár
og gæðamál. Hann mat og útfærði hug-
myndir um námsskipan sem fram koma í
skýrslunni.
Við val viðmælenda var gengið út frá
því að þeir væru fulltrúar ólíkra skóla-
gerða og sæju málið frá ólíkum sjónar-
hornum og reynsluheimi.
Bóklegt stúdentspróf gott
vegarnesti inn í framtíðina
-Hver er staða íslenska stúdentsprófsins?
Hjördís: Ég tel að stúdentsprófið okkar
sé gott próf. Það hafa reyndar ekki ver-
ið gerðar neinar formlegar mælingar en
maður hefur á tilfinningunni að nemend-
um gangi vel í háskólanámi á grundvelli
þess, bæði hér heima og erlendis.
Atli: Mér heyrist að Hjördís sé fyrst og
fremst að hugsa um stúdentspróf af bók-
námsbrautum en með námskránni frá
1999 var skilgreint stúdentspróf eftir starfs-
nám og það er ýmislegt óljóst um stöðu
þess háttar stúdentsprófa. Síðastliðið
haust tók HÍ til dæmis ekki við þeim nem-
endum. Ég held að þó svo að nemendur
sem ljúka stúdentsprófi af bóknámsbraut-
um séu þokkalega staddir og komist inn í
þá háskóla sem þeir óska, þokkalega und-
irbúnir, þá eigi það ekki við um nemendur
sem ljúka prófinu eftir starfsnám. Þeir búa
við mikla óvissu um réttinn til áframhald-
andi náms. Þetta er helsta vandamálið
sem ég sé við stúdentsprófið eins og er.
Aldís: Ég held að íslenskt stúdentspróf
sé um margt gott vegarnesti til framtíð-
arinnar og nokkuð góður undirbúningur
fyrir háskólanám. En frá mínum sjónar-
hóli eru einkum tveir veikleikar á öllu
framhaldsskólastiginu. Annar er sá að
verknáminu er ekki gert nógu hátt undir
höfði. Það er mjög brýnt að breyta þessu
og fá sterka nemendur inn í tækni- og
verknám. Hitt atriðið er að mér finnst
framhaldsskólinn ekki koma nógu vel á
móts við þarfir stráka. Hann er m.ö.o. orð-
inn talsvert kvenlægur. Það er til dæmis
dálítið skondið að á myndinni framan á
skýrslu menntamálaráðuneytisins eru ein-
göngu stelpur! Brottfall pilta úr skólanum
er mun meira en stúlkna og sjálfsmynd
þeirra gagnvart náminu er ekki eins sterk.
Ég tek það fram að það er fjöldi góðra karl-
nemenda en þegar kemur að námsmati þá
standa þeir sig ekki jafn vel og stúlkurnar.
Það er eitthvað í kerfinu sem höfðar ekki
til þeirra.
Guðmundur: Þetta með verknámsbraut-
irnar er eldgamalt vandamál hjá okkur Ís-
lendingum. Það er ekkert menntun nema
prestsmenntun og kannski lögfræði en
almenn verkkunnátta er afskaplega lítils
metin. Ég held að þetta endurspeglist sér-
staklega vel í því sem sagt var um stúdents-
prófið af verknámsbrautum. Þetta verður
að taka virkilega föstum tökum í stað þess-
arar bláu hringavitleysu hérna, mennta-
málaráðuneytinu væri nær að taka á þess-
um þætti.
Hjördís: Þetta er reyndar í annað skipt-
ið, þegar fjallað er um almennar breyting-
ar eins og endurskoðun aðalnámskrár,
sem sjónum er fyrst og fremst beint að
bóknámsbrautum til stúdentsprófs og
verknámið skilið eftir. Í upphafi þessarar
vinnu átti ekkert að tengja þetta málefni
við verknámið en núna er reyndar aðeins
búið að gera það, samt er það verk í raun
og veru ekki hafið. Þetta eru aðeins hug-
myndir sem settar eru fram í skýrslunni. En
Íslenskt stúdentspróf
- Virðisauki eða tímaskekkja?
Hringborðsumræður um stöðu og framtíð framhaldsskólamenntunar á Íslandi
Mér telst til að fækkun kennslustunda verði 413 á þessum ára-
fjölda. Ég fæ ekki séð að hægt sé að halda sama gæðastaðli með
svona miklu færri kennslustundum, jafnvel þótt einhver hluti
námsefnisins verði færður niður í grunnskólana. -Aldís.