Skólavarðan - 01.02.2005, Blaðsíða 24
24
FRÉTTIR
SKÓLAVARÐAN 1.TBL. 5. ÁRG. 2005
Þann 22. desember 2004 var undirritað
samkomulag milli BHM, BSRB og KÍ ann-
ars vegar og fjármálaráðherra f.h. ríkis-
sjóðs, Reykjavíkurborgar og Launanefndar
sveitarfélaga hins vegar um tiltekin atriði
varðandi réttindi starfsmanna sem eru fé-
lagsmenn samtakanna þriggja. Samkomu-
lagið tók gildi 1. janúar 2005. Það tekur
einvörðungu til greina í kjarasamningum
sem lúta að tryggingamálum starfsmanna.
Samkvæmt samkomulaginu hækka trygg-
ingarfjárhæðir og bætur vegna slysa.
Bókun fylgir samkomulaginu varðandi
rétt starfsmanna til bóta frá launagreið-
anda vegna líkamstjóns eða annars tjóns
sem þeir kunna að verða fyrir í starfi sínu.
Á þetta hefur einkum reynt þegar í hlut
eiga starfsmenn sem sinna meðferð ein-
staklinga sem að takmörkuðu eða engu
leyti geta borið ábyrgð á gerðum sínum.
Hægt er að nálgast samkomulagið
og bókunina á heimasíðu Kennarasam-
bandsins, http://www.ki.is.
BHM, BSRB og KÍ lögðu síðastliðið haust
fram hugmyndir um ýmsar aðrar lagfær-
ingar á réttindamálum félagsmanna en
um þær náðist ekki samkomulag. Meðal
annars voru lagðar fram ítarlegar tillögur
um málefni trúnaðarmanna á vinnustað
sem miða að því að styrkja stöðu þeirra.
HEH
Út er komin bókin Brautryðjendur í
uppeldis- og menntamálum, á vegum
Rannsóknarstofnunar Kennaraháskóla
Íslands, Kennarasambands Íslands og
Menningarsjóðs. Bókinni ritstýra Börk-
ur Hansen, Jóhanna Einarsdóttir og
Ólafur H. Jóhannsson.
Markmið bókarinnar er að bregða ljósi á
lífsstarf níu valinkunnra karla og kvenna
sem líta má á sem frumkvöðla eða braut-
ryðjendur sem gegnt hafa mikilvægum
störfum í skólakerfinu, skólastjórar, sér-
fræðingar og háskólakennarar. Þýðingar-
mikið er að reynsla þeirra glatist ekki held-
ur verði liður í því að upplýsa komandi
kynslóðir um þróun mála á ýmsum sviðum
uppeldis og menntunar.
Í bókinni ræðir Kristín Indriðadóttir við
Andra Ísaksson fyrrverandi deildarstjóra
skólarannsóknadeildar menntamálaráðu-
neytisins og síðar prófessor í uppeldis-
fræði og starfsmann UNESCO, Ragnhildur
Bjarnadóttir við Ásgeir Guðmundsson fyrr-
verandi skólastjóra Hlíðaskóla og síðar for-
stjóra Námsgagnastofnunar, Arna H. Jóns-
dóttir við Gyðu Sigvaldadóttur fyrrverandi
leikskólastjóra, Gretar L. Marinósson við
Jónas Pálsson fyrrverandi forstöðumann
Sálfræðideildar skóla og síðar skólastjóra
Æfingaskólans og rektor Kennarahá-
skólans, Steinunn Helga Lárusdóttir við
Kára Arnórsson fyrrverandi skólastjóra
Fossvogsskóla, Ólafur H. Jóhannsson við
dr. Sigríði Þ. Valgeirsdóttur prófessor
emeritus, Jóhanna Einarsdóttir við Val-
borgu Sigurðardóttur fyrrverandi skóla-
stjóra, Ingvar Sigurgeirsson við dr. Wolf-
gang Edelstein fyrrverandi ráðgjafa við
menntamálaráðuneytið og sérfræðing
hjá Max Planck stofnuninni og Guðrún
V. Stefánsdóttir við Þorstein Sigurðsson
fyrrverandi sérkennslufulltrúa og skóla-
stjóra Safamýrarskóla.
Samkomulag um tryggingar
Frá móttöku í Kennaraháskólanum í tilefni af útkomu bókarinnar
Brautryðjendur í uppeldis- og menntamálum.
Brautryðjendur í uppeldis- og menntamálum