Þjóðmál - 01.09.2013, Síða 11

10 Þjóðmál haust 2013
Af vettvangi stjórnmálanna
_____________
Björn Bjarnason
Úr viðjum ESB­viðræðna til
vestnorrænnar forystu
Ríkisstjórn Sigmundar Davíðs Gunn­laugs sonar hefur frekar lítinn byr í
seglunum og situr undir ámæli fyrir að hefja
vegferð sína klaufalega . Í ríkisstjórninni er
þó ekki þverbrestur eins og í stjórn Jóhönnu
Sigurðardóttur . Þar sátu menn lengur en
góðu hófi gegndi ósáttir um meginmál eins
og aðildina að Evrópusambandinu . Þeir
deildu einnig um annað, til dæmis sölu
Grímsstaða á Fjöllum til Huangs Nubos,
hins kínverska auðmanns . Uppskeran var
í samræmi við það, stjórnin kolféll á prófi
kjós enda .
Innan ríkisstjórnar Sigmundar Davíðs
hefur ekki birst neinn sambærilegur þver­
brestur . Í tíð fyrri stjórnar bárust fréttir
af gorti Steingríms J . Sigfússonar . Hann
ætti síðasta orðið um allt sem máli skipti .
Jóhanna væri næsta utangátta . Engar sögu­
sagnir eru á kreiki um sambærilega spennu
í samskiptum Sigmundar Davíðs og Bjarna
Benediktssonar . Á hinn bóginn hefur orðið
sú mikla breyting að Jóhanna lagði sjaldan
land undir fót en Sigmundur Davíð er
stöðugt á faraldsfæti — þykir sumum nóg
að gert í því efni .
Stjórnarflokkarnir eru síður en svo sam­
mála um allt . Ráðherrar leitast hins vegar við
að halda á málum á þann veg að gefa ekki
höggstað á ríkisstjórninni með því að hampa
ágreiningsefnum . Þetta má bæði rekja til
hollustu við stjórnarsamstarfið en einnig
hins að svo virðist sem mörg mál hafi aðeins
verið reifuð lauslega við stjórnarmyndunina
og ekki sé fullreynt hvort algjör samstaða
ríki um útfærslu stefnunnar sem boðuð er í
stjórnarsáttmálanum .
Þessi skortur á fastmótaðri afstöðu ríkis­
stjórnarinnar hefur meðal annars birst í
um ræðum um stefnu hennar gagn vart
Evrópu sambandinu en í sáttmála stjórnar­
flokk anna um það efni segir: