Skólavarðan - 01.05.2013, Blaðsíða 10

8 Skólavarðan 1. tbl 2013
Félagsmenn KÍ, rétt eins og samfélagið
allt, þurfa að staldra við og íhuga stöðu
menntamála þegar skórinn kreppir.
Yfirskrift þessa pistils er samhljóma
þema fjögurra veggspjalda sem Al­
þjóðasamband kennara (EI) gaf út í
átaki sínu á síðasta ári. KÍ hefur nú látið
þýða veggspjöldin, prenta og senda í
alla skóla landsins. Tilgangurinn er að
hvetja kennara til dáða við að verja
menntunina í landinu, og ekki síður að
hvetja ráðamenn til að halda hlífiskildi
yfir menntun. Allir félagsmenn KÍ verða
að senda skýr skilaboð út í samfélagið
um að láta menntun ekki gjalda krepp­
unnar – í húfi eru hagsmunir nemenda,
þeirra sem erfa munu landið.
BariSt Fyrir meiri Fjár-
munum tiL að innLeiða
nÝjar námSKrár
Rannsóknir OECD sýna að margar
þjóðir sem ekki eiga miklar náttúru­
auðlindir hafa náð mjög langt, og
tekist að auka þjóðarauð og hagsæld,
með því að efla menntunarstigið. Inni­
hald menntunar þarf að fylgja kröfum
nýrra tíma. Við höfum nýlega tekið upp
nýja framsækna löggjöf í menntamál­
um og tók KÍ fullan þátt í að móta hana
og nýjar námskrár fyrir öll skólastig.
Það er fagleg skylda okkar að taka við
þessum nýja ramma um skólastarfið,
þróa hann og gera að okkar. Það krefst
tíma og vinnu, en mikilvægt er að við
fagfólkið tökum við þessu verkefni. KÍ
hefur barist fyrir því að fá menntamála­
ráðuneytið til þess að leggja meiri fjár­
muni í kynningu á námskrám á öllum
skólastigum og þjálfa lykilaðila til að
innleiða námskrár í skólana.
LaunaKjör Kennara
Verður að Bæta
og minnKa áLag
En geldur menntun kreppunnar á Ís­
landi? ­ Svarið er já, en þó ekki í sama
mæli og hjá mörgum samherjum okk­
ar vítt og breitt um heiminn. Við höfum
mátt þola niðurskurð og samdrátt í
fjárframlögum til skóla allt frá hruni
2008 þótt yfirvöld hafi reynt að hlífa
menntakerfinu. Nú er hins vegar svo
komið að ekki er hægt að skera meira
niður öðruvísi en það komi verulega
niður á gæðum skólastarfs. Við vitum
öll mæta vel að kennarar eru komnir að
þolmörkum. Launakjör þeirra verður
að bæta og álag í starfinu að minnka.
Hvað getum við gert sjálf til þess
að hafa áhrif á kjör okkar og aukið
virðingu fyrir kennarastarfinu? ­ Við
þurfum að snúa við hinni neikvæðri
orðræðu samfélagsins í garð skóla. Við
verðum að vera fagleg í störfum okkar,
sýna það og sanna að við erum sér­
fræðingar í menntamálum. Við þurfum
líka að halda því til haga að kennarar
hafa alla tíð axlað ábyrgð á menntun
og skólastarfi með gleði. Kennarar eru
fagfólk, kennarar eru sérfræðingar. ­
Við menntum Ísland! KÍ hefur notað
þetta slagorð með systursamtökum
sínum á Norðurlöndum og það er í
fullu gildi.
Kennarar eru VeL mennt-
aðir, metnaðarFuLLir og
FuLLir SjáLFStrauStS
Skólastarf er metið á alþjóðavísu af
OECD, og þar tökum við Íslendingar
þátt í rannsóknum með þátttöku í PISA,
TALIS og fl. Hagstofa Íslands, Mennta­
málaráðuneytið og KÍ senda reglulega
upplýsingar um menntakerfið á Íslandi
til OECD og samtökin gefa árlega út
ritið Education at a Glance. Því miður
virðast fjölmiðlar einkum rýna í það
sem miður fer. Það er t.d. ekki sagt frá
því að íslenskt menntakerfi og skóla­
starf kemur vel út úr þessum saman­
burði. Nemendur standa sig almennt
vel í PISA. Við erum í fremstu röð og
skólakerfi okkar flokkast sem eitt af
25 bestu í heiminum. Vissulega má
lagfæra sumt, en skoðum nú styrkleika
okkar. Íslenskir skólar eru einsleitir á já­
kvæðan hátt, gæðin eru alls staðar. For­
Látum ekki menntun
gjalda kreppunnar!
Þórður á. Hjaltested, formaður Kennarasambands Íslands.
fræðslufundurfr ðslufundur
Þórður Á. Hjaltested.