Skólavarðan - 01.05.2013, Blaðsíða 44

42 Skólavarðan 1. tbl 2013
kjaramálkjara ál
Varla er hægt að ræða kjarasamninga og starfskjör félagsmanna KÍ í framhalds­
skólum án þess að líta á meðferð stjórnvalda á þessu skólastigi mörg undanfarin
ár. Í góðærinu virtust stjórnvöld blinduð af hagræðingarákafa. Það hefði mátt
hlúa að starfsemi framhaldsskólanna, jafna námsaðstöðu nemenda, auka fjöl­
breytni námsframboðs, bæta stoðþjónustu, og ekki síst varðveita og bæta þann
árangur sem félagsmenn KÍ í framhaldsskólum náðu sjálfir í kjarasamningum
árið 2001. En viti menn, launakjörum hrakaði jafnt og þétt og launaþróun KÍ í
framhaldsskólum var þegar árið 2006 orðin áberandi lakari en hjá öðrum há­
skólamenntuðum ríkisstarfsmönnum. Eftir efnahagshrunið hefur niðurskurður í
framhaldsskólum í raun verið meiri og alvarlegri en í mörgum öðrum stofnunum
ríkisins, ekki síst þegar litið er til árvissrar fjölgunar nemenda og aukinna krafna
til starfseminnar. Ástandið í framhaldsskólunum núna ber um margt svip af alvar­
legri stöðu heilbrigðiskerfisins.
Fátt um SVör Úr FjármáLaráðuneyti
Mikil reiði ríkir meðal félagsmanna í framhaldsskólunum sem þykir störfum
sínum lítill sómi sýndur og svíður fálæti ráðamanna um hag og kjör nemenda
og starfsmanna. Við þeim blasir launamunur upp á að meðaltali rúmlega þrjá
launaflokka miðað við samanburðarhópa, eða rúmlega 16% á dagvinnulaunum
og rúmlega 8% á heildarlaunum. Fundarhöld eru hafin í mörgum félagsdeildum
framhaldsskólanna um ástandið og verður kröfum um sanngjarna leiðréttingu
starfskjara vafalítið bæði beint að félitlum framhaldsskólunum, sem bera ábyrgð
á gerð og viðhaldi stofnanasamninga, og að ráðherrum fjármála og menntamála.
Félag framhaldsskólakennara ritaði ráðherrunum báðum bréf í janúar síðastlið­
inn um aðgerðir til bjargar framhaldsskólunum og leiðréttingu á kjörum félags­
niðurskurðurinn bitnar
grimmdarlega á starfi
framhaldsskólanna
manna. Menntamálaráðherra varð
við beiðni um fund og samræður um
ástand mála en ekki fjármálaráðherra
sem er viðsemjandi okkar. Svarbréf
ráðherranna barst loks 20. mars. Því
miður er þar engin ákveðin fyrirheit að
finna um úrlausn til handa framhalds­
skólunum. Frekar loðin svör eru gefin
um að mál verði skoðuð við fjárlaga­
gerðina í haust og rætt um 400 milljón
króna fjárframlög til námskrárgerðar
sem við nánari skoðun reyndist vera
heildarfjárhæð vegna skólastiganna
þriggja sem framhaldsskólinn fær í
mesta lagi helminginn af.
tÓLF miLLjarðar Út
Úr FramHaLdSSKÓLa-
KerFinu Frá Hruni
Stjórnvöld neyða nú skólameistara enn
og aftur til að boða starfsfólki sínu frek­
ari niðurskurð á skólaárinu 2013­14, en
talið er að um 12 milljarðar hafi þegar
verið teknir út úr framhaldsskólakerf­
inu frá hruni. Dæmi um ástand mála er
Elna Katrín Jónsdóttir.