Skólavarðan - 01.05.2013, Page 46

44 Skólavarðan 1. tbl 2013
náttúrufræðináttúrufræði
Náttúrufræði skipar veigamikinn sess í námskrám allra skólastiga og náttúru­
fræðinámið á að vera heildstætt. Strax í leikskóla eiga börn að fá tækifæri til að
vinna með og velta vöngum yfir nýtingu náttúrunnar, hringrásum og fyrirbærum
í náttúrunni, lífverum í umhverfinu og lífsháttum þeirra og margvíslegum auð­
lindum náttúrunnar, svo dæmi séu tekin. Lögð er áhersla á að börnin læri að bera
virðingu fyrir umhverfi sínu og náttúru með fjölbreyttum aðferðum í gagnvirkum
samskiptum við umhverfi sitt. Eitt mikilvægasta hlutverk grunnskólakennslu í
náttúrufræði er að viðhalda þeirri forvitni sem börn hafa á fyrirbærum náttúr­
unnar, og eru útikennsla og vettvangsnám sérstaklega mikilvægir þættir í nátt­
úrufræðinámi. Þegar líður að framhaldsskóla, og síðar möguleikum á áframhald­
andi námi eða þátttöku í atvinnulífi, skiptir máli fyrir nemendur að þeir geri sér
að einhverju leyti grein fyrir hvert þeir stefna með vali á tilteknu námi eða starfi.
Hverju skilar til dæmis nám í greinum náttúrufræðinnar þeim?
náttÚruFræði Í
ÞeKKingarSetrinu
Áherslusvið Þekkingarseturs Suðurnesja í Sandgerði er náttúrufræði og tengdar
greinar. Markmið setursins snúa fyrst og fremst að rannsóknum, fræðslu, þjón­
ustu og samstarfi við aðrar rannsókna­ og fræðslustofnanir hérlendis og erlendis.
Rannsóknastarf hefur verið stundað í húsnæði Þekkingarsetursins síðustu tvo
áratugi, en á sama tíma hefur mikil áhersla verið lögð á fræðslu fyrir nemendur í
leik­, grunn­ og framhaldsskólum. Fræðasetrið í Sandgerði var stofnað 1995 og
hefur síðan þá tekið á móti miklum fjölda nemenda. Fræðasetrið er nú orðið að
Þekkingarsetri Suðurnesja, og stefnir að því að efla enn frekar þjónustu við skóla
og nemendur.
Nemendur á öllum aldri koma í heimsókn í Þekkingarsetrið til að skoða nátt­
úrugripasýningu og sögusýninguna Heimskautin heilla sem setrið býður upp á.
Sýningarnar eru fróðleg og skemmti­
leg viðbót við kennslu á öllum skóla­
stigum, til dæmis í náttúrufræði, sögu
og frönsku, en sýningin Heimskautin
heilla fjallar um ævi franska læknisins,
vísindamannsins og heimskautafarans
Jean­Baptiste Charcot. Rannsókna­
skip hans, Pourquoi­pas?, fórst með
áhöfn sinni við Íslandsstrendur árið
1936. Á náttúrugripasýningunni má
sjá fjöldann allan af uppstoppuðum
dýrum, safn jurta og skelja og fleira,
eins og t.d. eina uppstoppaða rostung
landsins. Áhersla er lögð á lífríki hafsins
og fjörunnar og á sýningunni eru lif­
andi sjávardýr sem hægt er að skoða í
návígi og jafnvel snerta, ef maður þorir!
Tilvalið er að sameina fjöru­ eða tjarna­
ferð og heimsókn í Þekkingarsetrið og
flétta þannig útikennslu og vettvangs­
nám við heimsóknina, en nemendur
safna þá lífverum í fjörunni sem þeir
skoða síðan í víðsjám. Lögð er áhersla
á að tengja heimsóknir skólahópa við
námsefni þeirra í náttúrufræði og um­
hverfisvernd hverju sinni, sé þess ósk­
að, og líffræðingar Þekkingarsetursins
útbúa fjölbreytt verkefni við allra hæfi.
Þekkingarsetur Suðurnesja
býður skóla velkomna í heimsókn
Nemendur á öllum aldri koma í heimsókn í Þekkingarsetrið.