Peningamál - 01.11.2004, Blaðsíða 40

ávallt hin sama á tímabilinu. Út frá þessum ferli fæst
að gengi krónunnar styrkist um u.þ.b. 1½ prósentu
árið 2005 umfram það sem gert er ráð fyrir í megin-
spá bankans en veikist aftur árið 2006 en nokkru
minna en sem nemur styrkingunni árið áður. Mynd
49 sýnir einnig annan verðbólguferil þar sem vikið er
að hluta til frá forsendunni um óvarið vaxtajafnvægi
og er sá gengisferill jafnari, þannig að gengi krón-
Meðfylgjandi tafla sýnir efnahagsspár sérfræðinga á
fjármálamarkaði sem gerðar voru í byrjun nóvember
sl. Sem fyrr voru þátttakendur í könnuninni greiningar-
deildir Íslandsbanka hf., KB banka hf., Landsbanka Ís-
lands hf. og Ráðgjöf og efnahagsspár ehf.
Mat sérfræðinganna á verðbólguhorfum í ár og
næsta ár hefur farið hækkandi frá því í ársbyrjun í sam-
ræmi við þróun neysluverðsvísitölunnar á þessu tíma-
bili. Þeir telja að verðbólgan yfir árið 2004 verði að
meðaltali 3,7% en 3,2% milli áranna 2003 og 2004.
Spá Seðlabankans er næstum sú sama: 3,8% yfir ár og
3,2% milli ársmeðaltala. Meiri munur er á verðbólgu-
spám þessara sérfræðinga og Seðlabankans fyrir árið
2005. Seðlabankinn spáir lægri verðbólgu yfir árið
2005 eða 3,0% á móti 3,5% meðaltali markaðsaðila en
spáin um verðbólgu milli ára 2004 og 2005 er svipuð.
Allar spár eru yfir verðbólgumarkmiði bankans.
Hagvaxtarhorfur eru betri núna að mati sér-
fræðinganna en í ágúst sl. Að meðaltali álíta þeir að
hagvöxtur á þessu og næsta ári verði um 5% en tölu-
verður munur er á hæsta og lægsta gildi. Seðlabankinn
spáir meiri hagvexti eða um 5½% vexti í ár og um 6%
árið 2005.
Svarendur spá að meðaltali gengisvísitölu 123 eftir
tólf mánuði sem er nokkru lægra gengi en verið hefur
undanfarnar vikur. Þá gera þeir ráð fyrir að gengisvísi-
talan standi í 128 stigum eftir tvö ár sem þýðir enn
frekari gengislækkun.
Stýrivextir Seðlabanka Íslands voru hækkaðir
1. nóvember sl. í 7,25% en sérfræðingarnir reikna með
meiri hækkunum næstu misseri því að þeir spá 8,6%
stýrivöxtum að ári og þeim sömu að tveimur árum
liðnum. Af töflunni má hins vegar ráða að sér-
fræðingana greinir á um þróunina.
Það sama á við um framtíðarverð hlutabréfa, – ekki
síst þegar horft er tvö ár fram í tímann. Einn aðili býst
við töluverðri lækkun en aðrir við hækkun – mismik-
illi þó. Sérfræðingar fjármálafyrirtækjanna telja að
fasteignaverð muni halda áfram að stíga næstu misseri.
Rammagrein 5 Könnun á mati sérfræðinga á fjármálamarkaði á horfum í efnahagsmálum
Yfirlit yfir spár sérfræðinga á fjármálamarkaði1
2004 2005
Meðaltal Lægsta gildi Hæsta gildi Meðaltal Lægsta gildi Hæsta gildi
Verðbólga (yfir árið) .............................................. 3,7 3,5 3,9 3,5 2,7 4,9
Verðbólga (milli ársmeðaltala) .............................. 3,2 3,1 3,3 3,5 3,1 4,4
Hagvöxtur .............................................................. 5,0 3,9 6,2 5,1 4,3 6,5
Eitt ár fram í tímann Tvö ár fram í tímann
Gengisvísitala erlendra gjaldmiðla........................ 123,0 120,0 128,0 128,0 123,0 133,0
Stýrivextir Seðlabankans ....................................... 8,6 8,5 9,0 8,6 8,0 9,5
Langtímanafnvextir2 .............................................. 8,2 8,0 8,2 7,5 7,0 7,7
Langtímaraunvextir3 .............................................. 3,8 3,5 4,2 3,6 3,2 3,9
Breyting úrvalsvísitölu aðallista............................ 2,5 -20,0 20,0 11,8 -10,0 35,0
Breyting fasteignaverðs ......................................... 8,8 5,0 10,0 12,3 10,0 15,0
1. Taflan sýnir breytingu milla tímabila í % nema að því er varðar gengi og vexti. Sýnd eru þau gildi sem spáð er fyrir vexti (%) og gengisvísitölu
erlendra gjaldmiðla (stig). Þátttakendur í könnuninni eru greiningardeildir Íslandsbanka hf., KB banka hf. og Landsbanka Íslands hf. og Ráðgjöf og
efnahagsspár ehf. 2. Ávöxtunarkrafa í tilboðum viðskiptavaka í ríkisbréf (RIKB 13 0517). 3. Ávöxtunarkrafa í tilboðum viðskiptavaka í íbúðabréf
(HFF 150644). Heimild: Seðlabanki Íslands.
PENINGAMÁL 2004/4 39