Breiðfirðingur - 01.04.1997, Blaðsíða 64

62
BREIÐFIRÐINGUR
Steinunn Hjálmarsdóttir úr Reykhólasveit
Sæmundur Guðbjörn Lárusson úr Saurbæ
Theodór Daníelsson úr Breiðafjarðareyjum
Valbjörg Kristmundsdóttir úr Saurbæ og Grundarfirði
Flestir eða allir höfundar þessa efnis munu nú látnir. Sumt af
því hefur birst lítið breytt sem bókarhlutar, svo sem frá Geir
Sigurðssyni á Skerðingsstöðum, Hallgrími Jónssyni í Ljárskóg-
um og Valbjörgu Kristmundsdóttur. I Breiðfirðingi 1982 komu
minningar Sigurborgar Eyjólfsdóttur frá Dröngum og samtal
við Leif Grímsson um svipað efni frá Kýrunnarstöðum. Oft
hefur hvarflað að núverandi ritstjórum hvort ekki væri athug-
andi að prenta meira af þessum endurminningum. A þessum
árum hefur hinsvegar jafnan verið meira en nóg framboð af
efni svo að enn hefur ekki annað birst en hinar stórfróðlegu
minningar Pjeturs B. Guðmundssonar frá Rifi í 52. árg. 1994.
Að þessu sinni er lag til að birta nokkur fleiri sýnishom af
þessu efni. Varla þykir samt viðeigandi að gera slíkt án vitundar
og samþykkis afkomenda höfundanna ef til þeirra næst.
Reyndar hafa sumir höfundar sjálfir tekið skýrt fram að allar
frásagnir þeirra sé heimilt að prenta undandráttarlaust. Rit-
stjórar munu þó telja sér bæði rétt og skylt að lagfæra staf-
setningu og raða efninu í betra samhengi þegar þörf krefur. Á
stöku stað er einnig nauðsynlegt til upplýsingar að bæta við
skýringum innan hornklofa [...] fyrir þá sem ekki eru ýkja
staðkunnugir eða ættfróðir því margir höfundanna virðast hafa
skrifað minningarnar beint úr höfði sér án þess að gera
uppkast eins og okkar lrkar telja sjálfsagt nú á dögum.
Hér á eftir verða birt brot úr æviminningum eftir Olöfu K.
Sveinsdóttur frá Staðarfelli, Sæmund G. Lárusson úr Saurbæ
og Karl Þ. Kristjánsson úr Eyrarsveit. Full ástæða er til að
hvetja sem flesta til að skrá minnisverð tíðindi úr eigin lífi og
annarra og þá mega menn fyrir engan mun gleyma að halda
gömlum ljósmyndum til haga. Þær geta einatt reynst ómetan-
legar heimildir.
Ritstjórar