Breiðfirðingur - 01.04.1997, Blaðsíða 154

152
BREIÐFIRÐINGUR
Og hvað getur það þýtt?
Það er engin goðgá þótt sagt sé, að enginn óratími sé síðan
nær allt er manninum hugkvæmdist að gera, var talið á valdi
guðsins eins. Við verðum því að horfast í augu við það, að við
hvern þann áfanga er guðinn hörfaði, hafi maðurinn smátt og
smátt öðlast þá eiginleika, er hann tileinkaði guðinum: Þekk-
ingu, tæknilega færni, fyrirfram vitneskju um veðurfar, jarð-
hræringar, jafnvel eldgos, og alltað því vald yfir sumum nátt-
úruöflum. Hann hefur heimsótt tunglið, útbúið stundar dvalar-
stað fyrir menn útí geimnum og byggt geimför til ferða þang-
að og heim aftur, og nú síðast sýnt ótrúlega færni til útreikn-
inga á ferð til Mars með hinum fullkomnustu rannsóknartækj-
um. Hann hefur sett fram rökstudda kenningu um eyðingu á
brennsluefni - vetni - í blessaðri sólinni, en því miður með
þeim afleiðingum, að hún þenjist svo út að hún eigi eftir að
gleypa m.a. jörðina, og þurrka þar með út allt mannlíf.
Og lengra hefur maðurinn seilst án þess að hafa orðið guðs-
ins var. Með stjarneðlisfræðilegri þekkingu sinni hefur hann
sýnt uppruna vetrarbrauta, er hófst með „stóra hvelli“ með
þeim afleiðingum að gífurleg þensla er í öllum sólkerfum -
spurning hvort hún er ekki endalaus? - og svo muni allt drag-
ast saman að einum punkti? Og þá trúlega útþurrkun alls lífs,
hvar sem það kann að vera. I dag hefur manninum ekki aðeins
tekist að vekja upp slokknað líf, heldur hafið líf með sæðis- og
glasafrjóvgunum, og að síðustu tekið það ómak af Guði
almáttugum að skapa fullbúna manneskju með efnafræðileg-
um hvötum.
En þrátt fyrir það vald er maðurinn hefur fengið í hendur
sér, þá hefur hann ekki nema takmarkað öðlast þann eiginleika
að sjá fyrirfram afleiðingar ákvarðana sinna og verka. Einnig
hefur hann reynt með þó nokkurri ýtni að sniðganga þá mikil-
vægu tilætlan guðsins að hann yrði ábyrgur ákvarðana sinna
og gerða. Og hversu langt sem maðurinn hefur náð, þá hefur
ferill hans verið blóði drifinn og mistök hans og ábyrgðarleysi
lyft það skýrri bliku á loft jafnt á himni sem jörðu að áhöld
em um hvenær eða hvort honum tekst að eyða henni?