blaðið - 16.06.2006, Blaðsíða 2
2IFRÉTTIR
FÖSTUDAGUR 16. JÚNÍ 2006 blaöiö
blaöið___
Hádegismóum 2,110 Reykjavík
Sími: 510 3700 * www.vbl.is
FRÉTTASÍMI:
510 3799
netfang: frettir@ bladid.net
AUGLÝSINGADEILD:
510 3744
netfang: auglysingar@bladid.net
Illa farið með
köttinn
Karlmaður, sem skilið hafði
kött eftir vikum saman án eftir-
lits eða umönnunar í íbúð sinni,
var í gær dæmdur til að greiða
40 þúsund króna sekt í Héraðs-
dómi Vesturlands.
Var hann dæmdur fyrir brot
á dýraverndunarlögum. Lög-
reglan fann köttinn í íbúð
mannsins en hann var þá bæði
mjög horaður og í slæmu ásig-
komulagi. Maðurinn á að baki
nokkurn sakaferil, en ekki er
vitað til þess að hann hafi brotið
dýraverndarlög áður.
Kúluskítur
friðaður
Eitt síðasta embættisverk Sig-
ríðar Önnu Þórðardóttur sem
umhverfisráðherra var að friða
blesgæs og kúluskít. Þetta kemur
fram í tilkynningu sem umhverf-
isráðuneytið sendi frá sér í gær.
Kúluskítur er sjaldgæft vaxtar-
form þörungs sem finnst aðeins
í vötnum í heiminum. Annað
þeirra er á íslandi en hitt í Japan.
Friðun blesgæsarinnar er í sam-
ræmi við tillögur Fuglaverndar
og Skotvís.
Sigríður Anna Þórðardóttir lét
formlega af embætti umhverfis-
ráðherra í gær en við embættinu
tók Jónína Bjartmarz.
Halldór Ásgrímsson afhendir Geir H. Haarde lyklavöldin í forsætisráðuneytinu. Með því lauk 21 mánaðar setu Halldórs í stól
forsætisráðherra.
BlaÖiÖ/Frikki
Ríkið greiði
Stjörnugrís
Héraðsdómur Reykjavíkur
hefur dæmt íslenska ríkið til að
greiða fyrirtækinu Stjörnugrís
27 milljónir króna vegna ólög-
legrar stjórnvaldsákvörðunar,
auk tveggja milljóna króna í
málskostnað.
Tildrög málsins eru að um-
hverfisráðuneytið neitaði að að
afgreiða starfsleyfi vegna upp-
byggingar svínabús á vegum
Stjörnugríss í Borgarfirði. Þess-
ari ákvörðun var mótmælt af
hálfu stefnanda sem ólögmætri,
en Stjörnugrís krafðist þess að
ríkið greiddi fyrirtækinu um
88 milljónir króna með drátt-
arvöxtum. Niðurstaða héraðs-
dóms varð á þann veg að ríkið
greiði fyrirtækinu 27 milljónir
króna.
„Brýnt að ná tökum á verðbólgu
og ljúka varnarviðræðunum"
Geir H. Haarde, nýskipaður forsætisráðherra, segir brýnustu verkefni nýrrar ríkisstjórnar
að ná tökum á efnhagsmálum og leiða varnarviðræðurnar við Bandaríkjamenn til lykta.
Eftir Höskuld Kára Schram
Hvorki fleiri né færri en fimm
ráðuneyti skiptu um hendur í gær
þegar ný ríkisstjórn undir forsæti
Geirs H. Haarde tók formlega við
stjórnartaumnum. Þrír nýir ráð-
herrar tóku við embætti en á sama
tíma hurfu þrír á braut þar á meðal
Halldór Ásgrímsson, fráfarandi
forsætisráðherra. Halldór lætur af
þingmennsku næsta haust en ekki
liggur fyrir hvað hann mun taka sér
fyrir hendur á komandi árum. Brýn-
ustu verkefni nýrrar ríkisstjórnar
er að ná tökum á verðbólgunni og
ljúka varnarviðræðum við Banda-
ríkjamenn, að sögn Geirs H. Haarde,
forsætisráðherra.
Miklar skiptingar
Hátíðarstemmning ríkti á ríkisráðs-
fundi á Bessastöðum í gær þegar
ríkisstjórn Halldórs Ásgrímssonar
kom saman í síðasta skipti. Þar með
lauk 21 mánaðar setu Halldórs Ás-
grímssonar í stól forsætisráðherra
en hann tók við embættinu af Davíð
Oddssyni í september árið 2004. Þá
hurfu tveir aðrir ráðherra úr ríkis-
stjórninni í gær. Jón Kristjánsson
lét af embætti félagsmálaráðherra
og Sigríður Anna Þórðardóttir hætti
sem umhverfisráðherra.
Blatlo/Frikki
Löngum valdaferli Halldórs Ásgrímssonar lauk í gær er hann hvarf úr embætti forsæt-
isráöherra. Björn Ingi Hrafnsson, leiðtogi Framsóknarflokksins í Reykjavík, kveður hér
foringja sinn og fyrrum yfirmann f forsætisráðuneytinu.
Eftir að ríkisráðsfundi lauk tók
við hádegisverðarboð með ráð-
herrum og mökum þeirra. Þarnæst
hófst ríkisráðsfundur undir forsæti
Geirs H. Haarde með þremur nýjum
ráðherrum. Jónína Bjartmarz tók
við embætti umhverfisráðherra
og Magnús Stefánsson við félags-
málaráðuneytinu. Þá skipti Val-
gerður Sverrisdóttur úr iðnaðar- og
viðskiptaráðuneytinu yfir í utan-
ríkisráðuneytið og inn kom Jón
Sigurðsson.
Ekki í seðlabankann
Á blaðamannfundi eftir að ríkisráðs-
fundi lauk lýsti Halldór Ásgrímsson
því yfir að hann mundi ekki sækjast
eftir því að verða seðlabankastjóri.
Með því lokaði Halldór á allar vanga-
veltur þessa efnis að hann mundi
taka við stól Jóns Sigurðssonar. Hall-
dór sagðist ekki hafa gert upp hug
sinn varðandi hvað tæki við þegar
hann lætur af þingmennsku næsta
haust.
Að sögn Geirs H. Haarde, forsætis-
ráðherra, bíða nýrrar ríkisstjórnar
tvö mjög brýn viðfangsefni. „Ann-
ars vegar er það efnahagsmálin og
mikilvægi þess að ná niður verð-
bólgunni hér. Inn í það spila allar
viðræður sem hafa verið við aðila
vinnumarkaðarins. Ég tel mjög mik-
ilvægt að leiða það mál farsællega
til lykta. Hins vegar eru það varn-
arviðræðurnar við Bandaríkin sem
er mjög mikilvægt að fá botn í. Það
er ákveðið að viðræðufundur verði
hér í Reykjavík 7. júlí næstkomandi.
Bandaríkin hafa tilnefnt nýjan aðal
samningamann til að sinna þessu
sem er aðstoðarvarnarmálaráð-
herra. Við gerum okkur vonir um
að það verði hægt að þoka málinu
áleiðis.“
hoskuldur@bladid.net
HeiJsklrt . Léttskýjað Skýjaö Alskýjaö^—■* Rigning.lltilsháttar^^Rioning-íL^Súld --- - Snjókoma 4- • Slydda Snjóél
Skúr
iiUJdíli
Algarve 21
Amsterdam 18
Barcelona 25
Berlín 27
Chicago 17
Dublin 17
Frankfurt 29
Glasgow 19
Hamborg 24
Helsinki 21
Kaupmannahöfn 18
London 18
Madríd 24
Mallorka 29
Montreal 15
New York 18
Orlando 25
Osló 20
París 25
Stokkhólmur 19
Vín 26
Þórshöfn 10
Veðurhorfur í dag kl: 15.00
Veðursíminn 902 0600
Byggt á upplýsingum frá Veðurstofu íslands
Á morgun