Fréttablaðið - 07.04.2014, Blaðsíða 2

7. apríl 2014 MÁNUDAGUR| FRÉTTIR | 2
MENNING „Dekkin eru farin að
snúast og lyftast,“ segir Jóhann
Sigmarsson, kvikmyndaleikstjóri
og upphafsmaður svokallaðs Mið-
baugsverkefnis.
Fréttablaðið hefur áður sagt
frá Miðbaugs-minjaverkefninu
sem er alþjóðlegt farandverk-
efni um að skapa listaverk úr
sögulegum heimsminjum. Meðal
listamanna sem koma að verk-
efninu eru Steingrímur Eyfjörð,
Jón Adólf Steinólfsson, Halldór
Ásgeirsson, Matthias Krause
og Steingrímur Karlsson kvik-
myndagerðarmaður sem mun
stýra heimildarmynd sem Frið-
rik Þór Friðriksson framleiðir.
Jóhann segir fyrir liggja skrif-
legt vilyrði frá RÚV um kaup á
myndinni.
„Við erum komin með þrjú
þúsund fermetra stúdíó í miðri
Berlín. Það er hrátt en mjög
flott,“ segir Jóhann sem í lok
apríl heldur til Berlínar að undir-
búa komu annarra listamanna.
Upphafið að verkefninu rekur
Jóhann til ársins 2012 er hann
fékk gefins bryggjustólpa úr
Reykjavíkurhöfn. Hann hefur
síðan unnið ýmsa muni úr viðar-
stólpunum. „Til þess að fjármagna
mig sel ég húsgögn úr Reykjavík-
urhöfn,“ segir Jóhann sem hefur
nú einnig fengið vilyrði fyrir
gömlum drumbum úr Hamborgar-
höfn og broti úr Berlínarmúrnum.
Úr þessum minjum verða unnin
húsgögn og listaverk í samvinnu
við þýska listamenn.
Þá hefur fengist leyfi til að
nýta minjar sem tengjast kjarn-
orkuárás Bandaríkjamanna á
Hírósíma í Japan árið 1945. Það
verk verður unnið í samstarfi við
þarlenda listamenn.
Sömuleiðis er reynt að fá
leyfi til að nýta minjar úr rúst-
um 9/11-atburðarins í New York
og minjar frá franska þorpinu
Oradour-sur-Glane sem hefur
staðið óhreyft síðan 10. júní 1944
er allir bæjarbúar nema sex voru
teknir af lífi af SS-sveitum. „Við
eigum enn eftir að fá svar frá
þessum aðilum en ég er mjög
bjartsýnn, sérstaklega af því að
við höfum fengið jákvæðar und-
irtektir um Berlínarmúrinn og
Hírósíma,“ segir Jóhann.
Haldnar verða sýningar í
hverju landi með lokasýningu á
Íslandi. Jóhann segir muni verða
selda á uppboði og að hluti ágóð-
ans renni til góðgerðarmála á
heimsvísu. gar@frettabladid.is
Við eigum enn eftir
að fá svar frá þessum
aðilum en ég er mjög
bjartsýnn, sérstaklega af
því að við höfum fengið
jákvæðar undirtektir um
Berlínarmúrinn og
Hírósíma.
Jóhann Sigmarsson,
upphafsmaður Miðbaugsverkefnisins
Bryggjustólpar verða
að alþjóðasamstarfi
Jóhann Sigmarsson og félagar í Miðbaugs-minjaverkefninu hafa fengið þrjú þús-
und fermetra vinnusal í Berlín. Skapa á list úr minjum frá Hírósíma og Berlínar-
múrnum. Beðið er svara um minjar frá voðaverkum í New York og Frakklandi.
MIÐBAUGS-
GENGIÐ Lista-
mennirnir Stein-
grímur Eyfjörð og
Halldór Ásgeirsson,
Eydís Eir Björns-
dóttir verkefnis-
stjóri og Jóhann
Sigmarsson í
Reykjavíkurhöfn
þar sem Miðbaugs-
verkefnið á upp-
runa sinn.
FRÉTTABLAÐIÐ/STEFÁN
Ólafur, svífur engin ást yfir
vötnum?
Reyndar á það við að þar sem
tvær endur koma saman á þessum
árstíma getur kviknað ást með
fyrirsjáanlegum afleiðingum.
Ólafur Karl Nielsen fuglafræðingur fór fyrir
tuttugu manna hópi sem tíndi rusl á frið-
landi við Tjörnina á laugardaginn.
STJÓRNSÝSLA Vinna við endurskoðun á virðis-
aukaskattkerfinu stendur yfir og gerir Bjarni
Benediktsson fjármálaráðherra ráð fyrir að nið-
urstöður nefndar sem vinnur að málinu liggi fyrir
síðar á þessu ári. Meðal annars eru skoðaðar
breytingar á vörugjöldum og leitast við að draga
úr mun á milli skattþrepa.
„Það er ójöfnuður í virðisaukaskattkerfinu sem
við viljum breyta með því að einfalda kerfið, draga
úr mun á milli þrepa og draga úr undanþágum,“
segir Bjarni.
Stærsta breytingin væri að lækka 25,5 prósenta
virðisaukaskattinn í efra þrepi kerfisins, þar sem
flestir vöruflokkar eru, og hækka skattinn í neðra
þrepinu, 7 prósent virðisaukaskatt, sem er á bókum,
tónlist, matvöru og hluta af ferðaþjónustu. Annað í
ferðaþjónustunni er undanþegið virðisaukaskatti.
„Á móti kæmu mótvægisaðgerðir til að bæta
stöðu þeirra sem eru með lægri tekjur. Grunn-
hugsunin er að lágt neðra þrep sé mjög ómarkviss
aðgerð til að létta undir með þeim sem eru með
lægri tekjur og aðrar leiðir eru skilvirkari, til að
mynda í gegnum bótakerfið eða skattkerfið.“
Einnig er hafin vinna við að endurskoða og ein-
falda tekjuskattkerfið með skattalækkanir í huga.
Bjarni segir að þær aðgerðir verði tímasettar á
þessu kjörtímabili, meðal annars með hliðsjón af
kjarasamningum sem verða opnir á árinu. - ebg
Bjarni Benediktsson segir of mikinn ójöfnuð vera í virðisaukaskattkerfinu:
Skattur á matvöru gæti hækkað
VILL LÆKKA SKATTA Bjarni Benediktsson fjármálaráðherra
vill einfalda virðisauka- og tekjuskattkerfið. FRÉTTABLAÐIÐ/DANÍEL
ÆSKAN OG HESTURINN Hestar og knapar sýndu leikni sína með boltann.
FRÉTTABLAÐIÐ/DANÍEL
ÍÞRÓTTIR Börn léku aðalhlutverkið í Víðidal á sunnudag þegar sýningin
Æskan og hesturinn var haldin. Tvær sýningar fóru fram um daginn
en börnin höfðu æft af kappi fyrir sýningarnar og áttu veg og vanda
af undirbúningi þeirra. Sýningin er samstarfssýning nokkurra hesta-
mannafélaga og er orðin árviss viðburður.
Knapar slógu tvær flugur í einu höggi og spiluðu knattspyrnu á
hestbaki í einu atriði sýningarinnar. Boltinn sem varð fyrir valinu var
í stærra lagi en að lokum sigraði Fylkir lið Fjölnis. - ssb
Þrotlausar æfingar ungra knapa skiluðu sér í glæsilegri sýningu:
Hross léku knattspyrnu í Víðidal
MENNTAMÁL Kennarar og aðrir
háskólamenntaðir starfsmenn
Háskóla Íslands hafa nú þrjá
daga til að tilkynna hvort af
verkfalli verður á lögbundnum
prófatíma í apríl og maí.
Kennarar samþykktu verkfall
22. mars síðastliðinn með miklum
meirihluta og síðustu vikur hefur
Samninganefnd Félags háskóla-
kennara fundað óformlega með
samninganefnd ríkisins.
Jörundur Guðmundsson,-
formaður Félags háskólakennara,
segir að unnið sé eftir ákveðinni
aðgerðaáætlun þó að fundirnir
séu óformlegir.
- ebg
Háskólakennarar
Hafa 3 daga í
verkfallsboðun
KJARAMÁL Engir fundir hafa
verið hjá samninganefnd flug-
vallarstarfsmanna og Isavia hjá
ríkissáttasemjara um helgina.
Flugvallarstarfsmenn hafa boðað
til verkfalls næstkomandi þriðju-
dag ef samningar nást ekki.
Búist er við því að seinkun á
flugi vegna verkfalls geti numið
allt að fjórum klukkustundum.
Kristján Jóhannsson, formaður
Félags flugmálastarfsmanna rík-
isins, segir að fundað verði áfram
í dag, mánudag. - ssb
Flugvallarstarfsmenn í verkfall:
Ekkert fundað
um helgina
VIÐSKIPTI Samtök atvinnulífs-
ins hafa gefið út bækling með tíu
leiðum fyrir Ísland til að verða
aftur eitt samkeppnishæfasta land
veraldar.
Meðal ráða samtakanna er að
stuðlað verði að afnámi gjaldeyris-
hafta, mótuð verði ný peninga-
stefna og að betri árangur náist í
fjármálum hins opinbera.
Samtök atvinnulífsins vilja jafn-
framt að skattar verði lækkaðir og
útgjöld ríkis og sveitarfélaga verði
dregin saman. Þá leggja samtökin
til að námstími frá grunnskóla til
framhaldsskóla verði styttur um
tvö ár. Fram kemur í bæklingnum
að samneysla sé með hæsta móti á
Íslandi en Samtök atvinnulífsins
vilja auka vægi einkareksturs og
minnka opinberan rekstur.
Fram kemur í tilkynningu frá
samtökunum að Sigmundur Davíð
Gunnlaugsson forsætisráðherra
hafi sagt við kynningu tillagnanna
að stefnumörkun samtakanna væri
rökrétt og vel framkvæmanleg.
- ssb
Samtök atvinnulífsins vilja að Ísland nái aftur vopnum sínum í viðskiptalífinu:
10 leiðir til að verða best í heimi
BOLTINN HJÁ OKKUR Sigmundur
Davíð vill gjarnan koma íslandi í
fremstu röð. FRÉTTABLAÐIÐ/VILHELM
ÚKRAÍNA Fylgismenn rússneskra
stjórnvalda brutust inn í stjórn-
sýslustofnanir í þremur borgum
Úkraínu í gær.
Mestu óeirðirnar áttu sér stað
í borginni Donetsk, þar sem
stór hópur safnaðist saman á
torgi í miðbænum og réðst inn
í borgar stjórnarskrifstofurnar.
Eftir átök við óeirðalögregluna
komst hópurinn inn í bygg-
inguna, flaggaði rússneska fán-
anum og hengdi borða á húsið.
Talið er að um þúsund manns
hafi tekið þátt í óeirðunum og
í gærkvöldi voru enn hundrað
manns inni í byggingunni.
- ebg
Rússar mótmæla í Úkraínu:
Brjótast inn í
stofnanir
SPURNING DAGSINS
Kringlunni
heyrnarstodin.is
HEYRNARSTÖ‹IN