Fréttablaðið - 04.03.2009, Qupperneq 23

MIÐVIKUDAGUR 4. mars 2009 3
„Námskeiðið gengur í megindrátt-
um út á að að fræða börn um það
sem við getum séð á himninum
eins og stjörnumerkin, tunglið og
reikistjörnurnar. Þá tölum við um
af hverju tunglið vex og dvínar og
hvernig gígarnir á tunglinu mynd-
ast og sýnum það fremur leikrænt.
Svo ætlum við að tala um Mars
og líf í geimnum, hvernig Hómer
Simpson getur frætt okkur um
svarthol og fleira,“ segir Sævar
Helgi Bragason hjá Stjörnuskoðun-
arfélagi Seltjarnarness, en helgina
7. og 8. mars stendur félagið fyrir
krakkanámskeiðum í stjörnufræði
og stjörnuskoðun í Valhúsaskóla.
Námskeiðin eru hluti af stóru
alþjóðlegu verkefni sem kallast
UNAWE, eða Universe Awareness,
og er unnið með stuðningi UNES-
CO og haldið á vegum Alþjóða-
sambands stjarnfræðinga en sams
konar námskeið eru haldin úti um
allan heim. „Verkefnið gengur út á
að færa börnum undur alheimsins
á einfaldan hátt og víkka sjóndeild-
arhringinn. Í ár eru 400 ár liðin
frá því að Galíleó beindi sjónauka
til himins og er verið að minnast
þess atburðar í yfir 140 löndum um
allan heim, þannig þetta er stórt
ár. Við héldum svona krakkanám-
skeið síðasta vetur við góðar und-
irtektir en þá komu yfir 50 krakk-
ar með foreldrum sínum,“ útskýrir
Sævar Helgi áhugasamur.
Hvert námskeið stendur yfir í
tvær klukkustundir og er hugsað
fyrir barn og eitt foreldri saman.
„Á laugardaginn er námskeið fyrir
krakka á aldrinum fimm til níu ára
en á sunnudaginn fyrir krakka á
aldrinum tíu til þrettán ára. Við
munum búa til árekstrargíga, setja
upp líkan af jörðinni og tunglinu,
fjalla um geimverur og svarthol
og fleira. Eftir námskeiðið verð-
ur síðan boðið upp á stjörnuskoð-
un, þegar veður leyfir, þar sem
þátttakendur eiga þess kost að
mæta með eigin sjónauka og læra
á hann,“ segir Sævar Helgi og
bætir við að stjörnufræðikennsla
í grunnskólum hafi farið vaxandi.
„Nú er ekki skylda að taka sam-
ræmt próf í náttúrufræði og þá
fá kennarar meira frjálsræði með
efnið og margir hafa tekið upp á
því á að kenna stjörnufræði þar
sem hún er áhugaverð og snertir
spurningar sem allir spyrja sig.“
Nánari upplýsingar eru á
stjornuskodun.is og astro.is þar
sem einnig er hægt að skrá sig.
hrefna@frettabladid.is
Krakkar og himingeimur
Í tilefni af alþjóðlegu ári stjörnufræðinnar stendur Stjörnuskoðunarfélag Seltjarnarness fyrir námskeið-
um í stjörnufræði og -skoðun um næstu helgi sem ætluð eru krökkum á aldrinum fimm til þrettán ára.
Á krakkanámskeiðum í stjörnufræði er leitað svara við ýmsum áhugaverðum spurningum er snerta himingeiminn. Sævar Helgi á
von á að námskeiðin verði vel sótt. FRÉTTABLAÐIÐ/ANTON
MATREIÐSLUNÁMSKEIÐ undir heitinu Hvað á ég að gefa
barninu mínu að borða? verður haldið hjá Manni lifandi í kvöld frá
klukkan 20.00 til 22.00. Kennari er Ebba Guðný Guðmundsdóttir.
Fræðslufundur ADHD-samtak-
anna á morgun.
Á fundinum, sem er klukkan 20
að Háaleitisbraut 13 í fræðslusal
á fjórðu hæð, mun Ásdís A. Arn-
alds félagsfræðingur kynna nið-
urstöður rannsóknar á upplifun
foreldra af því að eiga barn greint
með ADHD, athyglisbrest með
ofvirkni.
Allir eru velkomnir á fyrirlest-
urinn en nánari upplýsingar má
finna á vefnum, adhd.is. - hs
Fræðsla um
ofvirkni
Börn að leik. FRÉTTABLAÐIÐ/HEIÐA
Bæjarlind 6 .. Eddufelli 2
S. 554-7030 S. 557-1730
NETHYL 2, SÍMI 5870600, WWW.TOMSTUNDAHUSID.IS
FJARSTÝRÐIR BENSÍNBÍLAR
Í ÚRVALI.